أسعار الصيانة لنيسان صني

**UHF** · 19-04-2008 06:11 PM

كنت عاوز أعرف بتدفعوا كام في الصيانة تبع الضمان .. عشان أنا ناوي اشتري صني كمان يومين إن شاء الله
و يا تري قطع الغيار متاحة برة و لا لأ .. و سعرها كام سواء برة أو في التوكيل

**sab3aawy** · 19-04-2008 10:08 PM

صيانة الألف مجانية

صيانة خمسة آلاف 75 جنيه +تمن الزيت

صيانه عشرة آلاف برضه 75 جنيه ومافيهاش غيار زيت

الحاجة الوحيدة اللى انا اشتريتها لها لحد ديلوقتى هى فلتر زيت وتمنه 40 جنيه

بس اسمع ان الفانوس الأمامى والخلفى تمن الواحد فيهم الأصلى فى حدود 550 جنيه، بس فيه ماركات عديدة من قطع الغيار من بلاد مختلفة موجودة للعربية برة التوكيل لأن العربية منتشرة جدا

**UHF** · 19-04-2008 10:24 PM

طب و إيه رأيك يا سبعاوي .. اشتريها و أتوكل علي الله و لا هي عاملة معاك إيه؟

**tnasr1** · 20-04-2008 04:47 PM

وأنا كمان يا سبعاوي باشا.... ايه رأيك
هي وللا الاوبترا؟؟؟؟

مهندس / تامر

**WalidAdel** · 20-04-2008 06:32 PM

الاوبترا ما هي الا نوبيرا نفس الموتور 108 حصان مع اختنلاف البودي بس الاوبترا واسعه من جوه عن الصني و هي كوري تقفيل كوري
اما الصني ياباني تقفيل مصري حيث لا يوجد اختلاف في راي حيث ان التقفيل المصري معقول و لم اشتكي منه حتي الان 5000 كم و مشفتش حاجه مش عاجباني في التقفيل حيث انا حساس تجاه الاشياء الغير صحيحه بس انا للامانه عندي حته كده في الموكيت تحت العتيه البلاستيك في الباب الامامي يمين شكلها مش عاجبني تحس انها طالعه حته زياده كده دي تقريبا الملاحظه الوحيده علي التقفيل عندي في العربيه و بعدين موتور حلو اوي 118 حصان و الكتينه جنزير و دي حاجه كويسه مع العلم ان صوت الموتور عالي حبتين بس عادي مع الوقت الصوت هيهدي
العربيه شكلها حلو من بره احسن من الاوبترا
وزن الاوبترا ازيد من الصني بحوالي 60 كج طبعاً ميزه للصني و هذا للثبات اثناء المنحنيات و المناورات
شنطة الوبترا اوسع من الصني بحوالي 50 لتر مش الفرق الفظيع يعني

دي الاختلافات المهمه بين العربيتين من وجهة نظري

و بالنسبالي الصني احسن من الاويترا طبعاً