بلد المنشا واحدة فى كل الكيا وهى كورى طبعا لكن ال vin بيبين هى مصدرة لفين وتاريخ التصنيع وشويه معلومات عنها
ودة لينك لموضوع مثبت هنا فى قسم الكيا فيه كل حاجة عن ال vin :)
http://www.nilemotors.net/Nile/186717-vin.html
عرض للطباعة
بلد المنشا واحدة فى كل الكيا وهى كورى طبعا لكن ال vin بيبين هى مصدرة لفين وتاريخ التصنيع وشويه معلومات عنها
ودة لينك لموضوع مثبت هنا فى قسم الكيا فيه كل حاجة عن ال vin :)
http://www.nilemotors.net/Nile/186717-vin.html
ياباشا تسلم
مش عرفين نودي جمايلك فين
جزاك الله خيرا
هو السعودى الاعلى فى الاوبشن ولا الاردنى
مشكور و الله و تقرير أكثر من رائع وربنا يباركلك فيها...عاوز أخد رايك أشتري الخليجى .. وهل الخليجى بيكون لها فترة ضمان وهل بها مسند يد للسائق وهل التكيف فيها تاتش وإيه الفرق بين موديل ٢٠١١ و٢٠١٢ غير الشكل..أرجو النصيحة للضرورة
الخليجى ملهاش ضمان بس فى شركات بتبيع ضمان وبتبقى السنه فى حدود الف جنيه
وللاسف لا يوجد مسند يد للكرسى فى اى فئه هاى لاين خليجى لا فى الاردنى ولا فى السورى وفى تاجر قالى حاجه غريبه جدا " اى سول فيها كاميرا خلفيه لا يمكن تلاقى فيها مسند لليد" مش عارف الكلام دة صح ولا لأ ولا ايه العلاقه بينهم اصلا
التكييف تاتش فى الاردنى لكن بكر عادى فى السورى
غالبا 2012 اللى هتنزل مصر هتبقى غير اللى هتنزل بره ومش هيبقى فيها تغيير فى حاجة نفس الموتور ونفس الفتيس حتى شكل الفوانيس زى ما هو ممكن تلاقى الجنط بس اللى متغير شكله بيبقى لونين اسود فى سيلفر
فى النهايه انا من وجهه نظرى الخليجى اوبشن اكتر بكتير من التوكيل وسعر ارخص فانا اخترت الخليجى ولو قلقان من الضمان ممكن تشتريلها ضمان المشكله الوحيده اللى شايفها فى الخليجى هى الجنط ال 18 بيخلى العربيه ناشفه وال low profile بتاع الكاوتش ممكن يعمل بلالين فى طرقنا اللى زى الفل... غير كدة انت الكسبان لو اشتريت الخليجى
والله إنت راجل محترم علي الرد السريع..هو في زرار في الدركسيون للرد علي التليفون ..وإيه رأيك في الكاسيت هل هو سهل الاستخدام ..ورأيك أشتري سول ولا الاكسنت rb الجديده ورأيك الخليجي الهاي لاين ولا التوكيل الهاي لاين وبصراحة السول داخلة دماغي بس خايف منها وهل يمكن حل مشكلة المسند ..ومعلش أنا أسف علي التطويل
تقرير مميز ,,
ألف مبروك العربية ,, شكلها جميل ومميز
فى يا فندم فى الدركسيون ازرار للرد والفصل للتليفون "لو بصيت بصه عالصور فى اول التقرير هتلاقيهم على اليمين فى الدركسيون"
الكاسيت سهل جدا فى الاستخدام والاعدادات, وفى خاصيه علو الصوت كلما زادت سرعه السياره
السول فئه مختلفه عن الاكسنت ار بى بس كوسع صالون السول اوسع من الاكسنت لكن شنطه الاكسنت اوسع والاوبشن فى السول اعتقد اعلى من الاكسنت بس حضرتك ممكن تسأل فى قسم المقارنات هيفيدوك اكتر عن الاكسنت ار بى وانا تحت امرك فى اى سؤال عن السول
لو يهمك الضمان وهتعمل كل صياناتاك فى التوكيل يبقى هات الوكيل وهتستغنى عن شويه اوبشنز لو قلبك جامد هات الخليجى :) " وممكن تشتريلها ضمان"
خايف منها فى ايه لو عندك اى اسئله انا تحت امرك
بالنسبه المسند ليها مسند مخصوص بيركب فى الجزء اللى بين الكرسيين من التابلوه بس سعره فحدود 500 جنيه وممكن تركبلها المساند الصينى اللى بتتباع بس الصراحه معجبنيش شكلها
ولا طولت ولا حاجة انا تحت امرك يا فندم :)