كلمنا اكتر عن ال 1300 مو 2012 فيتسها ايه عدادتها شكلها ايه الدركسيون والسعر وهل هيا gl ام glx
عرض للطباعة
كلمنا اكتر عن ال 1300 مو 2012 فيتسها ايه عدادتها شكلها ايه الدركسيون والسعر وهل هيا gl ام glx
يا جماعة انا كان معايا اوكتافيا a4
وناوي ان شاء الله اجيب لانسر بوما زيرو أعلى فئة
وكنت عايز أعرف :
هل الفتيس الأوتو cvt ولا عادي علشان سمعت ان ال cvt مش بينزل وازاي اعرف وانا بشتري
هل الفوانيس الخلفية شفافة ولا لأ ( بصراحة انا بحس ان الفوانيس العادية أشيك )
هل العفشة في الفئة دي متغيرة عن الفئات الثانية
انا شوفت في المصرية 1600 كاملة فتحة سقف ستيبرونيك ولكن العدادت كانت الشكل القديم
هل يمكن فتح الكنبة على الشنطة
معلش يا جماعة استحملوني انا اول مرة اركب ياباني انا مع الالماني من زمان
أخيرا ايه رأيكم في العربية بصفة عامة من ناحية ارتفاعها عن الارض واسعار قطع الغيار واعتماديتها
الاوكتافيا اسعار قطع غيارها كانت عالية ومصاريف تشغيلها كثير
وشكرا لكم
ياريت اللي يعرف يفيدنا عن السيور ل لانسر 2008 1600 نص رياضي يقول
انا اشتريت سير كاتينه ب 220 جنيه في كيس بلاستيك متبرشم مكتوب عليه ميتسوبيشي - وسير دينامو وتكييف وباور الاتنين دول ب 80 بس من غير كيس يعني فرط
ايه رايكم ؟
ان شاء الله لانسر بومة 2009 هاف اسبورت بعد اسبوعين بالتمام
السلام عليكم
حكايتى
روحت اودى العربية تتغسل بعد شتواية ظريفة زى اى حد عادى المهم ماكنتش غسلت المكنة من زمان جدا قولت اغسلة المهم قولت لصاحب المغشلة اغسل العربية والماكنة بفوم تمام ومشيت ..
روحت اشرب قهوتى ومعسلى
رجعت العربية بقت تمام الماكنة زى الفل ماشفتش كدة قبل كدة
المهم روحت طلعت ..................................... كدة هطول عليكما
نزلت دورت جيت اجيب الدى العربية ترجرج جامد اجيب الار العربية ترجرج جامد المهم قولت ممكن ماية دخلت وبوظتها
اكتشفت انة غسلها بماية وجاز وبوظلى الدنيا
المهم بدات العربية تتعدل شوية والرجرجة راحت المهم ظهر حاجة غريبة العربية مش عايزة ترجع
اجيب المارشلية مش عايز ترجع نهائى راحت ورجعت تانى
اية المشكلة مش عارف كدة حساس فتيس ولا الفيش متنيلة الواحد اتخنق
العربية لانسر بوما 2007 1600
ساعدونى
مهو فعلا انا بخاف من حكاية غسيل الماتور دى لانهم مرتيهن ورا بعض بوظولى البوجيهات فبقيت اغسلها عند الميكانيكى
ولما اغسل فى مغسلة هوا بس للمكنة
ونصيحة ليك ياباشا شوف المتخصصون بتوع الاميرية
حضرتك بتتكلم عنى بالضبط
انا كان معايا اوكتافيا ايه فور موديل 2000 وارد المانيا التابلوة الجديد وسخانات كراسى
بس لما ابتدت تفتح بقها فى شوية حساسات دخلت فى 2500 بعتها وش
وركبت لانسر 1300 زيرو موديل 2009
بص ياسيدى
ال 1600 كلها الكنبة فيها بتفتح على الشنطة اما ال 1300 العادية اللى هيا مش جى ال اكس مبتفتحش
وغالبا مبقوش ينزلو 1300 جى ال اكس مش عارف ليه
المهم الفوانيس الخلفية الشفافة دى بتنزل فى الخليجى وبس
ودلوقت مفيش خليجى كل الجديد وكيل فهتبقى فوانيس حمرا
العفشة سمعت انها بقت اطرى ودى من مهندس فى التوكيل لما رحت مع واحد صاحبى عنده بوما 2012
الفتيس اللى بينزل دلوقت فى البومة يا اما مانيوال يا اما استيبترونك اما ال سى فى تى مبينزلش دلوقت انت تعرفة ازاى ؟ بص الفتيس الستيبترونك دا فتيس عادى ومانيوال مع بعض هتلاقى فيه علامة زائد وناقص
Ana ma3aia lancer 2008 1600cc automatic half sport
3ayez a3raf eh elli byt3mal fe syanet el 45000km
ana m3'ayartesh feha 7aga 3'er boujehat bas w teel w tanabeer bas
السلام عليكم
انا معايا لانسر 2008 اتوماتيك 1300 cc
بصراحة عايزة شغل كتير وانا مكنتش فاضي الفترة الاخيرة فعايز اظبط كل حاجة فيها خلاص دلوقتي
كنت عايز حد ينصحني هل التوكيل افضل ولا الحرفيين؟ ككفاءة و سعر و هل فيه فرق كبير ولا لا
انا مبدأياً كده هغير طنابير و تيل فرامل و سيور و فلتر بنزين و بوجيهات و اي حاجة محتاجاها في الكهربا ، و محتاج مكان كويس اربط و ازبط العفشة فيه
يا ريت حد يقولي فين اماكن التوكيل و هل فيه فرع في العبور مثلاً بما اني من الشرقية و ده اقرب مكان ليا؟
و لو هعمل كل حاجة في الحرفيين ، في ورشة او مكان محدد الناس بتنصح بيه؟
و لو حد عنده فكرة و لو مش بالظبط عن اسعار الحاجات اللي سألت عليها دي يا ريت يفيدني
الف شكر مقدماً يا شباب و مستني ردودكم
عليك وعلى المتخصصون فى الاميرية ناس شغالة فى توكيل مصرية قليوب وفاهمين العربية كويس بس حراقين شويتين ونصيحة اشترى حاجتك بنفسك وركبها عندهم