الموضوع: ....* تقييم لانسر 2008 ....*

الاخ سمسم مع احترامى الشديد لحضرتك انت قيمت العربية بناء على وجهة نظرك انت وتجربتك السريعة ليها وانت ليس من ملاكها ...عاوز اقول لحضرتك ان اللانسر الجديدة من اجمل السيارات اللى متواجدة فالسوق حاليا ومعاها الهوندا سيفك طبعا حضرتك كنت متحامل عليها جدا فكلامك وحسستنى انك كنت بتجرب عربية صينى مش يابانى مية فالمية ..موضوع الزنقة اللى حضرتك شعرت بيها فدة راجع لطول حضرتك اللى بسم الله ماشاء الله مختلف عن الطول العادى وايضا صاحب حضرتك قولت انة 184 سم بردو دة يعتبر طويل جدا بالنسبة لمتوسط الطول يعنى المشكلة هو فالطول بتاع حضرتك وبتاع صاحبك مش فالعربية ..ثانيا موضوع عفشتها ناشفة دة مش صحيح اكيد الكاوتش بتاعها كانت محتاج تظبيط وينزل ل28 عشان تحس بالفرق وتعرف اذا كانت ناشفة ولا ناعمة ..انا مش بقول انها ناعمة جدا ولكن ناعمة نسبيا..ثالثا الشكل من قدام فمنتهى الجمال ودة مش رائى الشخصى دة راى كل اللى شافها وفى ناس بتقول انها بتخطف قلبها اول ميشوفوها وبالنسبة من الخلف شنطتها شيك جدا والعربية كلها بتديك احساس بالانطلاق والشباب..رابعا التابلوة فمنتهى الجمال مع الاضاءة بيديك احساس بالهدوء والراحة البصرية فقلب عربيك واللون الاحمر عمرة مينيم ابدا ..خامسا بالنسبة للخامات انا معاك انها مش فخمة ولكن ليست سيئة بالمعنى المفهوم ولكن نقدر نقول عليها انها معقولة وليست رديئة..صوت ماتورها اللى حضرتك بتشتكى منة انة عالى فدة راجع ان الماتور ميفك وفى كتير مش فاهم يعنى اية ميفك وفاكرينة ماتور عادى زى باقى المواتير اللى فالعربيات التانية ولكن انا عاز اوضح نقطة هنا ان الميفك يختلف تماما عن اى ماتور تانى وهى تكنولوجيا جديدة بتدى قوة للماتور اعلى من قوتة الاساسية ودة بيخلى صوتة عالى شوية وصوت الماتور بيديك احساس بالقوة زى عربيات السباق بالظبط ولكن ليس عيب فيها .. سادسا ثبات العربية ودى اهم نقطة اهم اعلق عليها وهى ان كلام حضرتك مش صحيح ابدا ان لحد 150 ثابتة وبعد كدة بتخف ...انا مشيت بالعربية لحد 220 وماشاء الله محستش بهفوة رغم اننا كنا 2 فقط فالعربية وخوفت ازود ل240 من كتر مالعربية عاوزة تفترس الطريق ..ياريت بعد اذن حضرتك لما تحب تقيم عربية ياريت تكون مالكها عشان تقدر تحكم عليها كويس ومتحكمش عليها من مجرد تجربة سريعة ليها ..مع احترامى طبعا لكل الكلام اللى قولتة عنها وشكرا ليك

الاخ سمسم العزيز بشكرك جد على ردك وبجد انا بحترم تقيمك ورايك فالعربية جدا وانا مش بهاجمك ولا قصدى اضايقك ولا حاجة ابدا..كل الحكاية انى من ملاك العربية وليس من اللى جربوها ..حضرتك متقدرش تحكم على العربية من مرة سوقتها فيها مينفعش لازم حضرتك تسوقها اكتر من مرة عشان تقدر تنسجم معاها وتعرف كل كبيرة وصغيرة فيها وتشوف وتلمس كل حاجة بنفسك..حضرتك حكمت على العربية من دقايق جربت فيها العربية ومتزعلش منى مع احترامى لرايك دة مش كافى عشان تعرف العربية كويس وتقيمها لازم تاخد على العربية وهى كمان تاخد عليك عشان تقدر تديك كل اللى عندها ..يمكن متكنش عجباك كعربية اساسا ودة من حقك طبعا وانا مش بحاسبك علية ولا قصدى اهاجمهك لا سمح الله ..ابدا كل الحكاية انى لقيت حضرتك تحملت على العربية اوى كانها صينى مش يابانى ..انا متفق معاك فبعض النقاط وليس كلها ... حضرتك مستغرب انى جبت بالعربية 220 وحكمت عليها ان اخرها 205!!! دة مش صح وانا بتكلم لانى انا عارف عربيتى كويس وعارف قدراتها وامكانيتها كويس اكتر من اى حد لو عربية تانية اقولك اة ممكن انما الشارك لا واسال كل الناس اللى عندهم العربية وانت تعرف حتقولى مهى مع صاحبك حقولك اسف اكيد لسة ميعرفش امكانياتها كلها ..طبعا معاك حق تستغرب انى جبت بيها 220 عشان كدة قولتلك فبداية كلامى لازم تعرف العربية الاول وتاخد عليها وهى كمان تاخد عليك عشان تديك كل اللى عندها ..انما حضرتك سوقتها دقايق فمش ممكن تعرف تجيب بيها ال220 ابدا مهما عملت الموضوع مش دوسة بنزين وخلاص يلا اجرى ..اما بالنسبة لموضوع ان العربية 1500 فمحدش يعرف يجيب بيها 220 فدة مش صحيح ممكن فالبومة ممكن موديلات تانية انما فالشارك استحالة ياريت حضرتك تدخل وتشوف الناس اللى عندها العربية وشوف هما وصلو بيها لكام وانت تعرف اذا كنت تقدر تجيب بيها 240 كمان ولالا لان بردو حضرتك مش عارف الماتور الميفك اية قدراتة وامكانياتة وامتى اقدر اوصل للسرعة القصوى بى وامتى معرفش حتى اجيب ال140 ..حضرتك لو دخلت على النت وعملت بحث حتعرف اية هو الميفك وعلى فكرة انا عربيى سبورت كاملة يعنى لو عاوز اجيب ال240 حجبها وبمنتهى السهولة ..عشان كدة قولت لحضرتك لازم تكون من ملاك العربية مش اللى جربها دقايق ..انا مش عاوزك تزعل منى احنا فمناقشة حرة والخلاف فالراى لا يفسد للود قضية زى مبيقولو ..ولولا اختلاف الاذواق لبارت السلع .. انا بس عاوز من حضرتك تعرف الماتور الميفك صح وساعتها حتعرف اذا كان بيقدر يجيب ال220 ولالا وحضرتك بتقول انا جبت السرعة دى ازاى وفين فانا جبتها على طريق مصر اسكندرية الصحراوى وللعلم انا جبت من 0 ل100 ف11 ثانية اعتقد دة يقدر يعرفك اقدر اجيب بيها ال220 اللى مستغرب جدا انى جبتهم بيها وزى مقولتلك مش موضوع 1500 وال2000 سىسى تكنولوجيا الماتور هى اللى بتحدد قوتة وتقدر تعرف دة من كل المشاركين اللى عندهم الشارك اما بقى بالنسبة للطول انا مقولتش ان لازم لما تيجى تختار عربية لازم تناسب طولك كل عربية وليها مقاييس واكيد كل مالانسان مبقى طولة من 175 ل180 بيبقى مرتاح فالعربية اكتر من اللى طولة 190 وحضرتك متعتبرش طويل للغاية عشان تحس ان العربية ضايقة بس انا اعرف ناس كتير طويلة وركبو العربية ومشتكوش ابدا من القاعدة حضرتك حسيت بدة لانك مش مقتنع من الاول بالعربية ولا بسعرها فبالتالى مش حتعجبك اى حاجة فيها مهما حصل حتى لو اتقلبت بى ام قدامك بردو حتفضل مش مقتنع بيها.. اسف للاطالة وتحياتى ليك وشكرا على اهتمامك

الله يكرمك يا سمسم الشرف ليا انا والله وبجد انا سعيد جدا انى اتشرفت واتعرفت بيك ومتشكر جدا على ذوقك ولطفك وانا كسبت صديق عزيز واخ غالى وحصل خير ياباشا

الاخ احمد الكريم ياريت بلاش كلام مالوش لازمة وتتكلم عن السمع وسمعت من فلان ومن علان لما تشترى العربية وتركبها ابقى احكم عليها بدل متتكلم كلام معندكش اى دليل علية ولا حتى ركبت العربية ولو كنت ركبتها وجريت بيها كنت حتعرف هى بتوصل لكام وحتى لو كنت ركبتها بردو مش حتعرف تجيب بيها ال220 لان السرعة ليها اصول ياريت تدخل على اليو تيوب وتشوف التسارع بتاع لانسر ex 1500 بيوصل لكام وانت تشوف العداد وهو بيتقفل مش تقولى اخرة 195 بلاش تتكلم وخلاص وشكرا لمشاركتك

الى جميع الاعضاء الاعزاء وبالاخص الاخ احمد ابو سمارة دة فيديو بسيط حيورى حضرتك اذا كانت لانسر الجديدة بتجيب 220 ولالا وشكرا جزيلا لكل الاخوة اللى شاركو http://www.youtube.com/watch?v=5eqrs...eature=related