الموضوع: تشخيص لجميع اعطال الفرامل

الله يخليكم يا جماعة ... بس على فكرة انا فهمت الكلام ده مش صعب يعنى واللى عاوز يسأل وحوش الهوندا بسم الله ما شاء الله موجودين اهو ولا أيه يا وحوش ههههههه .

صحيح نسيت اقول ان سبب عمل الموضوع ان النهاردة حصل حاجة غريبة عندى الصبح وانا رايح الشغل ... حسيت عند بداية التحرك ان الفرامل خفت تحت رجلى اوى وده كان قبل التحرك .
المهم بصيت تحت العربية ملقتشى حاجة عند العجل مسربة زيت ... قمت متحرك بيها بتاع 500 متر كدة وطبعاً الفرامل خفت اوى تحت رجلى ومشوار البدال بقى طويل ومبتقفش بسرعة .
فنزلت وبصيت على مستوى الزيت ولقيته فوق المنيمم بحاجة بسيطة وقعدت اكارك لها شوية زى مابعمل اثناء سحب الهواء لحد ما نشفت شوية ... واتحركت بيها تانى ورحت الشغل .
وبعد ما خلصت الشغل وراجع قلت ابص تحتها تانى يمكن الاقى تسريب ولا حاجة ... لانى حسيت انها زى ما تكون ساحبة هواء فى دورة الفرامل وبرضوا ما لقيتش حاجة لا عند العجل ولا عند الماستر .
فأتحركت بيها ولاحظت انها تقلت شوية عن الصبح بس مش زى الاول برضوا ... وانشاء الله هبقى بكرة اروح لحد يبصلى على دورة الفرامل للاطمئنان .
يالا يا وحوش الهوندا فكروا معايا ايه ممكن تكون المشكلة ... بس بلاش الكلام الكبير اللى ممكن يخض جيبى هههههههه .

وولا يهمك يا حمدى ... مهو المفروض يكون عند الواحد حنكة هههههههههه .