شبرا .. شارع الترعة .. خير زمان .. الحارة الشمال اللي لازقة في خير زمان
عرض للطباعة
حد جرب المنظف اللي بيتحط في تنك البنزين (بدل الاسبراي) و إيه تأثيره علي البوجيهات
أصل أنا عندي بوجيهات اريديوم فـلو كان اشيلهم بقى قبل الاستخدام
بس يا معلم انا هقولك على حاجه لاني اتسحلت كتير زيك
فيه حاجه اسمها ( طقم اصلاح كربراتير ) يعني باختصار الحاجات الي بتبوظ فيه بتيجي فالعلبه دي ( شيل وحط )
لكن اللعب الكتير فيه مش هيفيدك
اما المنظف والكلام ده ممكن يكون كويس لكن مش حل دائم يعني بينظف الدوره مش اكتر يعني لكن مش بيعالج السبب
انا العبله الي جبتها مكتوب عليها ( Carburetor - Repair Kit ) طبعا حسب موديل عربيتك بتجيب طقم الاصلاح انا جبتها يباني في حدود 50 جنيه وبقالي سنه ونص ناسي موضوع الكرباتير نهائي وبيجي معاها الجوان مظبوط بالظبط بدال ما تفصلو والشغل التعبان ده وطبعا اصلي والبكات والحركات
شوف كده جرب تسأل عليه لعربيتك وان شاء الله ترتاح
http://www.studebakerparts.com/stude...ges/crb106.jpg
فى البداية الف مبرك يا اخى على العربية بعد التصليح و الدوخة و اقول عقبالى .... انا متابع الموضوع من اوله لان حاصل معى نفس العطل تقريبا اللى اعراضه تنتيش فى السلانيسه على التانى - رجرجة عند الدوارة - رعشة بسيطة فى مؤشر الار بى ام - خنقة فى السحب عن السابق قبل ظهور الاعراض ..
الميكانيكى قام بعمل الاتى : (السيارة شاهين 2005)
- تغيير فلتر الهوا
- تنظيف الكاربراتير
- مراجعة التقسيمة (تقديم و تأخير سير الكاتينة)
- تغيير البوجيهات ب يابانى
- ظبط الهوا و الكهربا
و مع ذلك ... لم تختفى النتشة فى السلانسية و الخنقة ...و بعد ما استنفد الميكانيكى و جاب اخره قالى روح اضبط التاكيهات ممكن يكون العيب منها لانها لا تعمل على انتظام الصبابات .
ارجو الافادة فى جدوى ضبط التاكيهات ولا دى مالهاش علاقة ..
شكرا للمساعدة و الاقتراحات
لأ مجربتوش الحقيقة
بس طبعا لاااااازم تشيلهوم
حرام دول أيريديوم
انا قبل ما أغير البوجيهات كنت هجيب Splitfire
كان زماني بعيط عليهم دلوقتي :)
كنت بفكر في كدة
بس ده عايزة وقت فاضي وتركيز عشان طقم الأصلاح قطع كتير وصغيرة والغلطة فيه وحشة
عشان كدة جبت من قاصرها ورحت لأبراهيم
هو قام بالليلة ده من نفسة
الله يبارك فيك
ظبط تاكيهات طبعا مش هتخسر حاجة
لو عندك أبلاتين وكوندينسر برضه شوف أخبارهم أيه
وبرضه الموبينة
وشوف سلوك البوجيهات
السلام عليكم و رحمه الله و بركاته
الحقيقه تابعت باهتمام شديد الموضوع او التعليقات و اود ان اضيف الاتى :-
1 يتم تصنيع و تجميع الكربراتير الاصلى عند صناعه العربيه فى جو نقى بعيد عن الاتربه و الغبار.وقبل تركيب الجزء العلوى يتم وضع جوان عليه ماده لاصقه من الجهتين و هنا الحدوته يا اصدقائى :-
الكربراتير بيتقفل بمسامير من فوق تتربط فى الجزء السفلى اللى فيه العوامه و الابر و الجزء ده اللى فيه السر بتاع كل المشاكل اللى ممكن تقابلنا طب ازاى ؟؟؟؟؟؟؟؟؟
الفتحه اللى بيتربط فيها المسمار بتكون مقلوظه بقطر يقل من 1 الى 1.5 ملم عن مقاس المسمار اللى بيربط الوش و ايضا مع التجميع و الربط يتم وضع نقطتين من سائل ابيض او طوبى ( قوامه عامل زى الجملكه ) بس هو موش جملكه علشان يسد كل الفراغات اللى محتمل الهواء يملاها.
و عند ربط المسمار العلوى اللى ماسك الوش و هنفترض انه مقاس 6 ملم فى الفتحه المقلوظه السفليه اللى هيا 5.850 او 5.9 ملم - يحصل ان المسمار ينزل يخوش فى القلاووظ و يحكم اوى .
و نفس الكلاه لمعظم المسامير فى العربيه
علشان كده لما بنيجى نفك المسامير بتاعه العربيه لاول مره نلاقيها مربوطه جامد ( الصنايعيه يقولك ربط نار ) انما بعد الفك تيجى تفط الوش تلاقيها بيتفك بسهوله و دى الغلطه الاولى ىن الفتحه وسعت ملىمترات.
الغلطه الثانيه :-
البنزين بتاعنا فله طبعا و مافيش اى رواسب او رصاص لا سمح الله و رقم الاوكتان مضبوط بالشعره - و العكس صحيح - وده بيعمل ان الوساخه دى مع دفع طلمبه البنزين بتاكل فوهه الابر و يحصل انها توسع جزؤ من الملى اللى بياثر على كل حاجه من استهلاك زياده الى بنزين زياده مبيتناسبش مع كميه الهواء اللى داخله لانتاج عمليه الحرق المضبوط.و بالتالى برجله و لخبطه و هباب من الشكمان.
الحل :- هناك حلين
الاول مصرى و الثانى علمى جذرى
المصرى اننا نغير بطقم اصلاح زى مازملاء المنتدى اشارو بس لازم نحط الماده اللاصقه على الجوان من الناحيتين و نغير كل الاجزاء لان الحاجه اللى بتركب جديده يبقى لازم كلها مع بعض علشان هيبقى جزء جديد مع قديم و المجارى و الفونيات و الابر موش هتبقى ماشيه مع بعض .
التانى و هو الحل العلمى اننا نغير الكربراتير بواحد جديد و هتشوف الفرق بعينك و تحس ان العربيه ماشيه زى السكينه ما تمشى فى حته الحييلاوه.
و لو الامكانيات موش سامحه نجيب استيراد و نبقى عارفين انه هيمشى معانا سنتين ثلاثه ان شاء الله من غير مشاكل.
ارجو انى اكون افدت براى فقط و لكل الزملاء مطلق الحريه حيث لا ادعى ان تصليح الكربراتير مبيجبش نتيجه بس الحقيقه اى لعب فى الكربراتير عن تجربتى الشخصيه عمره ما بيرجع تانى
اما السيارات الجديده فينصح ب
البنزين 92 و اعلى اذا الماديات ماشيه و من محطات معتمده و التموين يكون المغرب او الصبح بدرى علشان كثافه البنزين و العداد يبقى مضبوط .
2 تغيير فلتر البنزين الاصلى كل 20000 الى 25000 كلم .
3 - منظف دوره البنزين الرشاشات او الكربراتير كل 20000 كلم مع تغيير فلتر البنزين و فيه وحوش المنتدى كتبوا فى الموضوع كتير و بتفاصيل احسن.
دمتم بود
راجع الكهرباء و لو ماشى اكثر من 65000 كلم راجع سلوك البوجيهات سلك سلك احتمال كبير يكون من السلوك و نظف الابلاتين و غير الكوندسر (لو العربيه مافيهاش اليكترونى ) فالاحسن تراجع على نقط تلامس الكربون اللى جوه غطاء الاسبراتير
دمت بود
والله يا كبير انا لما كنت بروحلهم من غير الطقم الي انا بجيبو بنفسي ومناسب للموديل وكل حاجه كانو بيخترعو
وكان بيرجع يبوظ تاني لانو بيحطلي حاجات تعبانه او مش نفس الموديل او مضروبه مثلا
دلوقتي انا بروح بطقم اصلاح وبقف على ايدو يشيل البايظ يركب السليم
لكن انو يفصلك جوان وكلام من ده ويحطلك بكات الله اعلم ظروفها ايه اعتقد حاجه صعبه وكل شويه اكس وباب عالفاضي
يعني انا قصدي انك تروحلو معاك حاجتك وانته واقف يركبلك حاجتك وتسأل لو فيه فقطع الغيار حاجات بتبوظ فالكربراتير تجيبها وتخليه يركبهالك