الموضوع: صوت فى فتيس بومه 2007

الحمد لله ربنا وفقنى وجبت عربيه لانسر 2007 سوبر اكشن ماشيه 55000 كيلو بعد ما اختها رحت توكيل مصريه غيرت زيت فتيس اتوماتيك وزيت موتور وفلاتر هوا وبنزين وبوجيهات
سحب العربيه كويس جربتها على الصحراوى جابت 180 و rpm ما زدش عن 5000
المشكله من ساعه ما جبت العربيه وانا ماشي على d بسمع صوت تانى غير صوت الموتور زى صوت تروس بيظهر فى الاول ومع الوقت ولما العربيه تاخد سرعتها الصوت بيقل ومش بحس بيه فى السرعات العاليه
هل اتوماتيك بيظهر فيه صوت زى ده مع العلم انى اول مره اسوق اتوماتيك ولا رجلى تقيله شويه على البنزين والفتيس بياخد وقت على ما ياخد سرعته الصوت ده قلقنى جدا ومش عارف سببه ايه انا طول عمرى بسوق مانويال ومليش خبرة كبيره فى الاتوماتيك

العربيه ماشيه 55000 لونها اسود رشه اكصدام امامى بس اختها ب 85000 من السوق التاجر كان طالب فيها 88 بس كان معايا تجار صحابى يعرفوا التاجر خلصوهالى ب 85 فيها رخصه لاخر السنه رحت التوكيل اكتشفت ان العربيه معملتش صيانه الاربعين الف عملتها وغيرت بوجيهات وفلتر زيت وزيت ماتور وزيت فتيس وفلتر بنزين وشحن تكييف وصيانه 55000 وتغيير بليه عجل اماى شمال ب 2500 وركبت فيها انزار ووحدتين رفع وفصل محرك ب 500 يعنى تقريبا وقفت ب88000 اول ما طلعت من التوكيل سافرت بيها اسكندريه بعد 120 لقيتها بترجرج رحت رصصت والحمد لله الرجرجه راحت وبعدها ظبت زوايا فاضلى اجيب فرش وغطا للعربيه وانا راجع جربت اشد بيها وصلت ل 180 وقمه فى الثبات بس خفت ازود عن كده ومره واحده لقيت المطبات الى على الصحراوى دوست فرامل حسيت لثانيه ان الفرامل مش هتسعفنى بس الحمد لله لقيت لعربيه هدت لغايه 120 وبعدها الفرامل مسكت abs اشتغل ولعربيه لمت بدرى عن المطب هبقى ارفع صور العربيه وصورة 180 انا صورته للذكرى علشان مش هعملها تانى التوكيل قالى ان تيل الفرامل مش اصلى وعاوز يتغير بس علشان التكلفه قالى هو يمشيك شويه بس ما تكسلش عليه


انا عندى سؤال الفوانيس الاماميه والخلفيه عليها نواكل عاوز اشيلهم لو شلبتهم هتاثر فى الفانوس ومكان الدبل فيس هيبان ولا هتبوز شكل الفانوس بصراحه مش عاجبى منظر الفوانيس بالنواكل خصوصا الاماميه اشيهم ازاى ولو فيه لزق اشيله ازاى