سؤال لأهالى المنصورة

**zego** · 07-05-2011 04:21 AM

الف الف شكر يا باشا وان شاء الله لو روحت هابقي اطمنك طب مواعيده بتبقي عادى والا لسه مش مظبط

**zego** · 08-05-2011 02:08 AM

ليا طلب تانى برده انا لاحظت فى البورا ان المراية بتاعة السواق عريضة عن بتاعة الراكب اللى جمبه يعنى الشمال اعرض من اليمين وشوفت كدا فى العربية دى وفى صور على النت برده فياريت التوضيح لو سمحتم

وده لينك للصورة
VW-Bora-1-9-TDI--2001-2004-.jpg

**zego** · 08-05-2011 09:29 PM

ايه يا جماعة دا المشاهدات ما شاء الله كتييرررررررررررررررررة اوى بس مافيش رد
ّ!!!!!!!!!!!!!!!!!!!!

**alzelafy** · 09-05-2011 05:22 AM

ما تفتحشى على نفسك فواتيح لو العربيه ماشيه معاك كويس و لا تكشف و لا تعمل الموضوع بسيط و لو كان فى اى مشكله كان هيبان على العربيه فى المشى و الجرى هتروح لاى ميكانيكى هيطلهلك فيها القطط الفطسانه عشان يعمل اى شغل و اثل واجب هترمى 500 جنيه على الفاضى عشان كشف و سرفيس سريع ملوش لازمه فقط انتا تغير الزيت و تشوف الحرارة اخبارها ايه و نظام التبريد و لو تمام يبقى انسى العربيه سنتين كمان و هات زيت شل الترا 3000 كيلو ممتاز للعربيات دى

**zego** · 09-05-2011 06:51 PM

والله يا باشا قريبى هو اللى عايز يطمن على العربية بس نسيت اسال اخونا كاروتا الكشف بيتكلف كام وكدا

**krooota** · 11-05-2011 11:19 AM

السلام عليكم ... أولا يا باشا انت كلامك مظبوط الميكانيكى هيطلع اى حاجة علشان يشتغل معاك حق وممكن تدفع فى التشيك الكامل 500 جنيه وأكتر بس انا هقولك على حاجة - أولا انا العربية اللى معايا جايبها زى البورا معاقين من دبى متسوبيشى 2006 وزيه بالضبط كان نفسى اطمن بس خايف من اللى هدفعه فلما حسيت ان سحب العربية بدأ يتقل قلت لازم اكشف فواحد صاحبى مان عامل السيفيك بتاعته عنده وتتخيل بياخد كام بس أولا هو مش ميكانيكى هو مهندس - كشف كمبيوتر وتركيب بوجيهات لأنهم كانوا تقريبا خلصوا و تنضيف حساسات وكل الحاجات المهمة وكمان ادانى علبة زيت للفتيس وأخد كام !!!!؟؟؟؟؟ 100 جنيه بس يا أستاذ وعلى الفكرة كان فى حاجات انا كنت عاوز اغيرها قالى خليها احسن علشان متبقاش التكلفة كبيرة دلوقتى ومش هو اللى قال لازم تتغير فيعنى انا كنت واقف منبهر باللى حصل واللى انا دفعته والعربية بقت فيرارى على الطريق ......
وعلى فكرة هيا كروووتا مش كاروووتا ... ولو عاوز تعرف المعنى يعنى cool بالانجليزى

**zego** · 11-05-2011 05:34 PM

الف شكر ليك على المواصلة والاسم انا كنت عايز اكتبه بالانجليزى بس صممت وقولت لا بالعربي
انا كلمته من كام يوم وقالى تعالى مافيش مشاكل فباين ان هو انسان كويس
اما انت بقي تعبناك معانا خالص يا عم كروووتا

**krooota** · 12-05-2011 05:27 AM

مفيش تعب ولا حاجة يا باشا احنا فى الخدمة .. انا بس حبيت انك تطمن على عربيتك وبأقل الأسعار وأفضل جودة ..
وانا يا باشا اسمى شادى على العموم ولو حبيت اى حاجة انا موجود فى دكرنس الأيام دى لو احتجتنى قولى وانا فى الخدمة