تفتكروا ممكن يلغوا السياحه

**adhamsabry51** · 05-05-2011 04:28 PM

هو في سؤال يا جماعه يعني الناس الأجانب دي لو جت عندنا و الف اهلا و سهلا بيهم بس يمشوا وفقا لديننا و لتقاليدنا ايه المشكله يعني مثلا تبقي انت من مصر و مش عارف تروح فين علشان الموبقات انا فاكر انا و زوجتي في الغردقه قعدت الف و ادور علشان الاقي قهوه او مكان نقعد فيه مافيهوش خمره و الحمد لله لقيت انما بصعوبه طيب ليه اصلا ابيع خمره في اي حته في بلدي و اشمعني فرنسا منعت الحجاب و مقالتش المسلمين مش هييجو يعني مش معني اننا نعزز ديننا يبقي احنا متعصبين او متطرفين

**mailo** · 05-05-2011 04:48 PM

المشاركة الأصلية كتبت بواسطة emo_ayman

وكام واحد شاف اجنبية لابسة عريان وماشية بتسكر فى الشارع او طالعة مع مصرى غرفة؟

.

أنا شفت كتير جدا

**FunnyMickey** · 05-05-2011 04:49 PM

ياواد انتا ياتليسكوب
طب مش تندهلي :)

**ashouhdy** · 05-05-2011 05:03 PM

هى الخمرة هناك بس ولا اية ؟؟؟؟ مش مشكلة اعيد المشاركة بتاعتى تانى

!!!!! اللى بيتكلم عن السياحة كأنها قلة ادب بس يبقى مسافرش ومرحش ومشفش

انا رحت شرم والغردقة سنيييين وكان تحفظى الوحيد على الخمر

طب وهى الخمرة هناك بس ؟؟؟؟؟؟؟؟؟ ما محلات درنكيز فاتحة فى اسكنرية فوق ال 10 فروع و كلها خمرة !! وفى القاهرة متعدش

وفى الفنادق و ديسكوهات الفنادق موجودة

يبقى متجيش تلغى الخمرة من هناك و هنا لأ .... الراجل الدكر الصح هو اللى يمنع دخول الخمور فى البلد كلها مش هناك بس

نيجى بقى على (المايوة)

بصراحة الست الغيرانة متوديش جوزها هناك هههههههههههههه

يعنى برضوا المايوهات هناك بس ؟؟؟ جربت رحت الساحل او السخنة ؟؟؟!!!! ماهو مينفعش نقول للسياح البسوا مايوة شرعى !!! طب فكر فيها كدة ؟؟؟!!! دة فى النوادى ممنوع النزول بغير المايوة

ولا نقولهم فترة نسائية وفترة رجالية ؟؟؟؟؟ ياجماعة الموضوع معقد فوق ما تتخيلوا

واكيد عارفين ان دخل مصر والاقتصاد القومى مش قايم الا على السياحة .... يبقى نمنعهم من دخول البلاد ؟؟؟ ماينفعش ... ماهو برضوا البلد مش مسجد كبير.

نقول سياحة داخلية ؟؟؟؟ ههههههههههههه انا قعدت فى سهل حشيش ييجى 14 يوم كاملين .... مشوفتش حد بيوسخ و يكسر غير المصرى ... ماشوفتش غير اكل على الشاطئ وسندويتشات غير المصرى مشوفتش حد بياخد معاة الشامبو بتاع الفندق غير المصرى....

ياجماعة لسة بدرى قوووووى على السلوكيات ولو الاسعار رخصت وبقت مباحة يبقى توقع شاطىء سيدى بشر ولا ميامى العام او جمصة اخرى فى الغردقة وشرم الشيخ

دة الاجانب بيرموا طافية السجائر جوة طفايات على البحر!!!!!! والمصريين بيرموا الزبالة على الرملة مع العلم انة لو مد ايدة حيحطها فى صندوق الزبالة ....

ماهو ببساطة مينفعش !!!! ولكم دليل فى اى شاطئ مجانى رخيص فى البلد بداية من مطروح الى مويبع
....

ولا الكلام على المرأة بصفة عامة ؟؟؟؟؟ حيفضل التفكير فى المرأة على انها رمز قلة الادب والفسوق والوسوسة الى الموبقات هو هاجس تفكير رجل الشرق الاوسط الى يوم الدين .... لو هى كدة مكنش ربنا خلقها

**ashouhdy** · 05-05-2011 05:08 PM

حاجة اخيرة احب اضفها .... لما يتمنع الاول البيكينى واللى من غير بيكينى من شواطئ مارينا وتتقفل محلات الخمور اللى مالية البلد يبقى تتمنع عن الاجانب

اصل منطق عجيب جدا اننا نمنع الاجانب و نحللها للمسلمين الصراحة لكن مش نيجى على ملايين بيعملوا فى السياحة وملايين البيوت و محافظات كاملة قايمة على السياحة ونقفلها ؟؟؟! صح ولا اية

عايز تمنع يبقى على الكل

**نور القمر** · 05-05-2011 05:35 PM

المشاركة الأصلية كتبت بواسطة aminibrahim

يعني ايه ؟

اقصد البركة في الفلوس على مستوى الفرد وعلى مستوى الدولة ككل
يعني معروف حضرتك الفلوس لما تكون عن طريق الحرام مهما كانت كتيرة بتكون بدون بركة

المشاركة الأصلية كتبت بواسطة aminibrahim

اسف حضرتك متعصبه ويمكن عشانك واحده ست واخجاها من منظور تاني

بالعكس مش متعصبة خالص لان المنظور التاني بيغض بصره

المفروض الرجل يكون عنده الحافز لتلافي مشاهد العري في الشارع اكتر من الست لانه هو اللي هياخد ذنب اطلاق البصر

**hobiko** · 05-05-2011 05:42 PM

إلي عايز يمنع السياحة ...... يوفر دخلها من مصدر أخر

و يشغل الناس إلي حيفقدو وظايفهم في السياحة ..... في مكان تاني بنفس مستوى الدخل

بس كدة :))

معلش بس سؤال خارج الموضوع ......

هو مين قال إن التيارات الإسلامية و السلفية خلاص مسكت البلد ؟؟؟؟

مصر عمرها ما حتكون إيران السنية أبداً