الموضوع: محتاج راى الشباب معايا

افضل البى ام لانها موديل احدث وتكنولوجيا اعلى وثبات وسحب احسن عن تجربة وال85 غالية شوية هى لو 82 يبقى حلو اوى وتكون فبريكة برة وجوة كمان وبعدين هى مش واطية اوى زمش بهدلة ولا حاجة وشوف بردوا حضرتك باقى راى الاعضاء .

alf alf shoker ya basha 3ala ehtemamak we fy entezar ba2y ara2 el a3da2

العفو يا فندم وانا تحت امر حضرتك .

المشاركة الأصلية كتبت بواسطة titos_81

السلام عليكم الاول
انا يا جماعه بقالى 15 سنه معانا مرسيدس و اللى معانا حاليا w123 المعدله 200 موديل85
انا كنت شاريها عامله 151000 كم و احنا 3 يد ليها بس دلوقت بفكر اغير و اركب bmw 316 موديل
97 بس مش عارف هل المرسيدس حتكون افضل منها ولا لايا رييت اسمع رايكوا عشان انا محتار
اكييد طبعا فى فرق فى اسعار قطع الغيار بس الثبات فى انهى احسن و السحب و كده و كمان
ناس كتير بتقولى البى ام واطيه و حتتبهدل من المطبات و المرسيدس اجمد و اعفى منها كمان
فرق المواتيير دى 1600 و دى 2000 وانا قدامى بى ام 97 1900 وحاله و كماليات بس صاحبها عايز
85000 و بيتهالى ان السعر عالى كتيير عن السوق انتوا
رايكوا ايه؟؟

السلام عليكم

البى أم دبليو هتكون أفضل فى شىء بسيط و هو الموديل الحديث عن المرسيدس و استهلاك البنزين عن المرسيدس ال W123 تمام. بالنسبه للسياره أنا شاهدتها بنفسى السياره شركه بالكامل و لونها بذنجانى و بها 4 إيرباج (حسب ما ورد فى الأعلان) و السياره بها محرك ال E36 318iS اللى هى الكوبيه موديل 1997 و اسم المحرك M44B19 بسعة 1896 سى سى و قدرة 138 حصان و السياره أتوماتيك و الفتيس به خاصية القيادة الرياضيه (فكرة الفتيس الأستيبترونيك لكن مع و جود اختلافات جوهريه يطول شرحها) المهم السعر من وجة نظرى 85000 جنيه هو سعر معقول جدا بالنسبه لسياره بمثل هذه المواصفات لكن كل ما تحتاج إليه السياره حقيقة هو صالون لأن الصالون بها حالة ليست كما يجب " جلد الكراسى مشقق من الغسل بالماء و التعرض للشمس". بالنسبه للثبات اعتقد إنك لن تشعر بفرق كبير أن وجد اساسا فى الثبات لأن المرسيدس ثابت و جميل ما شاء الله و إن شءت قل إن ثبات المرسيدس أفضل من ثبات البى إم دبليو. من جهة إن المرسيدس أجمد كهيكل و اعفى كمحرك, أولا بالنسبه للمحرك الموجود بالبى أم دبليو محرك ما شاء الله خصوصا عند وضعية ال D S إى القياده الرياضيه ما شاء الله وحش بداخل الكبوت :). أما بالنسبه للهيكل فبالتأكيد المرسيدس هيكل أقوى. و ربنا يوفقك لما هو فيه الصالح و الخير لك.