نصيحه لواحد هيشترى بيجو 305

**ahmedsy** · 07-05-2011 07:51 AM

سلامو عليكو
خلاص يا جماعه انا قررت بعد نزاع طويل مع النفس انى اشترى بيجو 305 وطبعا انا مش مستعجل يعنى قدامى كده لحد الاجازه اختار براحتى لحد ملاقى حاجه حلوه فأنا محتاج حاجتين
١- اى نصيحه بخصوص العربيه وانا بكشف عليها وايه هيا مشاكلها المعتاده
٢- انا من المنصوره و انشاء اللهكده مش ناوى الف فى انحاء مصر علشان اشترى العربيه فياريت اى حد يلاقى عربيه حلوه فى الدقهليه يقولى وياريت اللى معاه العربيه من المنصوره يقولى قطع غيارها فين فى الحسينيه وبيتعامل مع مين ميكانيكى
والف شكر يا جماعه

**aboomar22** · 07-05-2011 04:10 PM

بص ياباشا هى عربية واسعة ومريحة وبتجرى واكسسوارتها رخيصة ومعظم قطع غيارها مش غالية بس لما تيجى تشترى اهم حاجة يكون الموتور حالته كويسة وكذلك العفشة والكبالن تكون كويسين لان هما دول اللى اسعارهم غالية واهم نصيحة تشترى قطع الغيار الاصلى لو ملقتش هات استيراد متجبش حاجة صينى وبعدين دا المنصورة ملوك البيجو يعنى هتلاقى كل حاجة عندك

**ahmedsy** · 07-05-2011 07:11 PM

[QUOTE=aboomar22;3873476584]بص ياباشا هى عربية واسعة ومريحة وبتجرى واكسسوارتها رخيصة ومعظم قطع غيارها مش غالية بس لما تيجى تشترى اهم حاجة يكون الموتور حالته كويسة وكذلك العفشة والكبالن تكون كويسين لان هما دول اللى اسعارهم غالية واهم نصيحة تشترى قطع الغيار الاصلى لو ملقتش هات استيراد متجبش حاجة صينى وبعدين دا المنصورة ملوك البيجو يعنى هتلاقى كل حاجة عندك[/QUOT

الف شكر يا ابو عمر انت كده طمنتنى
ياريت بقى لو حد من المنصوره يقولى على اماكن قطع الغيار و لو حد قدامه عربيه كويسه يقولى و يا حبذا تكون طياره

**MEDO84EG** · 08-05-2011 03:39 PM

بعد مرد عليك ابو عمر بنفسه مفيش كلام تاني يتقال
بس احب اقولك انها عربيه بجد حلوة
و زي اي بيجو تصرف عليها تاخد منها شغل صح
بس احب اضيف علي كلام ابو عمر اهتم بالاساسيات و بالدواخل
و كل حاجه و بسعرها
بس اهم حاجه قالهالك ابو عمر انك تصرف عليها و متستخسرش
هتشتري دماغك و الله
و الف تحيه للاخ الكريم ابو عمر
ربنا يباركله في عمر

**ahmedsy** · 08-05-2011 08:06 PM

المشاركة الأصلية كتبت بواسطة medo84eg

بعد مرد عليك ابو عمر بنفسه مفيش كلام تاني يتقال
بس احب اقولك انها عربيه بجد حلوة
و زي اي بيجو تصرف عليها تاخد منها شغل صح
بس احب اضيف علي كلام ابو عمر اهتم بالاساسيات و بالدواخل
و كل حاجه و بسعرها
بس اهم حاجه قالهالك ابو عمر انك تصرف عليها و متستخسرش
هتشتري دماغك و الله
و الف تحيه للاخ الكريم ابو عمر
ربنا يباركله في عمر

الف شكر يا اخ ميدو ليك وربنا يسهل و الاقى عربيه كويسه

**ahmedsy** · 09-05-2011 09:02 AM

سؤال يا جماعه ضرورى انا دلوقتى قدامى عربيه بس لسه معاينتهاش صاحبها بيقول موديل 79 بس معدله ل 89 طياره و مركب ماتور وعفشة 405 على 17.000 السؤال بقى مش موديل 79 ده يعنى حوض صغير مش ياخد ماتور ال 405 ؟ ولا ايه ؟

**aboomar22** · 09-05-2011 11:07 PM

ايوه 79 حوضها ضيق ميركبش فيها موتور 405 ومعدلها ازاى طيارة التعديل بيكون فى الطابلوه لطابلوه طيارة وممكن بيغير دشمة العجل من 3 خرم الى 4 خرم علشان يركب جنوط اسبور والشبكة الامامية بالفوانيس بس كده خلى بالك ليكون عامل حادثة جامدة ومركب نصف امامى طيارة ولا ايه انا مش عارف وبعدين لو هتدفع 17 فى 305 زود الف وهات ريجاتا

**MEDO84EG** · 10-05-2011 08:27 PM

بص يا سيدي
بانسبه للحوضمينفعش تركب موتور 405 الا لو عدل في الحوض
ادي حاجه
او انه ممكن يكون عمل زي ما ابو عمر اللعيب قال
بس انت كلمه و قله هيا فابريكه دواخل ؟؟
و كمان شكلها متعدل فيها كتير فبلاش منها
و سعرها زياده سنه
و مع احترامي لاستاذنا ابو عمر لكن الريجاتا فين و ال305 فين
ال 305 تكسب 2 مليون مره و بالدليل لو عاوز

**ahmedsy** · 11-05-2011 01:40 AM

الاخ ميدو و الاخ ابو عمر شكرا جدا للاهتمام والرد ان شاء الله المعاينه يوم الخميس و طبعا 17.000 ده السعر المبدئى يعنى ربنا يسهل واشوف اخره لو مناسب
معلش بقى ليا سؤال تانى هو ماتور 405 ده مش حراقه بنزين ولا ماتور لذيذ كده و مقتصد؟

**aboomar22** · 11-05-2011 03:34 PM

اللى معاه 405 يعرف اكتر بس اظن هيكون كويس ويمكن اقل استهلاك من 305 كمن علشان احدث بس خد معاك سمكرى يبص عليها وربنا يوفقك ومتستعجلش شوف كام عربية واهم هاجة الحالة تكون كويسة علشان متقرفكش