سؤال محيرنى ومدايقنى!!!

**mana9wafaie** · 19-04-2008 09:11 PM

السلام عليكم ورحمة الله
اولا يا رجاله انا من مالكى فيات سيينا 2002 Hlx Plus
اللى هيجننى لية فيات بتنزل السيارات الكاملة ب 2 زجاج كهرباء بس
دى حاجة تدايق جداااااااا
يعنى العربية تبقى كاملة وكل حاجة تمام والزجاج الورانى يكون بالاكر اكيد حاجة تدايق
انا نفسى اعرف اية وجهة نظرهم فى انهم يعملو الموضوع دة لان انا كان عندى فيات 132 من ايام احمس :d وكانت بردوا الزجاج الامامى كهرباء فقط
واسف للاطاله
والسلام عليكم ورحمة الله

**hazem_khidr** · 21-04-2008 11:06 PM

هو انا برضه لاحظت الحكايه دي و مش عارف ليها حل
بس ممكن نقول ان الوكيل متعمد يجبها كده علشان يقلل التكلفه.
او ممكن يكون ما بتنزلش غير في الفئات العاليه زي البرافو و الكروما و كده
بس احنا بقي ماعدش عاجبنا بعد ما اليابانيين دلعونا و وفروا لينا الكماليات دي كلها في عربيات صغيره ههههههههههههه.:D
.....
في جزئيه كمان و دي ممكن تكون صحيحه
انهم مش لاقيين مكان يركبوا فيه زراير للزجاج الخلفي!!!!!!!!!
اه بجد ليه لاء
لو تلاحظ كل الفيات تلاقي زراير الزجاج في الكونسول مش في الباب
طب الكونسول بقي حيقضي ايه و لا ايه:o؟؟!!!!!!!!!!
.............
بالنسبه لل 132 ال 2000 ف دي كانت معجزه من معجزات التاريخ و عربيه من الزمن الجميل :)
دا كانت بتنزل اساسي بباور و جنوظ و زجاج كهربا سنه 1977 !!!!!!!!
كام شركه كانت زي فيات كده:p

**mana9wafaie** · 22-04-2008 03:37 AM

والله معاك حق ال132 دى عربية حكاية انا كنت بموت فيها والله وكانت بتشيل شيل مالوش حل بس الزمن بقى دى كان موتورها بيودع والمساعدين جابت اخرها ومشكلها كترت بس غير كدة العربية حكاية..
اما على موضوع الزجاج دة الواحد ابتدى يتعود بس بردو كتير بحس انو موضوع يدايق لان العربية يا تنزل ازازها كلو كهربا يا بلاش احسن والف شكر على ردك

**ayman_kamal** · 26-05-2008 01:06 PM

لا ياجماعة غالبية السيارلت الاوروبية بتكون كده (فيات - فولكس - سيات) بس انا مش عارف ليه الصراحة انا حتي بستغرب

**szrateb** · 26-05-2008 01:21 PM

بصراحة انا شايف ان كدة احسن لية بقى؟؟؟
عادة الأطفال بيكون مكانهم الكنبة الخلفية و لو لم تقم بغلق سنتر الزجاج سيقوم الأطفال بفتح الزجاج بكل سهولة ... ولو قمت باغلاقة سيقوم الأطفال بالضغط على المفتاح ويمكن يكسروه علشان الزجاج لا يفتح
بس لو الزجاج ليس كهرباء لن يتمكن الأطفال (وانا اقصد الأطفال قبل سن 3 سنوات) من فتحة :)

**mo3tazelgamal** · 26-05-2008 09:42 PM

المشاركة الأصلية كتبت بواسطة szrateb

بصراحة انا شايف ان كدة احسن لية بقى؟؟؟
عادة الأطفال بيكون مكانهم الكنبة الخلفية و لو لم تقم بغلق سنتر الزجاج سيقوم الأطفال بفتح الزجاج بكل سهولة ... ولو قمت باغلاقة سيقوم الأطفال بالضغط على المفتاح ويمكن يكسروه علشان الزجاج لا يفتح
بس لو الزجاج ليس كهرباء لن يتمكن الأطفال (وانا اقصد الأطفال قبل سن 3 سنوات) من فتحة :)

ياسيدى أطفال اليومين دول عندهم خبرات ممكنة توصل لخبراتنا إحنا
يعنى سهل أوى أن الطفل يلقط موضوع فتح الشباك يدويا أو بالكهرباء
وفى حاله اليدوى مش حتعرف تخليه يبطل , إنما فى الكهرباء ممكن
ولو الواحد نسى فى لحظه ,حيرفع الأزاز ويشغل اللوك إنما يدويا حتضطر أنك تقف على جنب وتقفل الأزاز وهو يرجع يفتحه تانى أنت أول ما تركب مكانك
لحد الواحد ما يزهق ويبطل ينزل من البيت أحسن

**SEATLOVER** · 26-05-2008 11:46 PM

يا جماعة معلش ممكن تكون الاسباب منطقية اكتر شوية
يعنى ازاى عشان الاطفال... ؟؟!!!
الزرار مفروض بينزل الزجاج لما ينضغط علية لتحت دجة التصميم الصح الافتراضى (يعنى مش ممكن يتكسر )
واللى بيقول الماركات التانية مفيهاش ...لا حضرتك الحالية فقط (لانها اقل فئات بتنزل مصر ) و الفئئات التانية اللى مابتنزلش بيبقى فيها من كل انواع الكماليات اللى خلقها ربنا

يعنى تقدر تقول ما بيعملوش الزجاج اللى ورا
عشان مش عارفين يعدوا ضفيرة الكهربا ورا ..أو تصميم الباب مش عايزين يغيروة
...او مش ناقصة سعر زيادة .. او الناس مش فارقة معاهم فى الموديلات دى الكماليات دى

حاجة كدة من دوول !

**CryptonX** · 27-05-2008 12:27 AM

التوكيـــــــــــل

سيارتي الحالية نفس الحكاية زجاج كهرباء امامي فقط و من غير كاسيت - 4 سماعات و ايريال

البوينتر نفس الحكاية - امامي فقط - من غير كاسيت - 4 سماعات و ايريال .

بينما في باليو ELX في البرازيل

4 زجاج كهرباء
مرايات كهرباء
تحكم في شدة الضوء و اتجاهه
تحكم في شدة ضوء التابلوه و اتجاهه
تحكم في الدركسيون فوق - تحت
تحكم كهربائ في الكرسي فوق تحت قدام وراء
كومبيوتر به 5 Profiles تدر تحط فيهم كل الي حاجات الي فوق و تعملها SAVE
6 ايبراجز ( 2 ستائر جانبية )
ABS+EBD
Console with Mp3 player
BlauBunkt Amplified Subwoofer

و كل ده في الباليو فقط ! الي هي اقل سيارة في فيات تكنولجيا و من ارخصهم ايضا .

بس طبعا لو نزلت هنا حتعدي ال 100 الف جنيه .

عندك البرافو و اللينيا الي هنا
فيهم زيادة علي كل الي فوق ده Fiat & Microsoft Bluetooth system called : Blue & ME
و ESP .

بس هي فكرة توفير اسعار

زي ما غبور بيعمل في هيونداي و يشيلك الكاسيت الاصلي الي في الكونسول و يحطلك مكانه بتاع JVC كدة.