الموضوع: lمنعل للاستغلال تحديد يوم تجمع ملاك لوجان امام فرع المقطم

السلام عليكم
طبعا فى ناس قديمه عنى هنا كتير بس بجد اخر شهر سمعنا اسعار لقطع الغيار فلكيه عن السياره اللوجان حتى لو كانت من التوكيل بالاضافه الى تغيير الاسعار اللى كانت معلنه السنه اللى فاتت واللى نشروها كنوع من الدعايه للسياره لطمئنه الناس وفعلا وصلت المبيعات لارقام ميحلموش بيها
نيجى بقى للصدمات
1 الكبلن كامل شاكل الصيانه والتركيب 3500 جنيه يعنى جوز الكبالن 7000جنيه
2علبه الدركسيون شامل الصيانه والتركيب 7000جنيه....3مروحه رادياتير 1850 جنيه غالبا مروحه ذهب
يعنى قطعتين من السياره ثمنهم 14الف جنيه ربع ثمن العربيه ............هل يعقل محدش يقول رينو او فرنسا فيه بيجو وفيات وسيتروين محصلشى فيهم الارقام القياسيه دى انا بكلم على السيارات اللى فى حدود ال70 الف حاليا
ثانيا من مقايسات بعض الاعضاء فى حوادثهم لقييت فى تغيير كبير للاسعار دون مبرر اكتر من الربع فى قطع الغيار عن السعر المعلن طبعا غير مبرر زياده سعر الدولار على سبيل المثال وكل الارقام اللى هكتبها مؤكده من المنتدى انا بضيف ال12 فى الميه الضريبه عشان الناس ممتلخبطتشى
1شنطه خلفيه كانت فى الاعلان بعد الضريبه حوالى 1300 بقت 1720 اخر مقابسه
2رادياتير كانت فى الاعلان 1130 بعد الضريبه المقايسه 1660
3اكصدام خلفى كان 600 بالضريبه فى المقايسه 1500بس غالبا بالرش يهنى رش اكصدام بثمنه او يكون اكيد غلاه
الخلاصه ده نصب علنى ولازم الاعضاء القدامى الفضيين والماسسيين والذهبيين ملاك اللوجان يتفقوا على ميعاد يكون اكبر كمبه ممكن تيجى او استطلاع لانسب يوم نتجمع فيه امام فرع المقطم بدون اى مشاغبات مجرد اننا نفضح الاستغلال ده وطلبنا الوحيد نشر الاسعار كامله فى جريده الاهرام بعد تعديلها زى ما عملوا فى شهر 5 ومش هنخسر حتى لو طنشوا كفايه الفضيحه والشوشره وتوقف المبيعات ليها ده راى وانتم احرار وانا معاكوا............ شكرا

وأنا إن شاء الله معاكم .. لازم يكون فى وقفه أمام الإستغلال والجشع
زى ما المنتدى ده كان أفضل دعايه للعربية وكان السبب فى كتير إختارو اللوجان - أنا واحد منهم - برضه إن شاء الله هيكون المنتدى حائط صد ضد الطمع وإستغلال نجاح العربية فى مكاسب للتوكيل بصورة مبالغ فيها على حساب ملاك اللوجان.. اهم حاجة ننظم نفسنا ويكون تحركنا بصورة مؤثره والله المستعان .