الموضوع: باقي الزيت في الصيانه

على كلام محمد نجيب لما قال انه غير الزيت وحط فى مودرن 3 لتر وحاسب عليهم وماخدش باقى الزيت ,يبقا كدا هما حطوله على القد بالظبط زى ما بيعلموا فى السبع , ومبقوش يطلعوا جركن

لانهم لو بيطلعوا بالجركن حيحسبوا على الجركن 4 كيلو

وكمان تانى بردوا ونحسبها بالعقل

اذا فرضنا انهم بيطلعوا بالجركن , والجركن بيكون فيه 4 كيلو , وانت حتحط فى العربية بتعتك حوالى 3 لتر او 3 كيلو
يعنى حتفضل معاك كيلو زيادة

ولو حتجمع الكيلو ده فى كل مرة تعمل فيها صيانة معنى كدا ان الرابعة حتكون جمعت فيها جركن وتعمل الصيانة الرابعة مجانا
جميل
بس حيكون مر كام سنة والزيت صلاحيته تلفت

بلاش كدا لو قولنا زى ما قال زميلنا محمد السيد , لو كل مرة طلبت من الفنى يبتدى باول كيلو متخزن ويكمل من الجركن الجديد

بردوا انت عارف ان ممكن تروح تعمل صيانة الا10 الاف دى بعد سنة او 8 شهور , ويكون الزيت بردوا انتهت صلاحيته

صلاحية الزيت 6 شهور فى الجركن بتاعه بعد ما يكون اتفتح

نرجع بقا الى موضوع انهم بيحاسبوا على قد ال3 كيلو اللى اى واحد بيحطهم , ده كويس
ومفيش حد ليه باقى زيت , اللى بيكون ليه باقى زيت اللى محاسب على تمن الجركن كله 4 كيلو

وكمان بردوا لما يكونوا حطوا 2.8 لتر ونحاسب على 3 اعتقد مش مشكلة يا جماعة كلها فروقات بسيطة

تقبلوا مرورى
تحياتى

اللى اعرفه ان الحاجة طالما اتفتحت بيختلف فترة الصلاحية اللى مكتوبة عليها ,لان طالما اتفتح ودخل فيها الهواء مش بيطول اكتر من 6 شهور , واللى مكتوب على العلبة 5 سنين دى صلاحية الزيت لو اتركن وهو فى العلبة وهى مقفولة متبرشمة فميجراش حاجة ليها لمدة 5 سنين
والله اعلم