الموضوع: المباحث هاتنزل بعد مافيمت العربية حظى سىء

المشاركة الأصلية كتبت بواسطة ashouhdy

ياباشا ماا الموضوع وسع اوى الايام دى .... تخيل عندنا التاكسيات فى اسكندرية مفيمة سوبر دارك ؟؟؟ تخيل كم المهازل اللى ممكن يحصل ورا الازاز المعتم دة .... تأمن انت ع حد من اهلك يدبس فى تاكسى كدة

حاجة تانية الفامية مش مسموح فى كل دول العالم !! فى الخليج فقط الجزء اللى ورا ودرجة غير معتمة واى حد يقولك غير كدة يبقى مش فاهم .... ومسموح بية فى كل الدنيا فى العربيات الفابريقة والجزء الخلفى بس يعنى اللى نازلة كدة عندنا مش بيستهبلوا ولا حاجة هم بيستهبلوا انهم واخدينة حق ليهم ولينا لأ .... احنا بنطالب بتطبيق القانون على الكل

انا شفت التاكسيات اللى عملت فاميه ده
بس دلوقتى مفيشعلى فكره

عارف ليه مش عشان المرور عشان حالهم وقف

زى محضرتك قولت من محترمه حتوقف تاكس تلاقيه حاطط فاميه وحتركب معاه
حتقوله بالسلامه
هما لما لقو حالم وقف شالوه

وعشان تتأكد من كلامى حتلاقى تاكسيات مفيمه او مركبه ستاره على الازاز اللى ورا بس مع انهم زمان مكانوش يقدرو يعملو كده بس هما شالو الفاميه بتاع الجناب عشان وقف الحال

ارجع واقول من حقى احط ستائر او فاميه مدام مش بيحجب الرؤيه عنى وانا سايق يعنى انا عن نفسى مش بطيق الدارك ده ولا السوبر دارك ولو ببلاش مش حركبه

المشاركة الأصلية كتبت بواسطة hikayat

بالنسبه للفاميه :
ملوووووش حل ... ودي حاجه انا مجربها بنفسي بقي لاني مركبه في الازاز اللي قدام علشان الشمس
لو جربتوا التكيف في وجود فاميه وفي حاله عدم وجود الفاميه هتحسوا بالفرق جدااااااااا
وبرده شكل العربيه في حاله وجود فاميه وفي حاله عدم وجود الفاميه
وسيبكوا بقي من دول الاهم : الشمس اللي كانت بتاكل دراعي ووشي وكانت بجد بتكرهني في حياتي واللي مجرد ما ركبت الفاميه محستش باي حاجه من الكلام ده ورجعت تاني اسوق الظهر في الصيف عادي بعد ما كنت بحاول اتجنب سواقه الظهر في الصيف لاني كنت بتعذب لو جربتوا الفرق بجد مكنتوش هتقولوا كده
ده بالنسبه للايجابيات

*اما بالنسبه لانه بيحجب الرؤيه عن اللي بره وده ممكن يخلي مجرم يستخبي فده مش شرط لاننا مش لو شلنا الفاميه المجرم مش هيستخبي المجرم ممكن يلبس ست ويستخبي ... وبعدين معظم الناس بتركب ستاير كبس رغم انها اسوا من الفاميه في كل حاجه والستاير الكبس بتحجب الرؤيه علفكره عن الفاميه كمان
والستاير برده بتخلي الواحد مش يشوف ايه اللي قدام العربيه اللي مركبه ستاير
وبرغم كده الستاير مسموح بيها والناس كلها مركباها
* اما لو الفاميه بيحجب الرؤيه الداخليه فدي بتختلف من واحد لواحد ومن درجه لدرجه ... انا ممكن اشوف من الفاميه فهسيبوا وحضرتك ممكن تركبه ومتشفش منه حاجه فاكيد هتروح تشيله
وكان حتي في عضو محترم هنا قايل في توبيك تاني انه ركب الفاميه وكان شايف منه وبعدين والدته لما جت تسوق مشافتش منه حاجه فاضطر انه يروح يشيل الفاميه
مفيش حد هيلاقي الفاميه بيحجب الرؤويه الداخليه بالنسباله وهيسيبه ... استحاله
وفي ناس مش بتشوف منه فبيقطعوا حته في الفاميه من قدام علي قد شكل المرايه
* اما بقي لو بيمنع الرؤيه عن العربيات اللي وراك ... طيب ايه الحل في الاتوبيسات والمكروباصات والعربيات النص نقل والتريلات والكلام ده كله اللي مبنفشفش اللي قدامهم
* اما في ناس بتقولك لو سمحنا بالفاميه في ناس هتعمل حاجات منافيه للاداب فالعربيه والناس دول حسابهم بقي عند ربنا وبعدين دول اصلا احقر من اننا نفكر اصلا فيهم وهما كده كده مش هيغلبوا بالفاميه او من غيره

كلام جميل وعاقل فعلا

فيه ناس ى امكانيتهم انهم يفيمو وظباط ووكلاء نيابه ومش بيعملو كده علشان مش محتاجينه

اكيد برضه لو سمحو بنسبه فاميه ويكون لايت برضه فيه ناس مش حتعمله وفيه ناس مش محترمه حتعمله بلاك برضه
فكده كده حتى لو سمحو بالفاميه فيه ناس مش محترمه برضه دى ملهاش حل وحلال فيها سحب الرخص

انا شايف ان الشرطة بتعتبر الملصقات ان الزجاج يكون فاميه او قام صاحب السيارة بتلوينه لان فى الحالتين بيكون الزجاج وما اضيف عليه جزء لا يتجزأ منه ويصعب فصلهمها عن بعضهما سريعا و قد تحتاج للاستعانة بوسائل خارجية لاتمام الفصل ام الستائر الكبس فهى لا تعتبر ملصق لانها واضح انها مفصولة عن الزجاج ولا تعتبر جزء لا يتجزأ منه ويسهل فصلهمها عن بعضهما سريعا دون الاستعانة بوسائل خارجية لاتمام الفصل .
بعدين انا ليا سؤال محيرنى بعد ما قرأت كل المشاركات الجميلة اللى فى الموضوع ده وتجارب الاخوة الاعضاء المحترمين و اللى استفدت منها فعلا و السؤال هو :هو معقولة مفيش عضو واحد هنا فى المنتدى بيشتغل فى ادارة المرور ظابط او موظف او فى النيابة او محامى يفيدنا فعلا فى الحوار ده و يعرفنا ايه اللى لينا وايه اللى علينا فى موضوع الفيميه والستائر ده علشان نعرف نرد بقلب جامد على اى كمين .
على فكرة تفييم الزجاج مهم جدددددددددا للاخوات المنتقبات لان النقاب فى الصيف داخل السيارة والجو حر فعلا شئ لا يطاق وخاصة لو بتعانى من ضيق فى التنفس وانا اعرف حالة ذى كده من الواقع فعلا فلو ليها حق قانونى فى التفييم بكده ممكن ترفع النقاب وتتنفس الصعداء وكده نكون رفعنا عنها ما لا تطيق.
اتمنى اى عضو بيشتغل فى اى من الوظائف اللى ذكرتها سابقا يشارك معانا و يرد بسند قانونى

انت عاملة فاتح يبين الى جوة ولا غامق اوووى لو فاتح ممكن يعدى

ال اعرفه يا رجاله انها مش ملصقات....ده زجاج معتم...الظباط عندنا ف اسيوط بيكتبوها زجاج معتم...الملصقات يندرج تحتها البادجات او الاستيكرات ع البدي