المباحث هاتنزل بعد مافيمت العربية حظى سىء

**lolita** · 10-05-2011 04:09 PM

يعنى اعمل اية دلوقتى

**lolita** · 11-05-2011 08:05 PM

يارجالة الفامية قولوا

**ashouhdy** · 11-05-2011 08:09 PM

شيلوا ركب ستاير مزيكا !

**fourseasons** · 11-05-2011 11:02 PM

يا جماعة الناس فاكرة كلها ان الثورة ديه ناجحة؟ ناجحة كيف ناجحة و هه هو الشعب ماتغيرش هاهاهاها.هى الناس الى عايشة على دخل معين من الرشوة فى المرور حيرضوا برضوا بأعلانات قناةon t.v "انا كنت جزء من النظام القديم و أتغيرت" هاهاهاها احنا بنضحك على بعض والا ايه بص شوف كمية المخالفات الى بتحصل امام عينيك كل يوم قبل 25 يناير و بعدها وانت نفسك تحكم على الشعب الشعب نفسه كله عياره فلت زى مبتقول الجملة الشهيرة "ده واد عياره فالت" لو عاوزين يحبسوا الناس الفاسدة يبقى يعملوا كده سور حوالين مصر كلها و يبقى يطلعوا القلة الطيبة تعيش فى جزيرة "نلسن"الى فى الأسكندرية فى ابو قير حلوه اوى عليهم لانهم مش حيطلعوا كتير.وربنا يرحمنا برحمتوا.

**shaddadfalcon1** · 11-05-2011 11:33 PM

الثوره شالت رئووس الفساد لكن الناس لسه مليانه فساد ومعندهاش لسه استعداد تشيله من جواها وبمعني اصح شايفاه حاجه حلوه

**lolita** · 12-05-2011 05:52 PM

انا مفيم لايت لايت بلاك كدة عادى و الا اشيلة

**a7madramadan** · 13-05-2011 02:46 AM

انا بنفسي كنت مع صديق في مرور محرم بك تجديد رخصة عربية ما دفعناش نص جنيه زيادة لدرجة إن في واحد كان عاوز يطلع فلوس والله الظابط ما أخدش الفلوس و رجعهاله و قاله يا أفندم دا قبل 25 يناير

كل واحد يبدأ بنفسه و يمشي سليم و ما يطلعش ربع جنيه مخروم لإن كل ربع جنيه مخروم بيعمل خرم في الثورة الي انتم دافعين ثمنها وقت و فلوس و دماء لإخواتكم ..

**a7madramadan** · 17-05-2011 05:06 AM

تباعا لمسلسل الإيجابيات ... كنت مع صديق ليا بيطلع رخصة قيادة ... عدى من إمتحان القيادة حرف الـــ s وما خليتهوش يطلع ربع جنيه لأي حد أكتر من المصاريف الرسمية .... و كان رهان انه لو دفع فلوس هأعزمه ولو ما دفعش العزومة عليه :d .....حقيقي يعني بلاش تخوف زائف من الشرطة و المرور اتعاملوا كويس معاهم هيعاملوكم كويس و بدون استهبال في المخالفات .... يعني ما تتوقعوش عربية متفيمة دارك أو الدرجة الي قبلها و الظابط يعديك كده بدون ما ياخد و يدي فالكلام معاك 10 دقايق ....... و ماتتخيلش انك لما هتتلامض مع الظابط على أساس انك عم الثورجي وبقى ليك حق فالبلد و إن من حريتك انك تفيم عربيتك و (آسف فاللفظ) ظز في قانون المرور الي بيتطبق عليك و على غيرك

وأهم حاجة خلي فلوسكم في جيوبكم .. حتى لو رايحين ترخصوا عربية لامبورجيني :d ... لإن الرشاوي لو بدأتوها مش هتخلص .... و لو عليا من دالوقتي ... والله والله والله ما هأطلع فلوس عمولات لتخليص أي مصلحة كانت والله على ما أقول شهيد ... دي بلدكم .. قرروا بنفسكم عاوزين تشوفوها ازاي ....

يـــا أستاذ madaxman أعتقد لو كنت قولت للظابط أنا آسف على الوقفة و أنا طالع علطول .. و صديقك ما تدخلش و اتلامض بزيادة مع الظابط كان الموقف عدى أسهل من كده ...

بعد ما الأوضاع تهدأ شوية أعتقد هيتغير قانون المرور و هيبقى أكثر مرونة للتعديلات الغير ضارة للسيارة أو لقائدها .. و هتبقى أكثر صرامه على المخالفين ... بس الموضوع مسألة وقت بس

**madaxman** · 17-05-2011 07:02 AM

المشاركة الأصلية كتبت بواسطة TheDieSeL

تباعا لمسلسل الإيجابيات ... كنت مع صديق ليا بيطلع رخصة قيادة ... عدى من إمتحان القيادة حرف الـــ s وما خليتهوش يطلع ربع جنيه لأي حد أكتر من المصاريف الرسمية .... و كان رهان انه لو دفع فلوس هأعزمه ولو ما دفعش العزومة عليه :d .....حقيقي يعني بلاش تخوف زائف من الشرطة و المرور اتعاملوا كويس معاهم هيعاملوكم كويس و بدون استهبال في المخالفات .... يعني ما تتوقعوش عربية متفيمة دارك أو الدرجة الي قبلها و الظابط يعديك كده بدون ما ياخد و يدي فالكلام معاك 10 دقايق ....... و ماتتخيلش انك لما هتتلامض مع الظابط على أساس انك عم الثورجي وبقى ليك حق فالبلد و إن من حريتك انك تفيم عربيتك و (آسف فاللفظ) ظز في قانون المرور الي بيتطبق عليك و على غيرك

وأهم حاجة خلي فلوسكم في جيوبكم .. حتى لو رايحين ترخصوا عربية لامبورجيني :d ... لإن الرشاوي لو بدأتوها مش هتخلص .... و لو عليا من دالوقتي ... والله والله والله ما هأطلع فلوس عمولات لتخليص أي مصلحة كانت والله على ما أقول شهيد ... دي بلدكم .. قرروا بنفسكم عاوزين تشوفوها ازاي ....

يـــا أستاذ madaxman أعتقد لو كنت قولت للظابط أنا آسف على الوقفة و أنا طالع علطول .. و صديقك ما تدخلش و اتلامض بزيادة مع الظابط كان الموقف عدى أسهل من كده ...

بعد ما الأوضاع تهدأ شوية أعتقد هيتغير قانون المرور و هيبقى أكثر مرونة للتعديلات الغير ضارة للسيارة أو لقائدها .. و هتبقى أكثر صرامه على المخالفين ... بس الموضوع مسألة وقت بس

ماهو الموقف كان هيعدي عادي لولا تدخل صاحبي دا بس معتقدش الظباط هيغيروا من نفسهم لأنهم طالعين من الكليه وهما فاهمين انهم أحسن من الناس وللأسف الغالبيه هما ال كدا ونادر ما تلاقي ظابط محترم وبتحس كأنك لقيت كنز
وبالنسبه لأختبار المرور دا من المستحيلات بصراحه اذا عديت من حرف ال s مش هتسلم من العربيه ال راكبها بتاعه المرور
انا صاحبي كان بيختبر وداس بنزين ورفع دواسه الدبرياج خالص ان العربيه تتحرك مفيش وقعد يدوس بنزين مش ماشيه راح المهندس زعق وقاله بتعمل ايه انزل بصراحه عربيه متصلحش ان حد يختبر عليها خالص

-

الموضوع: المباحث هاتنزل بعد مافيمت العربية حظى سىء

LinkBack

أدوات الموضوع

عرض

العرض المتطور

-

-

-

-

المواضيع المتشابهه

رئيس المباحث قالى كده

شفت رئيس المباحث عمل ايه؟؟؟؟؟؟؟؟؟؟؟؟؟؟؟؟؟؟

بونتو إيفو هاتنزل بالمحرك المالتي اير ولا العادي؟

اللوجان الأوتوماتيك هاتنزل ب67000 ولا لأ؟؟؟!!!

اسعار السيارات هاتنزل 15 مايو....؟

الكلمات الدلالية لهذا الموضوع

المفضلات

المفضلات

ضوابط المشاركة