الموضوع: شارك بكل صراحه تفضلها دوله ليبراليه علمانيه ام دينيه مدنيه

المشاركة الأصلية كتبت بواسطة otefa

تمام ياباشا نقاب ولو أن أكيد الحجاب برضه مضيقين عليه وكل ماهو أسلامي
طيب هما بيعادو الأسلام أو لايهتمو به مع حسن الظن
طيب أحنا أيه عذرنا في التخوف من الأسلام وهو دين الأغلبية ويعطي منتهى الأمان للأقليات الدينية لأنه خاتم الديانات السماوية
يبقى أيه ألي يدخلنا في أنظمة وتيارات (ليبرالية-علمانية) غربية أحتاجوها نتيجة لظروف قهرية ولو كان الدين الأسلامي عندهم دين الأغلبية ماترددو للحظة في أقامة دولة أسلامية وهو المتوقع بعد عشرات السنين وفق العديد من الأحصائيات الغربية ألي بتشير لذلك

The law does not mention any particular symbol, and thus ban all Christian (veil, signs), Muslim (veil, signs), and other minor religions' signs. But it is considered by many to specifically target the wearing of headscarves (a khimar, considered by most Muslims to be an obligatory article of faith as part of hijab ["modesty"]) by Muslim schoolgirls. For this reason, it is occasionally referred to as the French headscarf ban in the foreign press.

نرجع
أظن إن حضرتك فاهم زي ما أنا فاهم إن الخوف مش من الاسلام
ابدا واللهِ
أنا اخاف من اللي حيطبقوه
أنا مثلا مش سلفي " بالمعنى الجديد للكلمة"
أنا لا اخاف من الشيخ محمد حسان مثلا على العكس أنا احترمه
لكن اخاف من بعض اتباعه
بالذات اللي سمعله خطبتين وطلع يطبق بقى وعامل فيها امير المؤمنين

و أظن ناس كتيرة كده

احنا مجتمع وسط عمره ماكان متطرف
لو عملنا نظام ليبرالي يقوم على الحرية الغربية اللي في دماغنا ناقص الثوابت زي القران والسنة حنبقى زي الفل
يعني ليبرالية محافظة - يعني حرية إنك تعمل أي حاجة لا تؤذي بيها غيرك و مفهاش ازدراء أديان ولا تعرض للذات الالهية
+تقاليدنا كمجتمع شرقي (أي حاجة فيها سيرة الجنس من الاخر )
غير كده اعمل اللي في نفسك

أما باقي كلامك فـلا جدال عليه

المشاركة الأصلية كتبت بواسطة SaberMan

المانيا يحكمها حزب دينى

ديني اسما

المشاركة الأصلية كتبت بواسطة otefa

angeliccore
عندك حق ياباشا في تخوفك لحد ما
بس فيه صمامات أمان كثيرة تطمنا
-الأخوان المسلمين فكرهم مستنير وبيلعبو سياسة كويس
-شيوخ السلفية المعتدلين والشيخ محمد حسان زي ماتفضلت نموذج مشرف لهم
-الأزهر أن شاء الله مطلوب منه ومتوقع يطور دوره في المجتمع في الفترة المقبلة
-نسبة ليست قليلة من أتباع الجماعات الأسلامية على قدر عالي من التعليم الجامعي والدراسات العليا كمان وده صمام أمان يعني بيأخذو بأسباب العلوم الدنيوية ولا يقتصر أهتمامهم بالجانب الدعوي فقط وده تطور رائع في منهجهم
وفي الأول والأخر تداول السلطة وفقا لنظامنا الديمقراطي الجديد يضمن أن شاء الله عدم الأستبداد

تمام قوي
وأتمنى اشوف فعلا دور للأزهر
وجوده حيبعد ناس من التشدد للوسطية

المشاركة الأصلية كتبت بواسطة otefa

نسيت أضيف كمان الأحزاب الجديدة ألي طالعة هايبقى قدمها 4 سنبن يظبطو نفسهم ونشوف توازن قوى سياسية يضمن تحقيق رغبات الشعب

النقطة في جواب السؤال اللي كان في موضوع في المنتدى عن قابلية الأحزاب الدينية ل تداول السلطة
يعني لو السلفيين خدوا الحكم وبعدين معظم الناس مبقوش عايزينهم
هو ده مربط الفرس بقى
حيتنازلوا عن السلطة طوعا ولا لأ
ولا حيمنعوا الإنتخابات أساسا عشان "إزاي الناس تختار تتحكم بشرع الله ولا لأ ؟" و ممكن يكون الناس مش عاجبها الحاكم أو طريقته مش منهج الحكم

عشان ساعتها لو كل الاحزاب كانت مستعدة 20 سنة مش 4 برده مش حتعرف تعمل حاجة

المشاركة الأصلية كتبت بواسطة otefa

والجيش هايروح فين ياباشا ما أعتقدش هايقبل أنه يوقع في غلطة نظام مبارك تاني(الدولة البوليسية)
دي نقطة مهمة برضه كصمام أمان في العملية السياسية وضمان ممتاز برضه لعدم ظهور ديكتاتور جديد أن شاء الله.
بالأضافة لوعي الناس السياسي ألي أكيد هايتطور وميدان التحرير موجود برضه

ماهو المفروض الجيش يرجع بعيد عن السياسة زي مكان عشان ميبقاش زي جيش تركيا

كل شوية انقلاب عشان نظام الحكم معجبهمش

كمان عشان مايكونش عندك مراكز قوة

أما من ناحية الوعي السياسي فـأنا معاك

فرنسا ليست هى الدولة الوحيدة الليبرالية .... و القانون اللى طلعته ضد النقاب عليه علامات استفهام كتيرة من دلوقتى لبكرة الصبح!

الليبرالية ليست ضد الدين .. إقرأ هنا و انت تعرف عنها أحسن و عن علاقتها بالدين .. ليبرالية