الموضوع: سمسم باشا بعد اذنك رد عليااا محتار وخايف

المشاركة الأصلية كتبت بواسطة midomero2510

انا عاوز اشترى هوندا 92-95 وخايف اوى البس اى حاجة لانى مش فاهم فيهم اوى انا عاوزها si تمام
المهم فى اتنين قدامى على كونتكت كاررررر
1 - هوندا سيفيك 93 - 1600 cc - فبريكه من الداخل - تكييف - باور - سينتر - فتحه سقف كهرباء - 4 زجاج كهرباء - مرايات كهرباء - جنوط 16 اسبور - فوانيس اماميه اسبور _ فوانيس خلفيه ليدات - زينون - فرش جلد - تابلوه فبريكه - حاله ممتازه السعر 52000 واخره 50000 الموتوررر فى تيك 97 وكبسه 75 % وعدادها 200الف ووديه عاوزه مسعدين ورة بس

2- civic si فابريكة دواخل بالكامل,كاملة اوتوماتيك, لون ازرق, موتور فيتك وفتيس بحالة ممتازة, فرش جلد ,زجاج كهرباء ,فتحة سقف كهرباء ,زينون, عدادات رياضية ,جنوط سبور15 ,شكمان ديفيل اوريجينال ,فوانيس لينسيز امامية ,كاسيت cd وسماعات sony explod وسعرها 45الف وفيها كلام عددها 213 الف موديل 92 وديه عاوزة سمكرة وبويه موتور فى تيك برده متسقط بقاله 8 شهور

انا محتار انهى وحدة وانهى احسن ساعدنى من فضلك ومش عارف اكشف فين انا ساكن فى عين شمس

اهلا بيك ياباشا وان شاء الله ربنا يوفقك لما فية الخير ويوفقك فى عربية نظيفة

بالنسبة لحالة السيارة الاولى سعرها غالى شوية على انها متسقطلها ماتور 1600 d16z6 هو اة ماتور كويس بس كدة لازم تتاكد من ان الضفيرة اتركبت تمام وصح وان فعلا لمبة الاعطال بتنور لما تحس ان فية حساس مش قايم بدورة
تانى حاجة الصالون لازم يكون حالتة نظيفة , فتحة السقف اتاكد انها سليمة بكاوتشها بكلة وهادية فى فتحها وقفلها , الماتور بتاعها كبسة 75 % دة قليل شوية المفروض مايبقاش اقل من 78 % بس كدة حالتة جيدة
بالنسبة للعفشة طالما احتاجت مساعدين يبقى هتلاقى جلب الركب تعبت او نشفت فاكشف عليها بالمرة , واكشف على العفشة كويس
اتاكد من ارقام الشاسية لازم تلاقى اللوحة اللى موجودة فى اخر القايم بتاع باب السائق لما تفتح الباب هتلاقى كل المعلومات عن العربية , ولازم تتطابق الرقم بتاع الشاسبة بالرقم اللى فى الحوض
تانى حاجة عندك رقمين موجودين على الرفرف من جوة هتلاقى رقم موجود قدام قربة المياة بتاعة الزجاج الامامى والتانية عند الفيوزات اللى على اليمين والارقام دية بتبقى موجودة على الصاج الداخلى فى حوض الماتور من على الاطراف , وهما اربعة ارقام محفورين وبيبقى مثلا الجنب الشمال 9541 هيبقى الجنب اليمين 9542

عشان تكشف على العربية دية صح لازم تجيب سمكرى معرفة من عندك , وبعد كدة توديها لاى ميكانيكى فى الحرفيين بتاع هوندا وعندك كتير افضلهم ككشف محمد سعيد بس غالى وبعد كدة جاسم

سعر العربية دية مبالغ فية اوى اخرها لو نظيفة جدا 48 الف , فئة ال50 الف دية يبقى انت داخل على عربية فابريكة برة وجوة

العربية التانية سعرها يقلق شوية عموما اللى هينطبق هنا ينطبق هنا ودة رقمى خلية معاك وكلمنى لو فية اى تعليق ولو عايزنى معاك ماعنديش مانع انا فى الخدمة

0103088605

المشاركة الأصلية كتبت بواسطة midomero2510

طيب سمسم باشا الراجل بتاع الهونداا 50الف ساكن فى شبرا مصر قريب ليك ومصمم على 50 وبيقولى الجنط تايوانى وهيشيل عدة الكاسيت كمان وان الجنط مكسر العفشة انا بقول تساوى 45 ولا انتا ايه رايك يا باشا اخوك محمد ولو قدامك حاجة نضيفة وانتا واثق منها قولى مواصفتها كدة بس تكون على ضمنتك

اولا ياباشا ربنا يخليك على كلامك وذوقك الجميل

انا قولتلك السعر غالى على عربية عايزة مساعدين , وكمان هيشيل الكاسيت + الجنط مكسور يعنى كل دة هيعمل 4000 الاف جنية

مساعدين خلفيين استيراد بالسوست 350 جنية , جنوط مقاس 16 بتعمل 2800 جنية تايلاندى و 3100 ماليزى ودية انظف واحدة

وكاسيت هيعمل 500 جنية يبقى انت كدة عايز كام 4000 الاف جنية + 50000 الف ثمن العربية يبقى هتقف معاك على 54000 اول استفتاح كتير طبعا العربية دية اخرها لو نظيفة اوى بالكاسيت 46 الف وحط ياعم 3000 جنية جنوط يبقى هتقف ب49 ومساعدين ب350 وتركيب 80 جنية يبقى 50000 الف بالظبط

ولو قدامى حاجة هاقولك حاضر