للفاهمين فقط مناقشة جادة عن المساعدين

بسم الله الرحمن الرحيم !!

السلام عليكم ورحمة الله وبركاته !!!

وانا سايق انهاردة طلعت في دماغي فكرة قولت اسئلكم عنها !!!!
كلنا عارفين مبدأ وفكرة المساعد وانه الزيت الداخلي بيعمل على انه ينضغط ويمتص الصدمات الآتية للعجلة !!
طيب جميل !!
واكيد عارفين انه فرضية انه الماء غير قابل للإنضغاط !! شئ اجمل واجمل !!!

طيب السؤال التالي بقى !!!!
كلنا عارفين انه المساعد مصمم انه يحتمل احمال ديناميكية مش احمال استاتيكية !!
بمعنى انه مصمم ليقاوم احمال فجائية مش احمال تزايدية !!
طيب العمر الإفتراضي للمساعد بيقاس بكام مرة انضغط بمعنى انه يقولك المساعد ده عمره 50 الف انضغاطة !!
ولا عمره الإفتراضي طويل ولكن بيتأثر بالأحمال الديناميكية القوية الفجائية !!
بمعنى آخر
لو المساعد ده مصمم انه يستحمل قوة صدمة ما بين 400 - 500 كيلو فجائية !!
مع العلم انه لا يمكن بأي حال من الأحوال قياس الأحمال الديناميكية !!! زي الصدمة مش ممكن اعرف هيا اتكسرت عند كام ولكن اعرف ما بين فين وفين !! يعني انا عرضتها لقوة 500 كيلو !!
ممكن تكون اتكسرت عند 499 وممكن تكون اتكسرت عند 100 !!!!!
المساعد بيبقى مكتوب عليه تحمله لصدمة كام ؟ ولا عمره بيتقاس ازاي !!!
+
انا عارف انه اللي يبوظ المساعد انه ياخد صدمة قوية تخليه يضغط الزيت اللي موجود في البيستم الداخلي بطريقة ترشحه !!!
طيب ماهي فكرة مزيج من السوائل ممكن تخردني من المأزق ده !!!!!!!!!!!
وده فكرة المياه اللي انا عرضتها في الأول !!!
ممكن حد يتناقش معايا في الفكرة دي عشان ها تجنني !!!!!

لزوجه الزيت اعلى من لزوجه الميه
غير كدا الميه تصدي المساعد و تضعفه لو فيها نسبه املاح حتى ولو صغيره جدا جدا

اقتباس:

---

المشاركة الأصلية كتبت بواسطة saadelden

لزوجه الزيت اعلى من لزوجه الميه
غير كدا الميه تصدي المساعد و تضعفه لو فيها نسبه املاح حتى ولو صغيره جدا جدا

---

بالاضافه لقابلية الماء للتبخر
:O_stupid[1]:

هي الفكره مفرقتش زيت ولا مياه
طيب ما في مساعد غاز
وفي غاز وزيت
الفكره كلها ان من الضغط عليه
الفتحات بتوسع اكتر ودي اللي بتخرج الزيت لبره
المساعد شبيه قوي بفكره الحقنه
انت لو معاك سرنجه (من غير سن طبعا)
ومليت نصها مياه وقفلتها من قدام وضغط عليها من ورا
مش هتنزل معاك وتطلع تاني
عي دي فكره المساعد
فا المشكله مع الصدمات العاليه الفتحات اللي حاجزه الزيت دي بتوسع وتخليه يسرب زيت لبره
وسنه مع سنه لحد الزيت ما يفضي من المساعد ويبقي خفيف
او الفتحات تتسد ويبقي محجر

أولآ فكرة المياه فاشلة متنفعش لأنك زي ماقولت غير قابلة للإنضغاط
بس هي قابلة للإنضغاط فعلآ بس بنسبة صغيرة جدآآآآآآ يمكن إهمالها فمالهاش لازمة فكرة الميه
المهم إنتا عاوز حاجة تستحمل ضغط مفاجيء مش كده؟؟؟ ضغط لحد 500 كيلو
يبقي إنتا هتجيب سائلين أو سائل وغاز بس تكون فرق الكثافة بينهم متقارب واللزوجة بردو
علشان يبقي Intermolecular Forcesبين الجزيئات نفسها متقاربة وياريت لو تكون المسافات البينية بين الجزيئات كبيرة
مع مراعاة إن السائلين أو السائل والغاز لازم يكونوا نسبة تأثرهم بالحرارة قليلة جدآآ علي قد ما تقدر علشان فالصيف مع السرعة ودرجة الحرارة المساعد ماينفجرش وف نفس الوقت ال Immiscible بينهم تكون نسبة قليلة بس مش قوي
علشان الInteraction بين السائلين
وبردو يكون الInteraction بين السائلين Physically Not Chemically
ولازم تكون الكثافة بتاعت الإتنين بردو مش بتتأثر بالحرارة
بس كده D:
هات الحاجتين دوول وتعالي نتكلم

طيب ليه مقدرش ادخل نوع من انواع المكبس الهيدروليكي في المساعد بالطريقة دي ها احافظ على عمروا يمكن قد يصل الى عمر العربية !!!!!!
مكبس زي اللي موجود في اللودر !!!
لو المساعد اتعرض لكبسة عالية جدا تبقى نوع زي من انواع الفيوز في الكهرباء بيعمل فاكيوم للضغط وبيوصله للستيل بار الداخلي !!
ولا انا بخرف ؟
انا اقصد زي فكرة سيرفو الفرامل ما بيزوع الضغط ايه المانع انه يبقى فيه سيرفوا يوزه الضغوط في المساعدين بحيث انه لو مساعد انضغط بقوة وبشكل مفاجئ يعمل فملية فاكيوم للزيت بشكل ريدكشن سريع يخفف من وطأة الضغط ؟؟؟؟؟

انتا قصدك مكبس مزدوج؟؟
يعني ف حالة لو إتكسر الأولاني التاني إللي وراه يشتغل ولا إيييه؟؟؟

لا بص يا مصطفى !!!
عارف فيوز الكهرباء اللي في البيت ؟
انا عايز اعمل نفس فكرته في المساعد !!! عند الحاجة يزود ضغط الزيت في المساعد او يقللوا !!!
وممكن نطوره بطريقة يعمل بالانسينج للعربية كلها زي فكرة نظام الهايدروليك اللي الأمريكان بيعملوها في العربيات الكلاسيك !!

بص بي إم دبليو عاملة حاجة زي كده
المساعد فيه نظامين نظام Comfortable ونظام سبورت
النظام الComfortable المساعد فيه عادي زي عندنا زيت علي غاز
هما بقا حاطين مع الزيت ده حتت حديد زي كوور مثلآ ومغناطيس في أي أطراف المساعد
في حالة الأسبورت بيشتغل المغناطيس ويجذب الحديد ده لجانب معين
وبكده يقل الفوليم للغاز والزيت ويبقي المساعد أكتر صلابة وقساوة
قووللي بقي لو فهمت حاجة من ده
وممكن تستفاد من الكلام ده حاجة؟؟

انا مستمتع بالمناقشه و المعلومات
ارجو الاستمرار

اقتباس:

---

المشاركة الأصلية كتبت بواسطة mohamed_mohsen

انا مستمتع بالمناقشه و المعلومات
ارجو الاستمرار

---

ههههههههه ربنا يستر ومنفجرش حاجة ف آآخر الكلام
طب ماتنزل حضرتك شارك معانا بأي إفتكاسة
أنا لحد دلوقتي بفتكس علي قد ما أعرف :grin54:

بص يا مصطفى انا ها اقولك على وجهة النظر اللي في دماغي انا مثلا واقف والعربية مستوية على سطح الأرض !!! ايه المانع من تركيب سيرفوا على المساعدين اني مثلا عايز ارفع العربية من قدام نفس الفكرة دي موجودة في الإنفينيتي !!!
انا بقى اقصد انه السيرفوا ده معروف عالميا بالهايدروليك سيستم ليه ميكونش عندي عنفس الفكرة دي ولكن لتعويض الصدمات الفجائية القادمة على المساعد !!!! ده اللي انا اقصده !! المساعد ماشي بالعربية لبست في مطب يعمل فاكيوم بنفس مبدأ الإير باج بخفف من وطاة الصدمة وانتا عارف انه الكبس بالفرامل قبل المطب بيوطي وش العربية وبيخليك تلبس المطب اسوا فأنا عايز فكرة اني لما اكبس فرامل المساعدين مثلا بالسيرفوا يضخلهم زيت بسرعة يتحكم في عدم انخفاضها بقوة من الأمام نفس الفكرة في السرعة يخفض العربية كل دي افكار للسيرفو ده !!

يعني أنت قصدك ان لما المساعد ياخد صدمة الزيت يتكبس لحد مايخلص مشواره وبعد كده يتصرف في بيستون تاني!؟
طب ما أنت كده يبقي لغيت فكرة المساعد الي هي امتصاص الصدمة

اقتباس:

---

المشاركة الأصلية كتبت بواسطة sayed911

بص يا مصطفى انا ها اقولك على وجهة النظر اللي في دماغي انا مثلا واقف والعربية مستوية على سطح الأرض !!! ايه المانع من تركيب سيرفوا على المساعدين اني مثلا عايز ارفع العربية من قدام نفس الفكرة دي موجودة في الإنفينيتي !!!
انا بقى اقصد انه السيرفوا ده معروف عالميا بالهايدروليك سيستم ليه ميكونش عندي عنفس الفكرة دي ولكن لتعويض الصدمات الفجائية القادمة على المساعد !!!! ده اللي انا اقصده !! المساعد ماشي بالعربية لبست في مطب يعمل فاكيوم بنفس مبدأ الإير باج بخفف من وطاة الصدمة وانتا عارف انه الكبس بالفرامل قبل المطب بيوطي وش العربية وبيخليك تلبس المطب اسوا فأنا عايز فكرة اني لما اكبس فرامل المساعدين مثلا بالسيرفوا يضخلهم زيت بسرعة يتحكم في عدم انخفاضها بقوة من الأمام نفس الفكرة في السرعة يخفض العربية كل دي افكار للسيرفو ده !!

---

يعني إيه سيرفو ده الأول؟؟ لأني مش دارس حاجات العربيات صراحة أو ممكن أكون عارفها بس بإسم تاني :grin54:

فاكيوم معناها Pressureقصدك؟؟ ولا إييه؟؟

هوة ده اللي انا اقصده انه المساعد يتكبس ويتلقى الصدمة لحد ما يصل للديد لاين الي ممكن تبوظ المساعد يقوم يصرف ويفتح بوابة السيرفو ويصرف الزيت الزيادة عشان ميحصلش فيلير

اقتباس:

---

المشاركة الأصلية كتبت بواسطة xander2010_evo

ههههههههه ربنا يستر ومنفجرش حاجة ف آآخر الكلام
طب ماتنزل حضرتك شارك معانا بأي إفتكاسة
أنا لحد دلوقتي بفتكس علي قد ما أعرف :grin54:

---

ههههههههه
انا معلوماتي عن الكلام ده علي قدي
فمش عايز افتي

اقتباس:

---

المشاركة الأصلية كتبت بواسطة sayed911

هوة ده اللي انا اقصده انه المساعد يتكبس ويتلقى الصدمة لحد ما يصل للديد لاين الي ممكن تبوظ المساعد يقوم يصرف ويفتح بوابة السيرفو ويصرف الزيت الزيادة عشان ميحصلش فيلير

---

كده المساعد مالوش لازمة يعني صدمة كلها هتروح في العربية.

يبقى هات مساعدين مرسيدس احسن

العربيات دي فيها كل حاجه
يكفي انك بتمشي بيها ف اي حته و مابتحسش ان الشارع فيه نقر ولا مطبات ... كله حته واحده :d

اقتباس:

---

المشاركة الأصلية كتبت بواسطة NFS

كده المساعد مالوش لازمة يعني صدمة كلها هتروح في العربية.

---

ازاي يا فندم انا مقصدش اني ها اشيله هوا هوا في نفس المكان ولكن ها اعمله فكرة انه مفيش حاجة اسمها مساعد باظ من كبسة ديناميكية عدت بيه لخط الاعودة !! هية دي فكرتي :D :D
تفتكر السيرفو ده ممكن تكون فيه مضخة كافية للتحكم في ارتفاعات العربية وزوايا ميلها ؟؟؟



saadelden
هههههههههه قشطة نشوفلنا 8 بقى 4 ليك و 4 ليا :D :D
بس ياريت تكون بتاعت S عشان انا عربيتي تقيلة حبتين :D :D

طب لما الزيت كله يهرب من البيستون ايه الى هيعمل عمليه damping للسوسته.

اقتباس:

---

المشاركة الأصلية كتبت بواسطة sayed911

هوة ده اللي انا اقصده انه المساعد يتكبس ويتلقى الصدمة لحد ما يصل للديد لاين الي ممكن تبوظ المساعد يقوم يصرف ويفتح بوابة السيرفو ويصرف الزيت الزيادة عشان ميحصلش فيلير

---

لا كدة المساعد هيبقى فعلا مالوش لزمة
يعنى اول ما الضغط هيزيد انت هتهربه تمام ؟
اول ما الضغط يهرب
يبقى الصدمة تغلبت على مقاومة الزيت وبكدة هتتنقل للمساعد والمساعد هيخبط في بعضه والصدمة تتنقل لجسم العربية ، يبقى عملنا ايه ؟
تخيلها كأن المساعد ضرب اثناء الصدمة هتروح الصدمة متغلبة على مقاومة الزيت والمساعد ينقل الصدمة للعربية كلها

لازم تحافظ على مقاومة الزيت وما تهربش الضغط والا يبقى كأن المساعد مالوش لزمة ، اه هتخفف عنه الضغط بس الصدمة لازم هتلاقيلها تصريفة وتروح للعربية
يبقى اركب مساعد منظر عشان احافظ عليه وابوظ العربية ؟

سيد إنتا تقريبآ قصدك إنقاذ ما يمكن إنقاذه
بإنك تخرج من المطب بأقل ضرر
الفكرة إنك عاوز حاجة تسحب الزيت الزيادة عند ال Over Compression بحيث تحمي المساعد من إنه يهرب الزيت ويبوظ
وبعد الصدمة يرجع الزيت تاني....مش كده قصدك؟؟
بس العربية هتأخد صدمة كبيرة فعلآ عن الطبيعي بس أرحم طبعآ من الصدمة المباشرة ف حالة المساعد العادي
بس لو هتبص للتكلفة هتلاقي إنك تجيب مساعد أرخص من إن العشفة كلها تبوظ
وبردو الشركة المصنعة للعربية أكيد أخدو بالهم أساسآ من العملية دي
لأنها عاوزة تكسب ولانها عاوزة تظهر عربيتها بالمتانة وقوة التحمل
أستني كده فيه فيديو شوفتو ع اليوتيوب زمااااان كان بيتكلم عن مساعد إفتكاسة كده معمول مخصوص للمطبات المفاجأة كده
هحاول أدوور عليه وأجيبهولك

لحد دلوقتي ملقتش الفيديو
بس لقيت حاجة حلوة D:
YouTube - Shock Absorber Senior Design

إحنا عاوزين حاجة زي كده ف مصر وبس ياريس إنسي المساعدين تمامآ
YouTube - Bilstein Shock Absorbers

اقتباس:

---

بإنك تخرج من المطب بأقل ضرر
الفكرة إنك عاوز حاجة تسحب الزيت الزيادة عند ال over compression بحيث تحمي المساعد من إنه يهرب الزيت ويبوظ
وبعد الصدمة يرجع الزيت تاني....مش كده قصدك؟؟

---

مصطفى انتا جبت من الأخر اللي بقالي 3 ايام مش عارف اوصلوا :d :d :d
بلاش حتى يكون لتعارض الصدمات يبقى لتزويع الأحمال بدال ما بنشوف العربية مرمية في حتة معينة عشان السواق واللي وراه تقال نبقى عاملين اوفر لاب تيرنينج للمساعدين بالجهاز ده ونوزع الأحمال بطريقة صحيح تخلي العربية متوازية مع سطح الأرض تماما ..

اقتباس:

---

المشاركة الأصلية كتبت بواسطة sayed911

مصطفى انتا جبت من الأخر اللي بقالي 3 ايام مش عارف اوصلوا :d :d :d
بلاش حتى يكون لتعارض الصدمات يبقى لتزويع الأحمال بدال ما بنشوف العربية مرمية في حتة معينة عشان السواق واللي وراه تقال نبقى عاملين اوفر لاب تيرنينج للمساعدين بالجهاز ده ونوزع الأحمال بطريقة صحيح تخلي العربية متوازية مع سطح الأرض تماما ..

---

:Copy of majd(4): علي فكرة الناس بتتوه منك بسبب الكلام ده:grin54:

سيناريو:1:
إنتا ف دوران أو منحني العربية بتميل ف جنب
إنتا بقي عاوز تخليها متوازنة؟؟ كل الجوانب نفس الإرتفاع مش كده؟؟
ولا
سيناريو :2:
ولاد أبو أسماعيل راكبين ورا وعاملين حمل ع المساعد الوراني بس وعاوز توازن العربية؟؟

ولا
سيناريو :3:
إنتا خرجت بالكلمتين إللي فاتوا دوول عن هدف المساعد أصلآ بإنك تزود الStabilityعلي حساب راحة الركاب
فإنتا بكده خليتها عربية سبور ناشفة:untitled 1: وخرجت خااااااالص عن فكرة الOverload
لأنك لو ولاد أبو إسماعيل ركبين ورا وإنتا أخدت مطب جامد
المساعد كده عليه إتنين Overloadفي إتجاهين متضادين
يبقي ليه حق المساعد يفرقع أحسن

والله يا مصطفى انا الناس بتشتمني دائما بسبب طريقة تفكيري دي :d :d :d
السيناريو اللي انا عاوزه هوة السيناريو المفروض من جنابك الأول بتاع الـ اوفر لود ..
+ السيناريو التاني .. اللي انا عايزه اللي يبقى المساعدين ليها نوع من انواع البالانس لما مثلا نركب السواق وزنه 100 كيلو ووراه واحد 90 كيلو يبقى 190 كيلو في جنب واحد !!! والجنب التاني من العربية ها تلاقيه العربية مايلة وهية ماشية !! نوع من انواع البالانس هوة ده اللي انا بدور عليه :d :d
اصل الفكرة دي انا شفتها في الإنفينيتي وعجبتني اني من حقي كسواق اعلي العربية من الكمبيوتر بتا العربية واواطيها زي نظام هيدروليك كامل متكامل ..

اقتباس:

---

المشاركة الأصلية كتبت بواسطة sayed911

والله يا مصطفى انا الناس بتشتمني دائما بسبب طريقة تفكيري دي :d :d :d
السيناريو اللي انا عاوزه هوة السيناريو المفروض من جنابك الأول بتاع الـ اوفر لود ..
+ السيناريو التاني .. اللي انا عايزه اللي يبقى المساعدين ليها نوع من انواع البالانس لما مثلا نركب السواق وزنه 100 كيلو ووراه واحد 90 كيلو يبقى 190 كيلو في جنب واحد !!! والجنب التاني من العربية ها تلاقيه العربية مايلة وهية ماشية !! نوع من انواع البالانس هوة ده اللي انا بدور عليه :d :d
اصل الفكرة دي انا شفتها في الإنفينيتي وعجبتني اني من حقي كسواق اعلي العربية من الكمبيوتر بتا العربية واواطيها زي نظام هيدروليك كامل متكامل ..

---

أحب أقولك مش إنتا لوحدك إللي بتتشتم

حل السناريو واحد فيديو شفته زمان ع اليوتيوب واحد عمل حاجة زي كده
من غير ما ترفع ولا توطي حاجة هوا المساعد بيتعامل من نفسو :))
أما بقي حكاية اليسناريو التاني فدي عاوزة ببساطة نظام هيدروليك متوصل بكمبيوتر سريع
يقدر يحسب فرق الوزن كام ومقدار الزيت إللي يسحبه أو يضخه من المساعد بس ف أجزاء من الثانية
بس ده إفتكاسة من مخي :grin54:

بس فالأنفينيتي والكلام ده بيرفع الأربع جوانب أظن مش كده وبنفس الإرتفاع؟؟

طيب ما تركب صادادات و تريح نفسك بدل كل دة الصدادات مش هتخلى المساعد يوصل للديد لاين و خلاص

طيب وفكرة الصداد ده مهو لما المساعد يوصل قبل الديد لاين ها اخد الصدمة كلها ولكن انا بفكر اني اعمل المساعد ممكن يوصل لمرحلة الفاكيوم كمان بيسحب الضغط بالنيجاتيف !!

اقتباس:

---

المشاركة الأصلية كتبت بواسطة sayed911

طيب وفكرة الصداد ده مهو لما المساعد يوصل قبل الديد لاين ها اخد الصدمة كلها ولكن انا بفكر اني اعمل المساعد ممكن يوصل لمرحلة الفاكيوم كمان بيسحب الضغط بالنيجاتيف !!

---

فيه فكرة تانية حلمت بيها وشكلها إفتكاسة
:grin54:
كسبولة الضغط :))
يعني المساعد يتوصل ف نهايته من الجانب خارجيآ زي أنبوبة مثلآ والفاصل بين المساعد والأنبوبة دي كبسولة
تستحمل لحد الضغط إللي إنتا بتقول عليه ده وبعدها تنفجر وتسمح للزيت الزيادة إنه يتنقل للأنبوبة ذات الحجم المعين ده
وأتحداك تكون فهمت قصدي أساسآ :))

ايه ر أيك اني فهمت بقى يا مصطفى :d :d
وممكن الكبسولة دي تطرد الزيت للخارج وتبقى حافظت على المساعد يا معلم :d

اقتباس:

---

المشاركة الأصلية كتبت بواسطة sayed911

ايه ر أيك اني فهمت بقى يا مصطفى :d :d
وممكن الكبسولة دي تطرد الزيت للخارج وتبقى حافظت على المساعد يا معلم :d

---

:grin54: طب كويس
واحد فهم كلامي أهوه
وتبقي بقي ياريس الكبسولة دي بتتغير مثلآ كل لما يحصل الكلام ده
أو ممكن بعد الكبسولة والفوليم المعين يتوصل بكمبروسور معين يرجع الزيت تاني للمساعد بعد العملية دي كلها
هههههههههههههههه:oops1: صباح الإفتكاسات

انا شفت كل الكلام الى انتو بتقولو عليه فى اى عربية بنظام full ESP
اى عربية معدية 600.0000 وبنظام ال ESP المساعد بيوزع الاحمال وكل الأفتكاسات دى وتقريبا شوفتها فى عربية جاجور على توب جير وقعد يقول العربية دى بتحسب فرق الأوزان 15 مرة فى الثانية علشان تعرف تظبط الفرامل والعربية ما تحدفش منك فى الملفات وكمان فى ان تتحكم بارتفاع العربية توماتيكى توماتيكى والاربع مساعدين متوصلين بالكمبيوتر بحيث يمتصواالصدمة مع بعض حتى لو لبست المطب بالعجلتين القدام الاور بردوا بيتاثرو ويمتصوا جزء من الصدمة علشان مفيش حاجة توصل للكابينة

انا فكرت فى افتكاسة تانية ان احنا نعمل المساعد ببستمين او نركب 2 مساعدين فى الفردة الواحدة وبدل كدا ماتشيل صدمة ب500 كيلو تشيل طن بس الفكرة ازاى اخلى الاتنين يوزعو حمل الصدمة مع بعض بالتساوى ؟؟؟!

يا جماعه وجه نظري المتواضعه إنكو بتتكلمو في موضوعين مختلفين

الموضوع الأولاني خالص إن المساعد يستحمل وميبوظش الموضوع مالوش دخل بنوع السائل أو الغاز اللي جوه المساعد في رأيي المتواضع لأن المشكله مش في إن الماده نفسها بتبوظ أو مش بتستحمل، المشكله إن الأويل سيل اللي بيحافظ على الزيت جوه المساعد هو اللي بيضرب وبكده الماده اللي جوه المساعد بتتسرب وبتقل وده اللي بيسبب قله الكفائه ثم إنعدامها مع الوقت...

أما بقى بالنسبه للموضوع التاني اللي هو تزبيط الإرتفاعات حسب الأحمال بحيث إن العربيه متكونش مايله من ناحيه واحده في حاله الحمل عليها فدي موجوده فعلا في العربيات الغاليه، وهي عباره عن مساعد فقط منغير سوسته والمساعد ده عباره عن إسطوانه متوصله بخرطوم جاي من أكتواتور بيوزع على الأربع إسطوانات متوصل بكمبرسور هواء وفي حساس عند كل إسطوانه بيقيس إرتفاعها وطبعا في كمبيوتر بيقارن الكلام ده ببعضه ولو أي إسطوانه من الأربعه إحتاجت ضغط زياده الكمبرسور والأكتواتور بيقومو بالواجب.