رابطة مالكى البومه - لانسر 2003 : 2012

**kzakza** · 12-05-2014 02:35 PM

وصلت ل 250 الف كيلو 2008 سوبر اكشن
اعمل ايه؟؟؟ غيرت سير وبلية كاتينه وطبعا السيرفس الطبيعي فلاتر وسيور وكاوتش وبطارية وبوجيهات ونضفت الرشاشات
ياتري في حاجه مهمه او اي نصيحة؟؟
عشان مش في نيتي اغير العربية حاليا فعايز امشي بيها وانا مطمن
شكرا ليكم

**kzakza** · 12-05-2014 03:06 PM

المشاركة الأصلية كتبت بواسطة mitsukero

3.3 بالفلتر و قول للميكانيكي بطل فتي او غيره احسن

انا مش فاهم الميكانيكية عايزين ايه من اصحاب العربيات بالظبط !!!

100% كلام سليم

**ramezt2000** · 14-05-2014 05:38 PM

انا معايا بومة موديل 2007 مانيوال 1600CC من الزيرو ...

السيارة عاملة 84000 كيلو متر ... تم عمل صيانة ال 80 الف في توكيل دايموند موتورز اللي ف طريق مصر
اسماعيلية الصحراوي وتم تغيير زيت الفتيس المانيوال لاول مرة من الزيرو ...

لكن لقيت الفتيس في عضة في النقلات اثناء السير بين الاول والثاني والثالث على خفيف والسيارة لسه باردة ... لما السيارة بتسخن العضة بتقل بنسبة كبيرة لكن لسه موجودة ...

رجعت التوكيل وسألت على نوع الزيت المستخدم ... لاقيتهم استخدموا Total بدل من موبيل والمهندس قعد
يشكر في الزيت ده ... شرحت له مشكلة النقلات وطلع جرب السيارة ... قالي ده عيب طقم دبرياج ولازم يتغيير ... بصراحة ما استريحتش لكلامه ... لان سحب العربية ممتاز والتجميع زي الفل ..

جربت السيارة حوالي اسبوع ومفيش فرق ... فغيرت الزيت من Total ل موبيل ... برضه لسه المشكلة قائمة
والفتيس فيه عضه في النقلات اثناء السير فقط ...

يا ريت الشباب الخبرة اللي في المنتدى يساعدني ... وشكرا

**whm** · 15-05-2014 01:26 PM

استفسار يا شباب - انا معايا بومه خليجى 2005/1600 اتوماتيك كلاسيك دون فتحة سقف. عايز اعرف نوع الفتيس اللى فى العربية وافضل زيت له؟

تحياتى للجميع
وائل حسين

**whm** · 15-05-2014 02:47 PM

سؤال تانى - استجابة الفتيس عندى لو واقف على n ونقلت للd بتكون تقريبا 2 ثانية.............. هل ده طبيعى ولا يعتبر تأخير؟

تحياتى مرة اخرى
وائل حسين

**George_3od** · 16-05-2014 06:01 AM

عندى مشكلة مش لاقيلها حل. كاسيت السيارة عندى Roadstar CD-858USMP/R المشكلة انتى حبيت اشغل اليو اس بى فلاش ميمورى ما اشتغلش. وصلت الكاسيت بكابل يو اس بى على التليفون ما اشتغلش. جربت اشغل SD Card ما اشتغلش. عملت فورمات من FAT32 الى Fat ما اشتغلش. عملت Rest برضه ما اشتغلش. الرسالة اللى بتظهر دايماً ERROR 13. مش عارف اعمل ايه محتاج مساعدة. ملحوظة الراديو شغال والسى دى روم شغال اسطوانات تمام.