الموضوع: تقرير كامل بالصور- كيا سول- 2011

انتا شاري عربية ب 130 ألف وقاعد تكلم في البنزين يا عمي .......................................... الخ

اكيد طبعا الكلام عن البنزين شئ مهم وملوش دعوة بسعر العربية
انا معايا ميتسوبيشى ميراج 1998 وبتاخد لتر لكل 8 كيلو لأنها امريكانى (1500cc)
ونفسى اوفر استهلاكها

المشاركة الأصلية كتبت بواسطة dr_no

بسم الله الرحمن الرحيم

www.nilemotors.net

انا الحمد لله اشتريت عربيه كيا سول 2011 وبقالها معايا حوالى اسبوعين دلوقتى وعملت الف كيلو وقلت لازم اعمل تقرير محترم عنها ان شاء الله انا اول مره اعمل تقرير يا رب يعجبكو

www.nilemotors.net

فى التقرير جمعت معلومات عن العربيه الاول عشان تكون مصدر لاى حد عايز يعرف معلومات عنها وفى النهايه قلت تجربتى وتقييمى للعربيه بكل حياديه

والله المستعان...
www.nilemotors.net

اولا:ما قبل الشراء

انا كنت محتار جدا ودورت وركبت عربيات كتير وكانت اولوياتى تكون عربيه صالونها واسع وعاليه عن الارض لان انا طول 193 وكنت بتبهدل فى الفيرنا فتوكلت على الله فى السول وعجبنى فيها شكلها الجديد الشبابى والوسع الداخلى ما شاء الله واسعه جدا حتى وانا مرجع الكرسى على الاخر والاوبشنز اللى مش موجودة بالكم دة فى اى عربيه فى فئتها

www.nilemotors.net

ثانيا:فئات العربيه

- بالنسبه للتوكيل:

(1) الاتوماتيك فول اوبشن وسعرها 122900 جنيه ودى فيها (فتيس اوتوماتيك ستيبترونيك 4 نقلات - تكييف بكر- باور كهربا- 4 زجاج كهربا - مرايات كهربيه وضم-كمبيوتر رحلات متعدد الوظائف - كاسيت سى دى ويو اس بى – ملتى فانكشن للتحكم فى الكاسيت -نظام صوتى مكون من 7 سماعات والاماميه مضيئه مع مفتاح للتحكم فيها وصب ووفر فى الشنطه مع مكبر للصوت –الكنبه اللى ورا بتطوى 1/3 و2/3- جنوط رياضيه مقاس 16 مع كاوتش مقاس 16/205/55 "الاستبن حديد مش جنط"- فوانيس شبوره- وساده هوائيه واحدة للسائق)

www.nilemotors.net

(2) اتوماتيك فول اوبشن وفتحه سقف وسعرها 125900 جنيه وهى زى اللى فاتت وبتزيد فتحه سقف

www.nilemotors.net

(3) اتوماتيك هاى لاين وسعرها132900 جنيه وبتزيد عن اللى فاتت (نظام فرامل اى بى اس – 2 ايرباج للسائق والراكب الامامى وحساسات ركن خلفيه مع كاميرا ومسند لليد لكرسى السائق)

www.nilemotors.net

- الخليجى :

(1) الاردنى هاى لاين

سعرها 135 الف وفيها (فتيس اوتوماتيك ستيبترونيك 4 نقلات - تكييف تاتش اوتوماتيك - باور كهربا- 4 زجاج كهربا - مرايات كهربيه وضم-كمبيوتر رحلات متعدد الوظائف مع شاشه - كاسيت سى دى ويو اس بى –نظام صوتى مكون من 7 سماعات والاماميه مضيئه مع مفتاح للتحكم فيها وصب ووفر فى الشنطه مع مكبر للصوت –الكنبه اللى ورا بتطوى 1/3 و2/3- جنوط رياضيه مقاس 18 مع كاوتش مقاس 18/225/45 "الاستبن حديد مش جنط"- فوانيس شبوره- وساده هوائيه واحدة للسائق وواحدة للراكب الامامى-ملتى فانكشن وبلوتوث فى الدركسيون- ايموبليزر- نظام المفتاح الذكى وزرار ستارات- حساسات ركن خلفيه مع كاميرا-حساسات ركن اماميه- فرش جلد لونين – التابلوه لونين- فتحه سقف- فرامل اى بى اس )

www.nilemotors.net

(2) السورى هاى لاين: "دى اللى فى التقرير"

سعرها 130 الف وبتختلف عن الاردنى ان مفيهاش تكييف اوتوماتيك ومفيهاش حساسات اماميه ولا فرش جلد ولكن فيها نظام مانع الانزلاق اى اس سى.
www.nilemotors.net

ثالثا:مواصفات العربيه

(1) ابعاد العربيه:

الطول:4105 مم

العرض:1785مم

الارتفاع الكلى:مم1610

قاعده العجل:2550مم

سعه الشنطه:340 لتر

سعه التنك :48 لتر

www.nilemotors.net

(2) الموتور:

1.6l l4 dohc 16-valve

1591 سى سى بقوه 124 حصان عند ار بى ام 6300

(3) العفشه: www.nilemotors.net

التعليق الامامى:

independent front strut suspension with stabilizer bar and coil springs.

www.nilemotors.net

التعليق الخلفى:

semi-independent rear torsion beam suspension with coil springs.

الفرامل: www.nilemotors.net

-
abs.

-brake assist system.

-ventilated four-wheel disc brakes www.nilemotors.net.

-electronic brake distribution.

-electronic traction control (via abs & engine management).

-electronic stability control (esc) stability control

www.nilemotors.net

رابعا: تقييمى للعربيه

(1) خارجيا:

الشكل الخارجى طبعا ازواق وتصميم العربيه من برة فى ناس بتحبه جدا وانا واحد منهم وفى ناس بتكرهه جدا واحترمهم طبعا بس هو عموما شكل جديد ومميز ويشد العين واللى مميز فى العربيه العرض بتاعها تحس انها ضخمه مع ان طولها قصير وسهله جدا فى الركنات
www.nilemotors.net

ملحوظه:صور العربيه الخارجيه من على النت عشان العربيه محتاجه تتغسل بس هى نفس اللون

(2) داخليا:

بتتميز العربيه بصالون ما شاء الله واسع جدا وهو لونين احمر فى اسود خاماته جيدة جدا9/10 وجودة التقفيل 9/10

الكراسى مريحه جدا بالنسبه للسائق"ممكن تظبط ارتفاع الكرسى وارتفاع الدركسيون" والراكب الامامى والكنبه الخلفيه واسعه وتاخد 3 مرتاحين www.nilemotors.net

,وضعيه القياده ممتازة بس بتبقى مش شايف الكابوت كله ومش عارف حدود العربيه ايه ادامك بس مع التعود بتعرفها, وبتحس عموما انك فى عربيه عاليه فوق الناس ,ارتفاع السقف ممتاز جدا وزاويه الركوب والنزول من العربيه مريحه ,المالتى فانكشن والبولوتوث فى الدركسيون عمليين وبيسهلو عليك كتير التحكم فى الكاسيت والموبايل, العدادات كلها مضيئه على طول بالنهار وباليل اضاءه بيضه مريحه وواضحه, مكان الفتيس سهل الوصول ليه لو بتستخدم الستيب ترونيك,فتحه السقف لذيذة وممكن ترفعها لفوق او تفتحها خالصwww.nilemotors.net

من الحاجات اللى معجبتنيش قله اماكن التخزين مفيش غير درج التابلوه وهو كبير ومقسوم رفين وفتحه فوق الكاسيت

ملحوظه:الصور دى من عربيتى وحصريا لنايل موتورز www.nilemotors.net

منظر عام للتابلوه




الدركسيون والمالتى فانكشن على الشمال والبلوتوث على اليمين



العدادات



الكاسيت



زراير التحكم فى الزجاج والمرايات والضم


الفتيس


زرار الستارت ستوب



مفتاح التحكم فى نور السماعات وesc



شاشه الكاميرا اثناء الرجوع للخلف وفى تحذير صوتى مصاحب ليها


مايك التحدث فى البلوتوث موجود عند الشماسه ادام السائق والتحكم فى فتحه السقف











تم تثبيت الموضوع نظرا لاهميته

مشرف 7 ب

6/5/2011

بداية ربنا يبارك لك في السيارة ويبعد عنك شرها ، كان عندى سؤال مهم جدا انا بالنسبة ليا اهم حاجة فى العربية الثبات وبصراحة انا ركبت كيا كارينز لمدة شهرين كان الثبات بتاعها وخاصة على الملفات سىء جدا لدرجة انى كنت باخد الملف على 50-60 فهل كيا سول كده برده وخاصة انها عالية اوى عن الارض ارجوا التوضيح واسف على الاطالة

متشكر جدا على الرد السريع انا سوقت النيسان صنى والالنترا 2010 والاوبترا واللانسر 2003 والافيو 2011 كانتاحسن ثبات فيهم الصنى وحضرتك بتقول السول افضل فى الثبات مع انها عربية عالية وبينى وبينكانا كمان مدخل فى المقارنة انترا 2011 الشكل الجديد بس سمعت عنها انها خفيفة اوى على السرعات العالية ارجو الافادة

طبعا تقرير و مشاركات استفدت منها كتير
انا حجزت 2012 من التوكيل التوب لاين
و الى فهمته ان ال ebd ولا الesc هيكون فيها
بس قولت خلينى مع الضمان و خصوصا كنت هجيب الخليجى فاضيه
بس هل نظام الثبات ال ebd فعلا بيفرق فى السرعات العاليه و الملفات؟
وهل العربيه فى التوكيل بنزل ازازها فاميه فبريقه
يا ترى بقى الجنوط هتكون 18 اخليها نيتروجين ولا هوا عادى
و يا ترى الكاميرا الخلفيه عمليه ولا حصلت فيها مشاكل معاكم
و بخصوص الدلايات و العتب و الاكسسوار بتاعها عموما يا ترى متوفر فى التوكيل الكلام ده
ولا اجيبه من برا الوكيل

والف شكر لكل الاضافات المفيده فى الموضوع

وياريت يا جماعه تقولولى حل مشكله انك مش شايف الكبوت دى ايه يا ترى بتعلوا الكرسي بيطلع معاكم فوق كويس؟

ولا الكبوت بتاخد عليهم بالتعود

المشاركة الأصلية كتبت بواسطة mhmdkhamis

طبعا تقرير و مشاركات استفدت منها كتير
انا حجزت 2012 من التوكيل التوب لاين
و الى فهمته ان ال ebd ولا الesc هيكون فيها
بس قولت خلينى مع الضمان و خصوصا كنت هجيب الخليجى فاضيه
بس هل نظام الثبات ال ebd فعلا بيفرق فى السرعات العاليه و الملفات؟
وهل العربيه فى التوكيل بنزل ازازها فاميه فبريقه
يا ترى بقى الجنوط هتكون 18 اخليها نيتروجين ولا هوا عادى
و يا ترى الكاميرا الخلفيه عمليه ولا حصلت فيها مشاكل معاكم
و بخصوص الدلايات و العتب و الاكسسوار بتاعها عموما يا ترى متوفر فى التوكيل الكلام ده
ولا اجيبه من برا الوكيل

والف شكر لكل الاضافات المفيده فى الموضوع

الف مبروك مقدما و ربنة يباركلك فيها انشاء الله انا بجد احييك على الجراءة دية العربية ب 143 الف جنية و كان ممكن تجيب حاجات تانية بأمكانيات اعلى بكتير انا والله فى نفس الحيرة .

المهم انا عارف ان ال abs لازم يكون معاة ebd لاكن ارجو من الاخوة الاعضاء التصحيح لو المعلومة غلط