معاكم يارجالة
عرض للطباعة
معاكم يارجالة
العربية 1300 اوتو 2007
لوسمحتم يا شباب عاوز اعرف بالنسبة لفلتر الهواء الرياضي اية نظامة للانسر البومة وللحاطة هل بياثر علي الموتور في حاجة او علي العربية ككل وبيتنصح بية ولا لا واية هي انواعة وكام سعرة واخيرا اسف طولت عليكم
السلام عليكم ورحمة الله وبركاته
حد يا جماعه فكر يقلب عربيته البومه غاز ؟
معايا لانسر بومة 2007 مانول خليجي سعودي سؤال بسيط بس بكرة التكيف اما بجيبها نحية السخن بتيجي نحية البارد النص يعني وكل ما اجيبها اقصي اليمين الي هوة السخن ترجع الشمال في النص يعني اية المشكله وحلها اية وهل الانسر اصلا فيها تكيف سخن يعني بيطلع هوا سخن من سخان ولا بيعتمد علي سخونية العربية يعني لو الموتور سخن بتشتغل علي درجة حرارة الموتور وسؤال تاني اما بشتغل التكيف البارد الكمبروسر بيطي ويشتغل كتير وبحس بلصوت بتاعة بصراحة انا لسة شاري العربية يادوب من شهر واتمني تقولولي اية مميزتها وعيوبها بصراحة واهم حاجة التكيف هل فيها تكيف ساااااخن يعني دفاية بتطلع هوا ساخن ولا اما الموتور العربية بيسخن بيطلع هوا سخن ؟ اتمني منكم رد ويسعدني انضمامي ليكم وشكرا
بالنسبه للتكييف طبعا فيها هوا سخن ومغلى كمان بس طبعا ماينفعش تشغل زرار الكومبرسور
اما بالنسبه للبكره فانت محتاج تروح لحد بتاع تكييف هايفك الجزء اللى فيه البكره ويستعدل سلك الومنيوم علشان يدخل فى الجراب ويخلى البكره تلف للاخر
والاحتمال التانى هايغير الواير ده
عموما لو استعدال مش هياخد اكتر من 10ج ولو تغيير هايكون فى حدود 30ج تقريبا
ماشاء الله عليك بجد يا أبو إياد ...
خبره جامده في اللانسر بومه
ربنا يكرمك .. ويزيدك علم .. زي ماانت بتفيد ناس كتير في المنتدى هنا
تحيــــــاتي
عزيزى عمرو
بالنسبة لتكييف السيارة برجاء العلم ان
الهواء الساخن يعتمد على سخونة المياة لدورة التبريد حيث يوجد كويل ( مثل الردياتير) داخل كابينة السيارة متصل بدورة التبريد والاختيار بين البارد و الساخن يكون عن طريق البكرة التى تتحكم فى مسار الهواء ( ناحية كويل الفريون او كويل المياه الساخنة)
اما اللانسر فللعلم يوجد بها مشكلة و هى ان بوابة التحكم بين مسارات الهواء لا تتحرك بسلاسة و هذا سبب انها عند تحريك البكرة فإنها ترتد و الافضل ان تحرك البوابة يدويا بنفسك ولا ضرورة للذهاب الى فنى
وسوف ارسل لاحقا كيفية عمل ذلك
مع الشكر