المشاركة الأصلية كتبت بواسطة gelgel2004
السلام عليكم و صباح الخير
احب اوضح للزملاء بالمنتدى مايلى :-
1 - زيت الفرامل يقوم بعمليه تزييت للاجزاء الكاوتش داخل البساتم و ماستر الفرامل العمومى اولا و ثانيا و هو الاهم نقل القوه الناتجه من كبس بلونه السيرفو الى لقم الفرامل اللى على الطنابير بواسطه بساتم موجوده فى الطنبوره الاماميه و الخلفيه.
2 - و من هنا وجب ان يكون الزيت ذو لزوجه جيدا و خامة ممتازه لضمان استحمال الاستخدام الشاق و المتكرر ( شوف بتضرب فرامل كام مره فى اليوم مثلا )
3 - الزيت برضه بيتحط للبساتم بتاعه الدبرياج ( البيجو القديم - اللانوس و بعض السيارات الاخرى ) .
بكتالوج السياره بيبقى موصوف نوع الزيت المطلوب استخدامة و لحد التسعينيات كان معظم الزيت على درجة dot 3 , و فى معظم السيارات الحديثه حاليا التطوير شمل الزيت لحد ما بقى dot 4 اى نسبه لزوجه اعلى علشان كفائه التشغيل من جهة و علشان انظمه ال abs , ebd المزود بها معظم السيارات الحديثه اللى فى مصر بعد سنه 2000 م .
4 يتم تغيير زيت الفرامل حسب معظم الكتالوجات على 30000 الف كيلو للاستخدام الشاق او 40000 كلم للاستخدام العادى او 2 سنه ايهما اقرب .
و يتم ذلك عن طريق :-
1 نفك عند ميكانيكى بيفهم الخراطيم بتاعه نقل الزيت اللى فى كل ماستر عجل .
2 نفضى الزيت عن طريق الضغط على دواسه الفرامل ( لازم العربيه تكون دايره علشان السيرفو يشتغل ) .
3 نفك الخزنه ( موش الماستر ) و تتغسل كويس و تتجفف مع مراعاه الفلتر اللى جواها يتغسل بالراحه علشان ما يتخرمش .
4 نحط الزيت النظيف و نكارك من كل عجله علشان نغسل الدوره و نتطمن انه مافيش زيت قديم جوه المواسير ( لا يجب اطلاقا خلط الزيوت مهما كان السبب ) .
5 - بعد ما الزيت القديم ينزل و نتطمن ان الزيت الجديد ابتدى ينزل نقفل البستم بتاع كل عجله و نكارك علشان الهواء يخرج و مننساش العربيه دايره على السلانسيه.
نخلى معانا 1/4 زجاجه للتزويد و ضرورى نعزلها كويس فى علبه بلاستيك علشان متسربش و تلمس بويه العربيه .
6 نسجل فو دفتر الصيانه ميعاد التغيير الحالى و القادم باذن الله .
معلومه اخير ه يجب ان تغسل شاسيه قبل و بعد العمليه ( الاول نظافه و التانيه علشان الزيت ما يبقاس مسيل على الكاوتش ).
و ضرورى الموضوع ده يتم فى مكان نظيف مافيهوش تراب على قد ما تقدر و الموضوع ده بياخد فى المتوسط 2 لتر زيت فرامل و يفضل الانواع المعتمده و المعروفه لضمان الجوده .
دمت بود