لخبراء الصوتيات ضروري !!!

**onix** · 04-05-2011 07:41 PM

انا ياجماعة عندي عربية جيب وعايز اركب عدة صوت كويسة فيها
العربية فيها 4 سماعات اتنين في البابين اللي قدام واتنين في باب الشنطة اللي ورا وتقريبا السماعات اللي جاية فيها عاملة زي سماعات البايونير والصوت فيها كويس بس لما بعلي الصوت بيبوظ خالص انا عايز الصوت عندي يبقى نقي وصوت البيز هوة اللي ظاهر بس وياريت حد يقولي ممكن اركب بازوكا احسن ولا اجيب صب
وبالنسبة للكاسيت ضروري يتغير وهيفرق معايا في الصوت ولا ايه ياريت ياجماعة الناس اللي عندها خبرة في المجال ده تفيدني خصوصا اني لسه جديد فيه

**islam_shaker** · 04-05-2011 10:30 PM

بالنسبة للكاست و السماعات انا من رايي تغيرهم او علي الاقل السماعات بس عشان مش هتستحمل معاك كتير في حاله الصوت العالي
انت ممكن تعمل رف ورا و تحط فيه سماعتين كينوود 400 وات و جي ام سيمفوني او سوني 400 وات او اكتر
و لو انت بتحب البيز ممكن تركب فىالرف برضو صب 1000 وات كدة يبقي تمام
انما لو انت عايز بيز قوي و يهز العربية هاتلك بازوكا لو عندك مكان فى العربية ليها
و لو في اى استفسار احنا تحت موجودين

**onix** · 04-05-2011 11:38 PM

الف الف شكر ليك على اهتمامك ياغالي

**islam_shaker** · 04-05-2011 11:59 PM

العفو يا باشا علي ايه بس احنا كلنا هنا اخوات :)

**beetleMOSH** · 05-05-2011 02:07 AM

فعلا ممكن تجيب سماعات مدوره قدام
و تعمل رف ورا و تحط فيه سماعتين بيضاوى
و تجيب بازوكا او صب
مع جى ام 4 تشانل مثلا
توصل عليه البازوكا او الصب مع السماعتين البيضاوى
و كاسيت بايونيير محترم
و شكرا كده :)

**onix** · 07-05-2011 12:44 AM

الف الف شكر ليك ياباشا ع النصيحة

**mody_mt2007** · 07-05-2011 12:06 PM

بس بلاش حوار الصب اللى فى الرف دة لأنك مش هتسمع منة اداء صح لأن الصب لو مش فى بوكس يبقى ملهوش 30 لزمة لما هتعلى خليك فى البازوكا احسن
بس لو هتجيب بازوكا ات الجى ام سيمفونى علشان هوة دة اللى بيظبط الكلام مع الصبات و البوازيك

**sammee** · 08-05-2011 02:38 AM

تمام اوي زي ما قال الاخوة الاعضاء سماعتين بيضاوي بايونير ورف خشب وسيب سماعات الابواب بس افصل عنها البيز وجي ام كويس كينود ..........لكن انا عندي ملحوظه انتا عربيتك جيب فجرب صوت السماعات لو هوا ده الاداء المطلوب يبقى تمام ولو البيز مش قوي خليك في البازوكا وابعد عن الصب وده علشان عربيتك جيب الصب صوته بيرمي جوا العربية جامد يعني صباح الصداع لكن البزوكا البيز حلو وبيرمي بره العربية اكثر وفي الحاله ديه برشحلك السيمفوني 640وات 4 تشانل قوي عن تجربة ......اسف للاطاله