الحمد لله انه عجب حضرتك ومتشكر جدا
ربنا يبارك فيك ولو عند حضرتك اى استفسارات فى العربيه انا موجود
الله يبارك فى حضرتك :)
اه هى العربيه واسعه وعائليه لكن بتصميم شبابى حديث:16:
عرض للطباعة
الحمد لله انه عجب حضرتك ومتشكر جدا
ربنا يبارك فيك ولو عند حضرتك اى استفسارات فى العربيه انا موجود
الله يبارك فى حضرتك :)
اه هى العربيه واسعه وعائليه لكن بتصميم شبابى حديث:16:
ربنا يبارك فى حضرتك ومتشكر جدا ومبسوط ان التقرير عجب حضرتك
وانت كنت اول واحد شجعتنى بجد على انى اشترى العربيه
ربنا يبارك لحضرتك فيها
بالنسبيه لل esc كلامك مظبوط جداااا لانى بعد ما قرات وشوفت فيديوهات ودايجرامات توضح عمله فهو بنسبه كبيرة بيساعد فى اعادة السيطرة على التحكم فى حالات فقد السيطره لا قدر الله وده عن طريق حساسات بترصد توجه العربيه نفسها فين واتجاه الكاوتش وادوات التوجيه فين وبيوزع الفرامل بنسب معينه عشان السيطره ترجع
وربنا يستر طريقنا كلنا
هعمل لحضرتك مقارنه بسيطه بين الاتنين وفى الاخر هى اولويات وبتختلف حسب احتياجاتك
بالنسبه للشكل "طبعا ازواق" بس عموما الكارينزشكلها اضخم وعائليه اكتر السول مضغوطه شويه وشبابى اكتر وتمشى تبع ال 4*4 اكتر عشان علوها عن الارض
بالنسبه للوسع الكارينز تكتسح طبعا خصوصا فى وسع الشنطه ما شاء الله ملعب كورة :grin54:
بالنسبه للاداء على الطريق السول تكسب لان الكارينز كبيره جدا على الموتور ال 1600 اللى فيها وخصوصا لو محمله كتير ومشغل التكييف ومسافر مثلا هتحس بضعف الموتور غير تصميم الكارينز الخارجى مش بيساعدها اوى على المناورات على الطريق
بالنسبه للاوبشنز فى السول اكتر بردو من الكارينز
فى النهايه العربيتين ما شاء الله ممتازين بس هى احتباجات للى هيشترى
وربنا يوفقك فى اختيارك ويباركلك فى عربيتك :)
ربنا يباركلك فيها ونصيحة ركبلها دفندرات حماية قدام وورا
ياريت تقولنا اخبار العزل بتاعها ايه يعنى صوت الموتور والطريق وانت قافل الزجاج بيكون عالى ولا وسط ولا خفيف ولا غير مسموع خالص
واخبار استهلاك البنزين ايه ؟
وهل ارتفاعها عن الارض اكبر من نيسان ليفينا ولا ليفينا اكبر
متشكر جدا
مش عارف الدفيندرات هتليق عليها ولا ايه بس مشفتلهاش اى صور قبل كدة
بالنسبه للعزل فهو ممتاز صوت الموتور وانت سايق يكاد يكون مش مسموع لكن صوت الكاوتش على الطريق مسموع وبيزيد لو الطريق مش حلو لكن ميضايقش يعنى "انا كنت راكب فيرنا قبلها فبالنسبالى العزل دة 100 %:grin54:"
البنزين انا لسه مجربتهاش خارج المدينه لكن جوة البلد متوسط الاستهلاك تبع الكمبيوتر بيبقى فى حدود 9 او 9.5 لتر لكل 100 كيلو
انا والله معرفش النيسان ليفينا ارتفاعها ايه بس السول الحمد لله عاليه عن الارض ومش بتحك فى المطبات العاليه وهى فيها 4 افراد
تسلم ايديك يا باشا
انا معجب بالعربية دى جدا ومتابعها بقالى فترة
وبصراحة حضرتك جوبت على اسئلة كتير كانت محيرانى بخصوص الفئات والفرق بين الوكيل والخليجى
بس حضرتك مقلتش عامل ايه مع الصيانة بما انها خليجى مش وكيل
وفى الاخر ربنا يديك خيرها ويكفيك شرها