عارف يعني اية كوكاكولا زيرو في البريليانس ؟

**zemanovaxxx** · 12-05-2011 03:12 PM

الموضوع ده صاحبه لسه عامله النهارده
http://www.nilemotors.net/Nile/218987-a.html

يعني مثلا علي سبيل المثال لو حد كتب الكلام اللي مكتوب في الموضوع اللي فوق ده علي عربية صيني كنا كلنا قولنا "أاااه, شفت بقي يا عم؟ أدي الصيني ومشاكله واللي بيفكروا يشتروه". أما عشان العربية دي كوري ومن كيا تبقي حاجات كلها بسيطة ومش مشكلة خالص وممكن تتحل بسهولة.

في النهاية القول الشائع: "تستطيع أن ترضي كل الناس بعض الوقت, وتستطيع أن ترضي بعض الناس كل الوقت. ولكنك لا تستطيع أن ترضي كل الناس كل الوقت" صحيح 100 %

**bassem.kamal** · 12-05-2011 04:46 PM

انا بيعجبني اوي اوي اوي اوي الناس اللي بتحكم علي العربية من اسم بس او حتي صنع ... بجد تفكير منطقي اوي !! .. من غير ما يركبوها نصف يوم حتي .. عشان يحكموا عليها ... نركب الاول و نشوف الحياة قيها اية و كل حاجة و بعد كدة نقول بسم الله الرحمن الرحيم .... بجد الأخ صاحب العضوية البرونزية دة معرفش يعني ازاي يدخل الداخلة دي و خصوصاً ان هنا جميع ملاك البريليانس .. و اللي شايف ان البريليانس مش قد كدة كان هيبيع و يخلص نفسه ... لكن هاقول اية ولا اية ..... عجــــبــــــي !!!

**zemanovaxxx** · 12-05-2011 05:38 PM

المشاركة الأصلية كتبت بواسطة sorsar2004

و خصوصاً ان هنا جميع ملاك البريليانس .. و اللي شايف ان البريليانس مش قد كدة كان هيبيع و يخلص نفسه ... لكن هاقول اية ولا اية ..... عجــــبــــــي !!!

**MASERATI** · 13-05-2011 06:57 PM

المشاركة الأصلية كتبت بواسطة sorsar2004

بص يا سيدي .........................

انا كتير اوي بكون واقف في اشارة و اللي جانبي بيقولي يالله بينا نشد و هووب بسمع الحرق و مجرد الاشارة تخضر بنفتح مع بعض ... حصل معايا الموقف دة مع فيرنا و طبعا الفيرنا معرفتش تيجيب الfsv رغم موتور الفيرنا القوي المعروف بس دة الحصل و كان حارق علي الاخر و مش عارف يجيب معايا .. دة كلة كلام مواتير ... و كمان بعدها بيومين تلاتة كدة واحد راكب الانترا الهاي لاين و اداني زمارة ال هو يالله .........................

السلام عليكم و رحمة الله و بركاته

ياااااااااااااااااااااااه , للدرجة دى, سيادتك بتتكلم بجد؟؟؟!!!!!, يعنى ممكن تكون واقف فى اشارة و لا بك و لا عليييييييييييييييك , يقوم ييجى واحد جمبك, ماتعرفهوش و لا يعرفك و يقوم مديك كلاكس, يبقى معناها ياللا نشد و لا ييجى و يقولك ياللا نشد كده, من الباب للطاق و تقوم تشدوا؟؟؟؟

هى لغة الحوار قصدى الشد, وصلت بين الناس للدرجة دى, أنا كنت فاكر أن اللى بيشدوا مع بعض بيكونوا أصلا أصحاب و عارفين بعض من قبل كده !!!!!!!!!!!

طاب و هل بعد مابتشدوا و واحد منكم يعدى التانى , بتعملوا ايه؟؟؟, يعنى كل واحد بيمشى و يكمل من طريقه و يشوف هو كان أصلا -قبل الشد يعنى- رايح فين و لا دى بتبقى بداية لتكوين صداقات جديدة ؟؟؟

و هل الجنس الناعم ليه فى الشد و لا دول ماشيين جمب الحيط, يعنى ممكن و أنا واقف بالعربية البيجو ال505 مو 1980 بتاعتنا, ألاقى واحدة جت جمبى فى اشارة و قالتلى ياللا نشد , أو العكس, يعنى أنا آجى جمب واحدة سايقة عربيتها و أقولها ياللا نشد, أو أديها كلاكس صغير, تقوم هيا -المفروض يعنى- تفهم أننا نشد سوا و لا المصطلحات دى بين الشباب بس ؟؟؟!!!

شكرا و جزاك الله كل خير و ان شاء الله ماتقعش فى شدة أبدا .

**bassem.kamal** · 13-05-2011 08:22 PM

صباح الضحك هههههههههههههههه ... تعليق اكثر من رائع ....
الموضوع بسيط جداًَ ... مش حوار كلاكس صغير او كبير ... الموضوع بيبقي باين ان في شد من الاول من حرق الموتور الجانبك و اول ما الاشارة بتفتح الكل بيجري و في ناس بتجري عشان تشد مع الباقي .... و لما الشد بيخلص اكيد مفيش حد له دعوة بالتاني .. كل واحد بيباين موتوره و بيظهر كفائة عربيتة مش اكتر ولا اقل و كلها حاجات بين الشباب عادية جدا ... اما حوار الجنس الناعم دة لسة مشوفتوش هههههههه بس اكيد عمري ما هعمل عقلي و احرق الموتور عشان جنسة ناعمة يعني ههههههههههه ...

**kashtoot** · 13-05-2011 08:46 PM

ألف مليون مبروك و ربنا يباركلك فيها و يكفيك شرها

**Ashraf_Ibrahim** · 13-05-2011 09:18 PM

شكل الموضوع تطرق لجوانب أخرى
بالنسبة للجنس الناعم في الشد انا صادفني موقفين لا انساهم بعربيتين مختلفتين
الاولى كانت بنت راكبه فيورا 127 نصر ومكناش بنشد بمعنى بنشد ولكن كنت على طريق اسكندرية الزراعي بالليل وانا طبيعتي على الطريق دا بمشي 110/120 وهي كانت قطراني وكأنها ماشية ورايا وانا فاتح ليها الطريق
بالخطأ طلع قدامي ميكروباص تويوتا وهوب قمت مفرمل ونازل من 120 ل 60 في لحظات وقلت بس الله يرحمني هي اكيد هتلبس فيا دلوقتي
بس بكل حرفية لقيتها لمت العربية وفرملت ورايا برده ومش كدة وبس
قامت مدية اشارة ومعدية مني كمان وكملنا مع بعض لحد ما وصلنا القاهرة هنا

الموقف التاني بنتين كانوا راكبين افيو والطريق كان زحمة علمت عليهم تعليم السنين وبعدين سبتهم يعدوا

انا معرفش البريليانس الحقيقة ومجربتش اني اشد معاها ومركبتهاش قبل كدة فمقدرش احكم ان كان فعلا موتورها يقدر على موتور الفيرنا واللا لا بس اللي اقدر أأكده لحضرتك لو بتاع الفيرنا سواق فعلا مستحيل تطلع منه
ممكن بعد كدة انما في الطلعه مستحيل خصوصا لو حرق صح ونقل غيارات صح

ربنا يباركلك في عربيتك وحقيقي بقيت متشوق اني اعرف العربية دي عن قرب واشوف ايه قصتها بالظبط لأن مكانش عندي معلمات عنها خالص ولما قريت الموضوع دا الفضول دفعني اني ابدأ أدور على معلومات عنها على النت وبالفعل بدأت اعرف عنها حجات على النت

**Ashraf_Ibrahim** · 14-05-2011 12:33 AM

اللهم امين يحمينا جميعا
ايا كان اهم شيء انك مبسوط بعربيتك ودا اهم شيء
ربنا يباركلك فيها

الموضوع: عارف يعني اية كوكاكولا زيرو في البريليانس ؟

LinkBack

أدوات الموضوع

عرض

-

-

-

-

-

المواضيع المتشابهه

دى فى دى البريليانس شغال راديو بس مش عارف أرجعه سيديهات

يعني ايه كوك زيرو ............................؟؟ شارك بالكوكا بتاعتك

يعني ايه كوك زيرو ؟!!

يعني ايه كوك زيرو؟؟!!!

الكلمات الدلالية لهذا الموضوع

المفضلات

المفضلات

ضوابط المشاركة