الموضوع: ياجماعة الله يكرمكم انا محتاااااارة اوي ممكن تساعدوني

وايا كان في الاول والآخر صلي استخاره وربنا يكتبلك اللي فيه الخير وحنا موجودين وفي الخدمه ان شاء الله

جزاكم الله خير على الدعاء والمساعده والله ده ظني فيكم ربنا يكرمكم

وعلى فكرة البنت مش معرفتي ولا حاجه انا شفت انها عارضه عربيتها في احد المنتيات فسألتها عليها بس لكن حتى مشفتهاش ولا شفت العربيه

المشاركة الأصلية كتبت بواسطة hossam99

السلام عليكم
أنا مش عارف حضرتك هاتقبلي الفكره و لا لأ
و هي : أن طالما الماروتي مش متاحه دلوقتي يبقي أدور علي حاجه تانيه ياباني و يكون شكلها مقبول و تكون واسعه شويه و قعدتها مريحه
و بالوصف ده تبقي المازدا 323 مو 1982
عربيه أقتصاديه _ كبيره_ قطع غيارها رخيصه_ عربيه شككلها مقبول_سواقتها تقترب من عربيات موديلات التسعينات_موتورها قوي _ و سعرها نضيفه و لا تحتاج مصاريف ينحصر بين 17 ألف :20 ألف
و أنا عن نفسي 127 عمرها ما ركبت فيها مره و نزلت مرتاح أبدا

وعليكم السلام ورحمة الله وبركاته

جزاكم الله خير على المساعده بس انا والله معرفش اصلا العربيه اللي حضرتك بتقول عليها بس لما دورت لقيتها كبيرة اوي وانا زي ماقلت لسه بتعلم السواقه وخوافه كتير ولحد دلوقتي لسه ممشيتش في وسط البلد

علشان كده عايزة اصغر عربيه ممكنه وده اللي خلاني افكر في 127 لانها صغيرة وبردوا فكرت في الماروتي لانها مش اكبر كتير

كمان انا مشاويري مش كتير على قد لمرواح والمجي من المستشفى واني اودي الاولاد المدرسه بس كده يعني لا هسافر بيها ولا هروح مشاوير بعيده

والله انا محتارة فعلا ناس تقول حلوة ال 127 وناس كرهتني فيها وزوجي اخر مازهق مني قاللي نجيب 127 تتعلمي فيها وبعدها بشويه اكون كملت الفلوس وابيعها واجيب حاجه احسن

معلش بس سؤال ايه اللي مش مريح حضرتك في 127

المشاركة الأصلية كتبت بواسطة hm414

18 ألف تجيبلك ماروتي 99 -2001 وهتكون فبريكا دواخل

وعموما الماروتي عربية ممتازه وابن خالتي معاه 99
وزميلنا هنا كنج معاه 99 وكلهم مبصوطين معاها

من سنه لما كنت بدور على عربية ماروتي رحت لتاجر معرفه وكان عنده ماروتي 2005 راشه بره وقالي يديهاني ب 19 ونص

ايا كان صلي الاستخارة ومتستعجليش والماروتي رأيي مهما كانت هتفضل احسن من انك تجيبي عربية موديلها قديم جدا واعتقد فرق 10 سنين في الموديل بين ال 127 والماروتي هيخلي الماروتي مهما كانت هتكون احسن


تحياتي

المهم حضرتك لو جبتها موديل 99 او اقدم هتعطل مني كل شوية وتحتاج تروح كتير للميكانيكي ولا ايه لاني زي ماقلت معنديش حد يودي ويجيب

وبعدين انا مش عارفه والله الاسعار اللي حضرتك بتقول عليها دي الاقيها فين انا كل اللي شفته معروض ع النت اعلى من كده بكتير وبردوا اسعار المازدا اللي الاستاذ حسام قال عليها اقل من اللي بشوفه ع النت مش عارفه الاسعار دي الاقيها فين

والله جزاكم الله خير الجزاء على النصيحه والحمد لله مش باقدم على اي خطوة دون استخارة ورأيي من رأي حضرتك بردوا 10 سنين فرق كبير

ربنا يباركلك ويكرمك