الموضوع: تجربتى مع نيسان صنى 2006 خلال 100 الف كيلو

المشاركة الأصلية كتبت بواسطة gravedigger

السلام عليكم,
معايا صني موديل 2006 وعامله 100,000 كم -كل الصيانات في التوكيل - وتجربتي معاها كالاتي:
1- الموتور .... ممتاز.
2- الفتيس كويس مع الموتور بس مش نعام وساعات بتبقى فيه نتشه مع النقلات وقالولي في التوكيل ان ده عادي.
3- العفشه ... اداء العفشه جيد ولكنها محتاجه للتربيط كل شهرين او ثلاثه بالكتير اوي "في حالة التعامل برفق مع المطبات".
غيرت المقصات في ال 70,000 كم عشان الجلب باظت وعرفت بعد كده ان ممكن تغيير الجلب بس من غير المقص ولكن بره التوكيل ومش عارف مدى فاعلية الموضوع ده. التكلفه 1000 جنيه + الضرايب والمصنعيه.
غيرت الطنابير (امامي وخلفي) في ال95,000 كم والتكلفه 1900 جنيه + المصنعيه والضرايب.
غيرت بارات الدريكسيون في ال 110,000 كم والتكلفه 400 + المصنعيه والضرايب.
4- التكيف جيد جدا.
5- الديريكسيون تقيل شويه بس بيديك ثقه على السرعات العاليه.
6- الصالون ضيق للركاب في الخلف.
7- مساحة التخزين في الشنطه ممتازه.
8- اسعار قطع الغيار الدوريه (تيل فرامل, فلتر زيت ....) معقوله جدا.
9- الفوانيس والاكصدامات في منهم تجاري باسعار جيده جدا(مثلا: فانوس خلفي 200 جنيه بدلا من 700 جنيه للأصلي)
10- استهلاك البنزين فيالزحم مرتفع جدا, على الطق الطويله ممتاز.

لو عايز ركب لعربيه وتصاينها من غير تعب انصحك بالاتي:
1- الرفق في المطبات النقر عشان العفشه عمرها يطول متغيرش اجزائها كتير.
2- لو شيلت 250 جنيه تحت حساب الصيانه كل شهر (في حالة الاستهلاك العادي للسياره 20,000 الى 25,000 كم في السنه) هتقدر تعمل كل حاجه في التوكيل.
3- الاجزاء المعرضه للصدمات زي الافوانيس والاكصدمات مش لازم تجيبهم اصلي, التجاري اسعاره كيسه وخاماته نضيفه جدا, انا مركب فانوس تايواني بقاله سنتين متفرقوش من اخوه الاصلي اللي جنبه.

الله يبارك فيك