انا كنت كاتب الموضوع ده في الاول لاني كنت فاكر ان التوكيل بيفتح جركن 4 لتر وبياخد الباقي اللي هوا 1.25 لتر وده بحوالي 80 جنيه وهيوفر 250 جنيه في احد الصيانات
ولكن بعد التحقق من الفاتوره وجدت انه بيستخدم 3 عبوات سعه 1 لتر ومش مشكله البق اللي فاضل 0.25 لتر وان كان تلاقيه بيعمل سبوبه حلوه منه
وظهر اختلاف حول موضوع ان الزيت هيبوظ بعد فتره- انا شخصيا مش فارقه معايا لان مبخدش بواقي-
ولكن كي تعم الاستفاده استعنت باحد الاصدقاء -وهو عضو بارز هنا في المنتدي- وقام بالاتصال باحد اصدقائه ممن يعملون في شركه شل نفسها
فكانت الاجابه كالتالي صلاحيه الزيت 3 سنين وهو مركون علي الرف ومقفول
ولكن في حاله فتحه تتدخل عوامل كتير ومنها درجه الحراره ومدي غلق الجركن لان الهوا بياكسد الزيت قبل ميخش يتاكسد بطبيعته داخل المحرك
و لا يمكن تقدير المده التي لا يصلح فيها الزيت بعد فتح الجركن و لا يمكن معرفه صلاحيته الا بالاختبارات
ولذلك اذا اضطريت متسيبش الجركن داخل الشنطه لتجنب الحراره و اقفله كويس و خزنه في البيت في حته ظل واستخده في اول صيانه علطول
انا شخصيا مكنتش اعرف المعلومات دي كلها ولذلك نقلتها لكم عن لسان احد مهندسي الشركه نفسها
و ساحاول جاهدا لايجاد الكلام ده مكتوب ان شاء الله لاني مبحبش الكلام البقيقي اللي مش متوثق بورق او كتالوجات
المفضلات