بنك بأقل فايده ممكنه علي القروض؟؟

**othmanelshaikh** · 04-05-2011 04:32 AM

السلام عليكم و رحمة الله و بركاتة

انا قررت إن شاء الله اشتري عربيه سعرها هيكون في حدود من 90 إلي 100 الف ... انا حاليا معايا 40 الف

كنت هشتريها من كونتاكت كارز بالتقسيط بس لقيت الفايده كبيره جدااااا

فجت في دماغي فكره ... إني اخد 50 او 60 الف قرض من بنك (مع الـ40 اللي معايا) و اشتريها كاش من اوتو سمير ريان مثلا ، و اسدد القرض ده للبنك تاني.

فالسؤال بقي ... ايه اقل فايده ممكن ادفعها لبنك؟ و بنك ايه؟؟؟

شكراً جزيلا

**m3_dolphen** · 04-05-2011 06:40 AM

هذا القرض لا يجوز شرعا ... بالله عليك ابتعد عن ذلك وابحث عن البدائل ...

**amazingahmed** · 04-05-2011 09:13 AM

المشاركة الأصلية كتبت بواسطة m3_dolphen

هذا القرض لا يجوز شرعا ... بالله عليك ابتعد عن ذلك وابحث عن البدائل ...

+1111111111111111

**othmanelshaikh** · 04-05-2011 11:10 AM

ما البدائل اني اجيبها بالتقسيط و هدفع في التقسيط فايده قدددد كده :(

معلش انا اسف بس ياريت حد يقول اجابه محدده علي السؤال او يقترح حل تانيه يمكن تنفيذه

شكرا

**amazingahmed** · 04-05-2011 11:36 AM

أنا غرضي بس النصيحة.
فيه نظام تقسيط إسلامي بنظام المرابحة تقدر تدور عليه على المنتدى و لكني أيضا لا أميل للتقسيط أساساً لأن محدش عارف هيموت إمتى و ممكن يسيب لأهله ديون و مشاكل.
و فيه حل تاني أنك تجيب حاجة مستعملة و نضيفة بالفلوس اللي معاك لحد ما ربنا يوسع رزقك و تجيب حاحة أحسن. و 40 ألف هيجيبوا حاجة معقولة بإذن الله و الصبر جميل بدل ما تركب نفسك ديون.
و فيه حل تالت لو تلاقي حد يديك قرض حسن زي قرايبك أو أخوانك أو أصدقائك و ده برده حل مش سهل و برضه ديون.

**أبو_يوسف** · 04-05-2011 11:39 AM

المشاركة الأصلية كتبت بواسطة amazingahmed

و فيه حل تالت لو تلاقي حد يديك قرض حسن زي قرايبك أو أخوانك أو أصدقائك و ده برده حل مش سهل و برضه ديون.

صح كدا..
وممكن علشان ماتظلمش اللي هايديك القرض ويبقى هو كمان مرضي..
انك تقترض منه جنيهات ذهب وتردها له جنيهات ذهب
على اساس ان فلوسه ماتقلش قيمتها مع الوقت..

**amazingahmed** · 04-05-2011 02:22 PM

المشاركة الأصلية كتبت بواسطة timtim

صح كدا..
وممكن علشان ماتظلمش اللي هايديك القرض ويبقى هو كمان مرضي..
انك تقترض منه جنيهات ذهب وتردها له جنيهات ذهب
على اساس ان فلوسه ماتقلش قيمتها مع الوقت..

فكرة ممتازة. أحييك عليها

ده فعلا يبدو لي أنه حل في منتهى العدل

**age** · 04-05-2011 03:19 PM

ابعد عن قروض البنوك

**Amr Axel** · 04-05-2011 03:37 PM

بنك كريدي اجريكول كان اقل حاجة قبل موضوع الثورة كان حوالي 8-9 في المية
بس حاليا معرفش كام تقدر تسأل و تشوف

بس انا هقولك
يعني لو شايف انك هتقسط طبعا التقسيط وجع دماغ و يعتبر شرعا حرام لأنه ربا لكن مش عايز افتي فمش هقول غير الله اعلم
لأن التقسيط فعلا بينفع الناس المحتاجة او مش معاهم يدفعوا كاش فبيساعد

في حل و ليك حرية الاختيار
ممكن تجيب عربية اقل في السعر و متقسطش كتير

او تكون برده قليلة في السعر و تستلف من حد من قرايبك بدون فايدة خالص و اللي كنت هتقسطة للبنك تقسطه لقريبك و مش هتدفع فايدة

و الحل التالت اسمع ان في معارض عربيات تقسطلك لو حاجة بسيطة زي 10-15 الف من غير فايدة و بياخد ضمانات لأنك زي مانت عارف الثورة خلت حال كل الناس في الضياع و كله بتنشق انه يبيع قشة

اما الرابع تصبر لحد ما تجمع

و بالتوفيق ان شاء الله

-

الموضوع: بنك بأقل فايده ممكنه علي القروض؟؟

LinkBack

أدوات الموضوع

عرض

-

-

-

-

-

-

المواضيع المتشابهه

هل هذا نوع من انواع القروض؟ ادخل وشارك برائيك

سؤال فى القروض

اقصى سرعه ممكنه

القروض

القروض و الحرمانية

الكلمات الدلالية لهذا الموضوع

المفضلات

المفضلات

ضوابط المشاركة