الموضوع: عارف يعني اية كوكاكولا زيرو في البريليانس ؟

المشاركة الأصلية كتبت بواسطة amaboubakr

يا جماعة طيب انا ليا استفسار
انهي الافضل المانيوال 1500 ولا الاوتو 1600

يعني في موضوع السحب والتكييف

أنا اللي معايا ال 1500 ومستريح جدا في موضوع السحب مع التكييف, بمعني إني ممكن اكون مشغل التكييف علي 3 مثلا ولا حاسس إن العربية سحبها متأثر نهائي. بس ده عشان مانيوال.

معرفش حاجة عن الأوتوماتيك بس نظريا النقل ف الأوتوماتيك بيكون عند نقطة عزم متوسطة ومش بيكون عندك أوبشن إنك تقرص ع الغيار (ومعرفش هل الأوتوماتيك فيها زرار للأوفر درايف ولا لأ). بس أعتقد 100 سي سي زيادة هتفرق برضه ف موضوع السحب للأحسن. وفي ناس كتير هنا معاها الأوتو وبيقولوا مفيش تأثير للتكييف علي السحب خالص, مع العلم إن تكييفها فعلا تلاجة.

ملحوظة: المانيوال موتورها 1500 dohc 16v vvt والأوتوماتيك sohc-4, فنظريا موتور المانيوال أحسن وموتور الأوتو موفر ف البنزين أكتر. يارب أكون أفدتك.

يتبع:

الميزة في محركات dohc توفير العزم على سرعات الماكينة المتوسطة و العالية و السبب هو صغر حجم عامود الكردان مما يوفر لها سرعات دوران عالية تصل الى 8000 rpm او أكثر بقليل. و العكس صحيح في محركات sohc توفير العزم على سرعات منخفضة و المتوسطة و غالبا ما تجد محركات sohc ذات دوران محدود لانها تحمل أعمدة كردان ضخمة.

لذالك ال dohc يعطى اقوى قوة للموتور على قراءة rpm عالية و يكون التسارع أسرع فى السرعات العالية بينما فى ال sohc يعطى قوة الموتور على ال rpm المنخفض و يكون عزم الموتور على السرعات المنخفضة لذلك يكون التسارع أسرع فى السرعات المنخفضة و من الثبات عشان كده أحسن داخل المدن المزدحمة.

يعني م الأخر الأوتو هيسحب أحسن من المانيوال جوه البلد أو في مطلع إشارة أو بعد مطب مثلا, لكن المانيوال بعد م يحرق ويجيب الغيار التالت والرابع مثلا هيسحب أحسن من الأوتو.

أنا رغاي أوي مش كده ؟؟

المشاركة الأصلية كتبت بواسطة zemanovaxxx

العربية دي المانيوال منها 1500 سي سي ونازلة بموتور vvt واللي هو نفس الموتور الموجود في التويوتا الأفانزا, والأوتوماتيك 1600 سي سي اللي هو dohc 16 واللي هي نفس العربية اللي مع البرنس صاحب الموضوع.

يا جماعة الكلام ده التصحيح بتاعه في المشاركتين اللي فاتوا, وأسف جدا علي المعلومة الغير صحيحة لإني كنت أنا صاحب المشاركة برضه.