الموضوع: نفس الهورس باور , نفس العزم , نفس الوزن .. لكن دي اسرع من دي ..ازاي ؟

المشاركة الأصلية كتبت بواسطة mido_soliman

كل الكلام اللى فات دة تحفة وجميل جدا بس انا بس احب اسجل رائى طالما كل اللى بيتقال اراء ناتجة عن مواضيع هنا فى المنتدى وملاك وتجارب شد وكلام من دة
مفيش سيراتو عرفت تطلع منى بل بالعكس كنت بتلذذ بتعذيبة ورايا لما كان بيبقى شايف نفسة او عايز يطلع بالعافية علشان اعلمة ان السيراتو زيها زى اى عربية عادية جدا بس هوة واخد فيها قلم جاف جامد شوية
عربيتى جين2 اوتو ستوك
تصحيح اخير وياريت قبل ما نكتب نتاكد اقصى عزم للعربية بيطلع عند 4000 لفة بالتمام والكمال
اقصى هورس باور وقيمتة الفعلية (ها الفعلية مش اللى كدة وكدة ) بيطلع عند 6000 لفة وقيمتة 110 حصان وسيسي صغنن
تحياتى للجميع

مش قوى كدا يعنى
هو واخد فيها قلم جاف
وانت عايز تثبت ان عربيتك كويسة ومش قليلة

وبعدين قولى من 0 لـ 100 فى الجين 2 بياخد وقت اد ايه؟؟

المشاركة الأصلية كتبت بواسطة mido_soliman

لية مش قوى كدة يعنى انا شايف انة قوى ونص عادى خالص
ومين قالك انى عايز اثبت ان عربيتى كويسة مش قليلة بالعكس انا عارف ومتاكد ان عربيتى محترمة جدا على الاقل بتقول الهورس باور بتاع العربية اللى خارج من العجل مش والموتور فى الهوا
لو كنت قريت كومنتى كويس كنت عرفت انى بوضح ان مفيش سيراتو طلعت منى فى اى وقت من الاوقات مع انى مش بتاع شد وجرى والكلام دة ولكن لما كان بيبقى فى حد شايف نفسة شوية وعايز يعدى غتاتة علشان القلم بيبقى جامد اوى علية وواخدة على صدرة كنت بعذبة ومجبتش سيرة ان عربيتى كويسة او انى عايز اثبت والكلام دة اصل بالعقل كدة الموضوع مش محتاج اثبات دى مقارنة ونسبة وتناسب والجين2 حتكسب فى كل شىء سعر مقابل اداء
وموضوع عربيتى بتجيبها فى قد اية دة محسبتهاش بصراحة بس المعلن فى الكتالوج انها بتجيبهم فى 13 ثانية تقريبا وعلى فكرة انا شوفت فيديوهاتك وعرفت انك مهتم اوى بموضوع التسارع دة بس انا لاحظت حاجة وعدلى لو غلطان ولا فيديو من بتوعك كنت بتبدا من ستارت يعنى من وضع سكون بتكون العربية واخدة سرعة ايا كانت كام ولا انا غلطان ؟؟
جرب كدة تبتدا من صفر يعنى تكون واقف وشوف حتاخدها فى قد اية :) ولو انى بردة مبقتنعش بموضوع التسارع دة اصل الفكرة فى الاول سواق مش عافية :)

ولا قوى ونص ولا حاجة دا مجرد كلامك بس لكن الحقيقة غير كدا خالص .. زى ما انت بتقول الكتالوج بيقول 13 ثانية قول فى الحقيقة 12 ولا حاجة يعنى كدا خلاص بيقرا النمر بتاعت العربية ورا بقى.

وبعدين شوف انت الفيديوهات كويس من ال0 ولا لا .. هو انا مش اول مرة اجرى عشان مش عارف هى من الثبات ولا من الحركة.

وانت بتقول ان عايز تثبتله ان عربيته عادية يعنى وانك بتظبته .. دا على اساس ان انت عربيتك يعنى فيها 2000cc
دى حتى مش cps يعنى الmid-range torque تعبان. وبعدين انت بحط صاحب السيراتو فى دماغك ليه ؟؟ وتثبتله ليه اصلا هو بيجرى مش عايز منك حاجة.

وهورس بور خارج من العجل ايه بس عيب تقول الكلام دا انت هتخلينى اعتبر كلامك Argument from ignorance

موضوع ان محدش بيطلع منك دا زى ما انت بتقول سواق دا حوار تانى
لكن من 0 لـ 100 سواقتك هتعمل ايه ؟؟ كله هنا كلام مواتير ..
يا سلام بقى لو حظك وقع مع سيراتو مانيوال ولا حاجة وواد لعيب سايق.

افتناعك حاجة والحقيقة حاجة تانية خالص.

وكل عربية فى فئتها يا باشا سعر الجين 2 دا حلو على فئتها لكن السيراتو فئة اكبر وعربية اكبر كمان
غير جودة تقفيل وخامات احسن وكماليات اكتر بكتير وتصميم احسن من جوا ومن برا .. كل دا ليه سعر مش ببلاش يعنى

المشاركة الأصلية كتبت بواسطة mido_soliman

بكام يعنى
خامات احسن ماشى فئة اكبر مش فاهم اكبر فى سعة الموتور ولا اكبر فى الصالون فبتتحسب فئة اكبر
كماليات اكتر بكتير معلش ياريت تسردهالى بس يعنى عايزك تقولى سعر السيراتو اللى فيها كماليات عربيتى بكام واية الكماليات الذيادة اوى اللى مش عندى
التصميم الاحسن من برة ومن جوة دة عندك انت بردة ودة موضوع زوق فمش حجادل فية
محصلة كلامك كلها خدوهم بالصوت بس مش اكتر
اسف لصاحب الموضوع واسف انى علقت تانى واوعدك مش حعلق تانى فعلا لان مستوى الحديث فى تدنى مستمر

ههههههه والله انا ضحكت فعلا
قال روق روق يا سيدى شكرا انك خايف عليا
والصغنن دا على الاقل فاهم هو بيقولك ايه مش تقولى هورس باور من عند العجل

و argument from ignorance اللى مزعلاك اوى يعنى كلام مبنى على معلومات مش كافية او مش كاملة مش شتيمة يعنى ودى الناس بتاعت الresearches عارفينها كويس اكيد ودى من حاجة اسمها fallacies بتاعت البحث

والحمد لله انا ولا بضايق والله حاجة ولا يفرق معايا اللى بيتقال اصلا انا بس بحب اوى النقاش

والله اكتر ناس بتكيف منهم هنا فى المنتدى الناس بتوع فيات .. ما شاء الله فهمين كويس جدا
دا عايز حتى اجيب حتة برافو ولا حاجة عشان يكون ليا شرف الانضمام ليهم زى ما انا فى كيا كدا الحمد لله

المشاركة الأصلية كتبت بواسطة tlrsiap

يا رجالة انا مش باقول لكم اسكتوا
لكن عايز نتكلم في الموضوع الاصلي بحيث نستفيد

و ليكم عليا ان شاء الله نعمل مقابلة و تعملوا فيها دراج ريس و اصوركم بنفسي

انا اسف يا باشا والله حقق عليا معلش
الموضوع كان ماشى تمام وزى الفل وكلام ممتاز مش عارف ايه اللى قلبه كدا
الشيطان دخل ما بينا
اوعدك مش هرد غير على ردود خارج موضوع السيراتو خالص
اسف مرة تانية :)