-
صباح الخير و اخجلنم تواضعنا و انا تحت الامر و الطلب
الحقيقه دى مجرد معلومات عامة فقط لكن ما شاء الله معانا اسود فى المنتدى .
بالنسبه للاستفسار حضرتك :-
1 العربيه نوعها ايه و موديل السنه و ماشيه اد ايه ؟؟.
2 لحد ما ترد عليا اذا كانت ماشيه اكترمن 100000 كلم و دوره الفرامل سليمه ( يعنى اخذت هواء مضبوط / التيل سليم ) هنعمل حاجتين الاول :-
1 بص على الطبابير الاماميه اذا تخرطت قبل كده يبقى ضرورى تتغير للاسباب التاليه :-
لما بتدوس على دواسه الفرامل بيحصل تعظيم لقوه الدوسه عن طريف الهواء الساخن اللى بيجى من السيرفو والموتور و يدفع الزيت علشان يضغط على البساتم اللى فى الطنابير و بالتالى يخلى لقم التيل تمسك الطنبوره و العجله تقف.
و علشان كده لو كان اللى قبل حضرتط بيستخدم انواع تيل تحتوى على اسبوستس او نحاس او حتى خامات رديئه ده بياكل فى الطنبوره و يخلى سمكها يقل و طب النتيجه ايه ؟؟؟؟
نرجع للاول تدوس و البساتم تقفل على اللقم لكن الفرق اللى فى الطنبوه اللى اتاكل مع الوقت او اتخرط من ( 3 الى 6 ملم ) تقريبا البستم بيقفل فييهم لاخر المشوار بتاعه لكن مو ش حاكمهم و بالتالى بيحصل تهريب .
السبب الثانى :- الماستر العمومى لو اتغير بنوع موش اصلى او متغيرش لاكثر من 100000 كلم او الزيت ردئ هيحتاج يتغير بنوع اصلى .
الحل
نبص على الطبابير الاماميه و الماستر
اذا الطنابير مخروطه قبل كده يبقى حتما و لابد تتغير بجديده و فرصه تغسل الدائره كما سبق .
اذا الطنابير سليمه و الدوره و السيرفو مضبوط يبقى نكشف على الماستر و الجلد بتاعه
اسف طولت عليك بس انت اللى دوست على الزرار
دمت بود
-
انا لما قريت عن الفرق بين dot 3 & dot 4 عرفت ان الفرق في مدي احتمال كل زيت لدرجة الحرارة سواء اقل درجة حرارة واعلي درجة حرارة وعندها بيبدأ يفقد خواصه
معظم العربيات المصممة قبل 2000 بتستخدم 3 وبعد كدة 4
يجب مراجعة كتالوج السيارة
معظم الفرامل abs تستخدم 4 وبالرغم من كدة عربية اخويا abs ومكتوب في كتالوجها dot 3
انا عربييتي موديل 99 ومكتوب في كتالوجها dot 4 علي الرغم انها فرامل عادية مش abs
لذلك يجب مراجعة كتالوج السيارة
وبالنسبة للتزويد جلجل معاه كل الحق لا يجب خلط الزيوت
ومعظم الكتالوجات بتقول يجب تغير الزيت تماما علي الاكثر كل سنتين
والله المستعان
-
حضرتك عند حق
لازم نرجع لكتالوج السياره لان فيه كل المعلومات المفيده للصيانه
دمتم بود و ربنا يستر طريقنا و طريقكم
-
Content Relevant URLs by
vBSEO 3.6.0 PL2