عارف يعني اية كوكاكولا زيرو في البريليانس ؟

**mido_soliman** · 09-05-2011 05:21 AM

ربنا يباركلك فيها عربية محترمة وجربت تكييف ال frv وكنت مبهور من ادائة بصراحة

**bassem.kamal** · 10-05-2011 02:03 AM

شكراً علي ردودكم جميعاً .. و اللي عندة أي كوكاكولا زيرو جديدة كدة يقولنا هنا ;-)

**bassem.kamal** · 10-05-2011 02:05 AM

شكراً علي ردودكم جميعاً .. و اللي عندة أي كوكاكولا زيرو جديدة كدة يقولنا هنا ;-)

**basala313** · 10-05-2011 09:50 AM

يعني هيا ولا البيرسونا اليجانس ؟
حد يقوللي بجد متسبونيش محتار

**zemanovaxxx** · 10-05-2011 11:45 AM

المشاركة الأصلية كتبت بواسطة basala313

يعني هيا ولا البيرسونا اليجانس ؟
حد يقوللي بجد متسبونيش محتار

لو دماغك كبيرة ومبتتضيقش من كلمة صيني ومحتاج عربية فعلا عفشتها محترمة وموتور وصاج وتوكيل زي الفل وبنفس كماليات البيرسونا, إشتري البريليانس. وبفرق سعر كمان عن البيرسونا اللي المانيوال بتاعها ب 88900 حوالي 10000 جنيه.

يبقي بالعقل كده ليه مركبش الصيني ؟؟ هاه لييييييييييييه

؟؟

ملحوظة: مركبتش البيرسونا ومعرفش حاجة عن سحبها وموتورها, بس راضي جدا عن أداء ال fsv حبيبتي.

**amaboubakr** · 12-05-2011 01:47 AM

بس بجد تشبيه جميل جدا
ايه رأيكم بأه نسمي العربية دي
كوكاكولا زيرو

**Abdallah** · 12-05-2011 02:04 AM

المشاركة الأصلية كتبت بواسطة sorsar2004

.. يعني تكون عامل النور الواطي و اللي قدامك مش شايف قدامة خالص تمام

ربنا يباركلك فيها لكن اسمحلى حضرتك شايف ان دة صح؟؟
لو كلام حضرتك مظبوط معناه ان دة عيب فى العربية مش ميزة!!

**TAMERHASSAN** · 12-05-2011 02:10 AM

يعني يبقي جنبك فيرنا و الينترا و متسوبيشي و ميعرفوش يجيبوك ! ؟؟؟؟؟؟؟؟؟؟؟؟؟

**bassem.kamal** · 12-05-2011 04:13 AM

بص يا سيدي ... حوار النور ده أقصد بي .. ان لما بشغل النور الواطي بيفرش علي الارض جامد اوي و الاضائة بتبقي جامدة اوي و اي حد جاي عاكسي مش بيبقي شايف قدامة من النور عندي .. عشان بتكلم علي الواطي .. و كل دة مش بكون لسة كمان فتحت العالي .. بتاع الصحراوي بقي و اللي خلاني مفكرش في حاجة اسمها زينون ... دة كل قصدي .....

ثانياً ... انا كتير اوي بكون واقف في اشارة و اللي جانبي بيقولي يالله بينا نشد و هووب بسمع الحرق و مجرد الاشارة تخضر بنفتح مع بعض ... حصل معايا الموقف دة مع فيرنا و طبعا الفيرنا معرفتش تيجيب الfsv رغم موتور الفيرنا القوي المعروف بس دة الحصل و كان حارق علي الاخر و مش عارف يجيب معايا .. دة كلة كلام مواتير ... و كمان بعدها بيومين تلاتة كدة واحد راكب الانترا الهاي لاين و اداني زمارة ال هو يالله ... و شادينا يا معلم علي طريق النصر كلة و بردو والله معرفش يجيبني و كان حارق علي الاخر و بعد كدة جاب ورا و كتير من العربيات كدة .. و مش بقول البريليانس اسرع عربية في العالم .. بس دي المواقف اللي حصلت معايا و ذكرت اسم العربيات اللي كانت بتفكر تجري و تشد مع ال fsv .. و النتيجة قولتها : ) و فخور اني متخمنش في موتور 1600 من الاخر

**ashouhdy** · 12-05-2011 04:27 AM

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!