بص ياباشا .
العربية للامانة مع زوج أختى .
عربية بجد محترمة وتستاهل . عربية سباق .
مشكلتها بنزيـــــــــــــــــن جامد . أتوماتيك وكمان بتاكل بنزين جدا . لو مش فارق معاك تمن البنزين هاتها وانت مغمض هتحس انها احسن من الكورولا واللانسر . عربية بجد سباق وجرى وجامدة وبتجيب ال 170 مستريح وثابتة .
قطع الغيار فيه شباب ع الفيس بيحاولوا يشوفوا حل ليها .
صيانة طبعا بيقولوا على عز العرب مش قد كدة .
لو انت عاوز تحس بالتميز ومش فارق معاك بنزين او مصاريف صيانة وخلافه هاتها وانت مغمض . وهى من رأيى احسن من النيسان ومن الكورلا واللانسر ومحدش يزعل ياجماعة انا بقول وجهة نظرى وعلى فكرة الفئة السعرية واحدة انما احنا فى مصر بنرفع اسعار العربيات اللى ليها طلب . زى اللانسر والكورلا . مع انهم عادى خالص وفرق الفلوس يستاهل احطه ف جيبى والبروتون جامدة .
لو عاوز حاجة حلوة خاااااااااااالص وبتوفر بنزين جدا وتوكيل محترم وعربية معمولة لشوارع مصر المهببة خليك ف اللوجان ام 70 الف . وهتدعيلى انك وفرت 24 الف وانك بتوفر بنزين كتير ف المشاوير . عيب اللوجان ان مفيش منها اتوماتيك فى مصر .
لو انت من 90 ل 130 الف خليك ف البروتون .
لو من 65 ل 85 الف خليك ف اللوجان .
وده رأيى وانت حر فيه .
المفضلات