إيه اللي فالصورة ده يا رجالة ؟؟ حساس ده ولا إيه ؟ (405)

**Omar_H** · 08-05-2011 12:21 AM

السلام عليكم يا رجالة
أنا عربيتي 405 1.6 ... أنا كنت عايز أعرف إيه اللي في الصور ده ؟؟ ده حساس ده ولا إيه ؟ ولو كده حساس إيه هو مش العربية كربراتير يعني مفيهاش حساسات ؟؟

هو زي ماهو باين هو بيخشله خرطومين واحد من فوق وواحد من الجنب وال 2 جايين تقريبا من ناحية الكربراتير كده و ليه فيشة من تحت وهو موجود ورا الفانوس الشمال زي ماهو باين في آخر صورة كده

**mohamedadelemam** · 08-05-2011 02:10 AM

السلام عليكم..فى الكتالوجات بيطلقوا عليه أيدل كونترول ودى تسمية خاطئة لأنه كل وظيفته إنه يفتح بين الطرفين فيعلى الأر بى إم فى السلانسيه لما يشتغل كمبريسسور التكيف

**Omar_H** · 08-05-2011 02:37 AM

ألف شكر يا باشا عالمعلومة ... طب هو سؤال .. أنا كان الخرطومين بتوعه دول مفكوكين بقالهم فترة كبيرة قوي ومرة بالصدفة اكتشفت إنهم مخلوعين و ركبتهم فيه فـهل ممكن يكون اتسد مثلا وممكن أنا انظفه ؟؟

وسؤال تاني معلش هو أنا أعرف منين إن الخرطوم ده اللي حيخش فوق و ده اللي حيخش من الجانب لإن أنا حاطتهم أي حاجة .. ولا مش هتفرق ؟؟

**mohamedadelemam** · 08-05-2011 02:49 PM

السلام عليكم..حضرتك هم صعب أوى يتسدوا لأنهم رابر...موضوع الترتيب فهو مهم هبص لحضرتك عليه فى سيارتى وأرد على حضرتك بإذن الله بالليل

**the-hero** · 08-05-2011 11:02 PM

كلام مظبوط فعلا
أسمة فاكيوم التكييف
وظيفتة انه بيعلى الماتور فى حاله تشغيل التكيف لما يفتح المسار على الخرطومين فى دراع فى الكربراتير بيزود الاكسرتير فيعلي الاربي أم
بالنسبة لطريقة التوصيل
بيبقى مرسوم اتجهات عليه داخل وخارج

**mohamedadelemam** · 09-05-2011 02:58 AM

تمام زى ما أستاذ هيرو قال..وبالمشاهدة عندى الخرطوم ذو العلامة الخضراء داخل فى الفتحة الأفقية فى جهاز الأيدل والناحية الأخر فى الكربيراتير أما ذو العلامة الحمراء داخل فى الفتحة الرأسية وفى شفاط التكيف اللى راكب على الكربيراتير