انا كمان بعتها ...
بس احنا كده بنعمل سمعه وحشه للعربية يا جماعة وبالتالي هانقلل قيمة الريسيل بتاعتها .. ولا إيه
انا كمان بعتها ...
بس احنا كده بنعمل سمعه وحشه للعربية يا جماعة وبالتالي هانقلل قيمة الريسيل بتاعتها .. ولا إيه
ده كان رد التوكيل في الصفحة بتاعتهم على الفيس بوك
اقتباس:
هام-لمقارنة أسعار قطع الغيار يجب مراعاة الأتى:
- رينو هى الشركة الأوروبية الوحيدة فى مصر التى نجحت أن تقدم للعملاء المصريين سيارة أوروبية إقتصادية والتى تنافس و بقوة مع السيارات ذات بلاد منشأ غير أوروبية فى هذه الشريحة السعرية.
- أن تكون المقارنة بين قطع غيار أصلية و بضمان من التوكيل و ليس درجة ثانية أو ثالتة
- بلد المنشأ، حيث أن قطع غيار رينو أوروبية و توافق معايير الأمان و الجودة الأوروبية و ليس أى بلد منشأ أخر
- مدة الضمان على قطع الغيار و هى 12 شهر و ليس 6 شهور مثل الأخرون
- المقارنة يجب أن تكون على أساس أرقام فعلية و ليس مجرد إستنتاجات و إشاعات
- وضع فى الإعتبار جودة الخامات حيث أن رينو لا تقبل بخامات ضعيفة المستوى
- رينو مصر هى أول شركة تعلن عن أسعار قطع الغيار فى الجرائد لثقتها فى منافسة أسعارها
الرد ده المفروض يترد عليهم بالمقايسة اللي اتعملت لزميلنا هنا في المننتدى و نقلهم ان طالما العربية المفروض انها ذات منشأ اوروبي و اقتصادية في نفس الوقت يبقى مفترض انها تبقى اقتصادية في كل حاجة حتى قطع الغيار و المقايسة اللي يتعملها اسكان و تتحط دي اكبر دليل على عكس الكلام ده
انا بعتها شكرا لمجهود الزملاء ...........طبعا اللى خاطب لوجان مصر كان ردهم مستفز بان دى اوروبى وخامات وجوده واى كلام ............احنا ابتدينا اول خطوه ونشوف النتيجه اللى هى على الاقل اعاده اعلان اسعار قطع الغيار بجريده الاهرام يوم الجمعه فى اخبار السيارات او احد الاعضاء يجبلنا الاسعار الجديده ......لو محصلشى خلال الشهر ده نتفق على وقفه جماعيه ولا رايكم ايه
انا كتبت الرد التالى على صفحة ال Facebook :
"الشركة تعلن عن بعض اسعار قطع الغيار فقط فى الجرائد و الاسعار الحقيقية من خلال الرقم المختصر 16202 بتكون غالية جدا جدا ولو سيادتك صادق ببساطة جدا اكتب هنا على الصفحة كل اسعار قطع الغيار للوجان ونشوف اننا طلعنا بتوع اشاعات ووحشين والتوكيل هما الحلويين. و يا فندم زى ما وفرتوا سيارة أوروبية إقتصادية (وده حسب كلامك انجاز) يبقى ياريت كمان توفروا قطع غيار أوروبية إقتصادية ((وده بقى انجاز الانجاز)). "
بعتولى 2 ايميل واحد امبارح بتأكيد وصول الميل والتانى انهارده الساعه3
وادى نص الاميل
Hello,
Thank you for your interest in Renault.Your request has been forwarded to the customers relations department who
will be providing you with a response as quickly as possible.
We remain at your disposal for any further information.
Thank you for your visiting www.renault.comThe Renault.com Team
Vanessa Delettre
RENAULT
Corporate Communications
وسأوافيكم باخر التفاصيل ان شاء الله
لازم يكون فى حل, أنا معايا لوجان
الناس على Facebook بيعلقوا جامد على الصفحة الرئيسية لرينو مصر لإرتفاع سعر قطع الغيار
https://www.facebook.com/renaultegypt
انا بعت الشكوى و مفروض كل اللى شاف الموضوع دا يبعت و هتلاقو نتيجة هايلة بس لازم يكتب رقم الشاسية و الموتور و اللون ارجو الاهتمام
Renault.com - Contact
انا اتحرق دمي لما شفت ردودهم على الفيس بصراحة لسة شايفها حالا و رديت عليهم بالاتي
اقتباس:
بالنسبة للمقارنات فهي بالفعل تمت مقارنة بين اسعار قطع الغيار الاصلية داخل التوكيل مقارنة بين مثلا رينو و هيونداي (التي تمتلك عدد كبير من الموديلات و عدد كبير من العملاء) بالاضافة لوجود منافسة كبيرة بين اللوجان و بين البروتون ساجا اقرب منافس للوجان و بين اللانوس و الفيرنا و رينو اغلاهم و التوكيلات بتدي ضمان بردو على قطع الغيار المباعة و التي تم تركيبها داخل مراكز الخدمة
عاوز افهم انا ليه لما المساحات اتسرقت الاقي نفسي داخل في 660 جنيه ما بين دراع حديد * 2 و عدد 2 جلدة مساحة؟!!! في حين ان الفانوس الخلفي اشتريتو من التوكيل بسعر 200 جنيه يبقى الفانوس البلاستيك و اللمبات و الجودة العالية تكلفته و مكسبه اقل من المساحات؟
لما يبقى سعر علبة الدريكسيون في توكيل فيات للفيات لينيا اللي هي فئة اعلى من اللوجان ب2000 جنيه و اللوجان اللي هي فئة اقل و موجهة لفئة كبيرة جدا و التي تمثل نسبة كبيرة من مبيعات السيارات في السوق المصري ب7000 جنيه ليه؟ ده بخلاف ورشة السمكرة و سوء الفنيين اللي هناك و تروح تستلم العربية تلاقي الدنيا خربانة خالص و معمولة اي كلام و متاخد اضعاف اضعاف ثمن التصليح خارج التوكيل و بقطع غيار اصلية بردو على فكرة
انا معايا لوجان و وبفكر اجيب عربية ثانية للبيت عندي و بجد بعشق العلامة دي علامة رينو و بحترم التوكيل ده لكن لما يبقى التوكيل بيعامل العملاء كأطفال و انهم غير ملمين باساعار السيارات المنافسة و قطع غيارها فاسمحلي ابلغك ان السياسة التسويقية المتبعة من قبل رينو سوف تؤدي الى انخفاض مبيعاتها بشكل كبير فبعد امتلاكي لوجان و تفكيري في اقتناء واحدة اخرى بفكر الان الانتقال الى بروتون ساجا الاخت الصغرى للوجان من شركة اخرى ذات توكيل ليس بمستوى رينو و لكن بيستمع للعملاء و بيحاول يحسن من ادائه و في موقع نايل موتورز توكيل بروتون لما اتقدموا بشكوى بخصوص قطع الغيار و مراكز الخدمة طلب من الموقع انو يبعت وفد من الملاك للمقابلة مع ادارة عز العرب من اجل الاستماع الى شكاوى العملاء و العمل على حلها و رفع تقرير الى بروتون ماليزيا من اجل تحسين خدمة العملاء و ابلاغهم بمشاكل عملائه في رأيي توكيل بهذه العقلية يهتم بعملائه هيحصل على نسبة اعلى من السوق و متنسوش ان بمجرد مالموضوع ده ينتشر مبيعات اللوجان و باقي سيارات رينو هتنخفض
و غلو قطع الغيار و غلو السيارة نفسها ارتفع سعرها من 67000 للكاملة الى 69000 بحجة ارتفاع سعر الدولار و الجمارك جمارك!!! اليست السيارة معفاة من الجمارك و ليست الضرائب و مقريناش ان حصل ارتفاع للضرائب بالسيارات الجديدة و حتى لو تم رفعها فمن فترة قام توكيلكم المحترم بعمل تخفيض على السيارات ليصل سعر الكاملة من 71000 الى 69000 مرة اخرى و الذي يعني بدوره ان الوكيل مأكد كسبان لأنو مش هيعمل تخفيض و هو خسران لأنو مش مطالب بهذا مما يعني ان الزيادة ي سعر السيارة غير مبررة و هدفها زيادة ارباح الوكيل عن الاول، و نفس الحال بالنسبة لأسعار قطع الغيار فبعد الاعلان عن خفضها اول ظهور السيارة و بنسب كبيرة فمثلا المراية الكهرباء من 1200 جنيه الى 600 جنيه مما يعني نصف قيمتها الامر الذي يدل على مكسب الوكيل بنسبة 100% منها لأن حتى بسعر ال600 جنيه الوكيل كسبان منها
اريد ان اذكركم ان اللوجان سيارة موجهة للدول التي تحتاج سيارات اقتصادية و كلمة اقتصادية في بداية مشروع اللوجان كانت تعني اقتصادية في كل شئ سواء سعر السيارة نفسها او قطع الغيار او تحملها لأنوع الوقود الغير جيدة
بعتذر عن اي حدة في الكلام لكن هذا نابع من حبي للرينو و احترامي للتوكيل الذي عهدت به اهتمامه بالعملاء من خلال اكثر من تجربة جيدة لكن للأسف تبعها اكثر من تجربة سيئة و ملاحظتي انحدار في مستوى الخدمة نتيجة المبيعات الزائدة لموديلات مختلفة
الله ينور عليك فى الرد الشامل ده وان شاء الله
يكون فيه رد فعل ايجابى من التوكيل