الموضوع: شارك بكل صراحه تفضلها دوله ليبراليه علمانيه ام دينيه مدنيه

بطاطا
وهتفضل طول عمرها بطاطا
ياريت الناس تشترى دماغها بقا وتشوف اكل عيشها

المشاركة الأصلية كتبت بواسطة islam_shady

اشكرك يا استاذ على على توضيحك

بكده المانيا موش ليبراليه و فرنسا موش ليبراليه و امريكا اللى مسيطر عليها اليهود

طيب ممكن مثال ناجح لدوله ليبراليه علشان اقتنع؟؟

انا بس موش عايز الموضوع يطلع فى الاخر شعارات زى الشيوعيه

و بمناسبة فاروق حسنى انا شايف ان الليبرالية لا تنكر الخطا او الفساد على الفاسدين

فاروق حسنى ليبرالى و فاسد؟ ايه يعنى

لكن محمد حسان اسلامى و فاسد؟؟

مايتفقوش

و انا حاولت برضه اشوف معنى الليبراليه على ويكيبيديا علشان ماكونش باتكلم بجهل و لاقيت موقف الاسلام من الليبراليه

و لاقيت الكلام منطقى جدا و بيختم الجمله دى

لا حاجة للإسلام في الليبرالية لأن الإسلام يتضمن إيجابياتها وسالم من سلبياتها

ظ„ظٹط¨ط±ط§ظ„ظٹط© - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط.ط±ط©

يبقى ليه الليبراليه؟

زي ما كان في فاروق حسني كان في الشيخ ال اتصل ايام المظاهرات و قال انه حلم بالرسول و قاله ان مبارك حلو و كلام كدا

و في احمد عمر هاشم ال كان من رموز الحزب الوطني و اول ما الريس مشي راح عمل حزب و سماه 11 فبراير

و زي ما قولت لحضرتك المسمى مبيفرقش نهائي
يعني مش قصدي اننا نبقى دولة ليبرالية اننا نبقى زي اي دولة في العالم
لا انا اقصدي اننا نمشي بشرع ربنا و قوانينه بس منبقاش زي الدول ال بتقول انها اسلامية و كل ال بيعملوه غلط زي السعودية و ايران

المسمى ال انا بقولة "ليبرالية مسلمة" هو اننا نطبق الاسلام صح و مزود كلمة ليبرالية عشان يبقى اكيد ان اننا احرار مش زي السعودية ال بيقول فيها كلمة على العيلة المالكة بيروح ورا الشمس

اتمنى تكون وجهة نظري وصلت لحضرتك

المشاركة الأصلية كتبت بواسطة Islam_Shady

ياريت يا جماعه زى مادورت على النت علشان اعرف معنى الليبراليه ياريت تدور ولو لدقيقة عن معنى الدولة الاسلامية (موش الدينية)

هل السعوديه دوله اسلاميه؟؟

طبعا لا دى دولة ملكية يعنى لو الملك مات يبقى المحروس اللى عليه الدور هو اللى هايمسك حتى لو مابيصليش

هل ايران دولة اسلاميه؟؟

طبعا لا دول شيعه و الشيعه دول اللى يعرفهم هايقول ان اليهود ارحم منهم بمراحل

اذن هل البطش و العنصريه و الظلم اللى فى السعوديه ده من الاسلام؟؟

طبعا لا

( انا بااكد على العنصريه علشان دى اكتر حاجه خنقتنى لما كنت فى السعوديه)

طيب هل التخلف و الجهل و النهب اللى فى ايران ده من مبادىء الاسلام؟؟
طبعا لا

انا سعيد اننا وصلنا دلوقتى لنقطه متقاربه هى ان انا باقول ان الاسلام لوحده هو اللى محتاجينه و حضرتك بتقول ان الاسلام لوحده موش كفايه و لازم معاه الليبراليه

طيب عايزين كلام موضوعى عن النقط اللى فى الاسلام اللى ناقصه و بنكملها من الليبراليه

الحريه؟؟

ايه البند اللى فى الاسلام اللى بيحارب الحريه؟

لا لا لا
انا مقصدش ان الاسلام بيحارب الحرية
انا اقصد ان الدول ديه بتقول على نفسها اسلامية و هي بتحارب الحرية
ف احنا هنطبق الحرية بس مش بتاعة فرنسا او تركيا او غيره
احنا هنطبق الحرية الاسلامية
وحرية يعني ليبرالية تبقى ليبرالية مسلمة

الاختلاف بين ال انا عايزه و ال حضرتك عايزه مسميات
انا بحاول اختار مسمى يبين ان اننا هنبقى دولة حرة بس في ظل الاسلام
حضرتك شايف ان كلمة اسلامية لوحده كفاية "طبعا كفاية" بس احنا عايزنها اسلامية بترسخ مباديء الحرية مش زي السعودية و ايران

المشاركة الأصلية كتبت بواسطة islam_shady

ايه اللى تعرفو يا حوده عن النموذج الناجح ده؟

اصل اللى اعرفه انهم كانو فى ايام الحكم العلمانى كانو بيتمنو يكونو زينا و كانو بيتذللو لاوربا علشان تقبلهم فى الاتحاد الاوربى

لحد ما مسكهم الحزب الاسلامى بتاع اردوغان و من يومها و هى فى الطالع

فرنسا لسه مانعة الحجاب و النقاب قريب

تركيا كانت مانعة الحجاب في الجامعات من زمااااااااااااااااااااااا ااااااااااان "ايام الحكم العلماني" و لما الحزب الاسلامي مسك رفع قضية في المحكمة و كسبها و سمح بيه في الجامعات

ليبرالية ذات مرجعية دينية مع التأكيد على المحافظة على حقوق الجميع متساوية بعض النظر عن الجنس أو اللون أو الدين.