الموضوع: اشتريت حاجات وعاوز اعرفكم بيها

المشاركة الأصلية كتبت بواسطة legend10

تصدق بالله انا نفسى اشتغل عشان انزل ابذر الف ولا اتنين مره واحده كده
الحياه حلوه وبذر يا عم لو معاك تبذير بذرلى انا من اليكس وعمرى ما دخلت سان استيفنو
اوعى تقول على كلام كده بس مش عارف ليه مش عايز اخشه والله وبينى وبينه تلت ساعه مشى تقريبا

ياباشا ان شاء الله حتشتغل وربنا حيكرمك وماتخفشى مش حقول عليك اى كلام كده ولا كده واحسن حاجه انك مادخلتش سان ستيفانو لانك لو دخلته مره حتتعود عليه بعد كده وتبقى مشكله جامده

المشاركة الأصلية كتبت بواسطة TheDieSeL

إسكندرية نورت :)

أحيانا بييجي للواحد مود الصرف الزيادة ده هههههههههه بس مش قوي كده ههههههه

يــا سيدي ألف مبروك :)

وعندي استفسار صغير .... بما إنك شكلك دايس في موضوع ماكينات الحلاقة ... انا باستخدم Gillette M3 POWER متوسط سعر الشفرة حوالي 20 جنيه وبتقعد معايا انا شهر و نص ...

التيتانيوم دي لو افترضت انها هتستخدم مرة كل يومين بشكل كثيف هل هتعيش أكثر و هتكلف أقل ؟؟ وهل الشفرات بتاعتها متوفرة ؟؟ أنا ماسبقش اني شوفت النوع ده قبل كده انا طوول عمري باعدي على صيدلية كبيرة او وانا في فتح الله (سوبر ماركت مشهور فالإسكندرية) بأجيبها بالخمسة او الثلاث شفرات يعني بتيجي سيرة الشراء كل 3-4 شهور .... و ما باشوفش الماركة دي خــالص الي انته شاريها ...

لو عند حضرتك معلومات أتمنى تضيفها

.....

وعلى فكرة الساعة نوعية محترمة جدا .. الله يباركلك فيها :) ... أنا الساعة الي بالبسها فالمناسبات CAT "Caterpillar" هيه نوعيه صلبة قوي و ثقيلة صناعة أمريكي و ضخمة :)) جايالي هدية .. بس ما بالبسهاش غير في المناسبات بس علشان دي شييييله لوحدها :)) باكتفي بالموبايل مالها الساعة الي فيه :)

الله يبارك فيك ياباشا بخصوص ماكنة الحلاقه انا مشوفتهاش غير فى كارفور وعلى كلام المندوب انها تقعد سنه مستريح بس الله اعلم وسعر الاربع شفرات 48 جنيه بس وماليه كارفور يعنى علبة الامواس على الاقل حتكفيك 3 سنين يعنى ارخص من الجيليت بس انا بصراحه ماشوفتهاش فى حته تانيه وعلى فكره انا طبيعتى ان بخاطر وبحب اجرب الجديد والغير منتشر لانى مقتنع ان احنا كشعب مصرى بنحب التقليد الاعمى ومش شرط المشهور يكون كويس هومجرد تقليد واستسهال وخلاص وبعدين ليه تدفع اكتر لما ممكن تدفع اقل فى حاجه بنفس الجوده ويمكن احسن والكلام ده حصل معايا لما اشتريت اللوجان من 6 شهور كان كله بيقولى ابعد عنها وخليك فى الموضمون (اللانوس والفيرنا )دية مش موجوده فى دمنهورخالص وعاوز اقولك انها عندى فى دمنهور دلوقتى بقت بعدد كبير جدا واضعاف اضعاف اول مااشتريتها حتى اللاب توب لما اشتريته جبت نوع fujitsu المانى ومتصنع فى المانيا وزى الفل معايا وكان بامكانيات اعلى وبسعراقل وبرده كل واحد يقولى ياما ديل او اتش بى فممكن اوى الماكنه دية تاخد الجو بعد كده بسبب سعرها المنافس وخلى بالك ان فيه منها العاديه بدون مكنه كهرباء سعرها 27 جنيه فقط بس انا قولت الماكنه الكهربا تنفع برده بدل مااشتريها لوحدها
وبالنسبه للساعه caterpillar دية ماركة معدات ثقيله مشهوره اوى زى اللوادر وكده واول مره اعرف انها بتعمل ساعات بنفس الاسم ولازم طبعا تبقى ثقيله جدا لنها بتاعت معدات ثقيله اصلا بس ياريت ترفعلى صوره ليها وانا عن نفسى بالبس الساعه فى كل مشوار وبعدين الواحد مش حيشترى الحاجه علشان يركنها وهى بتعمل منظراساسا مش علشان الوقت وخلاص

المشاركة الأصلية كتبت بواسطة moustafa_saad

الله يبارك فيك ياباشا هو 212 ده نوع برفان اصل اول مره اسمع عنه ممكن تقولى اسعارهم ايه

212 داعطر جميل جدا وكمان فى 212 سيكسى وهمى جدا وشيك دول كلهم تبع دار كارولينا هريرا وهى دار احترمها جدا فالعطور