ألف شكر ياباشا :)
عرض للطباعة
السلام عليكم ورحمة الله وبركاته يا احلي منتدي واجدع جروب بجد جزاكم الله خيرا على هذا الموضوع وكم المساعدات انا قرأت كل التعليقات من اول صفحه لغايه آخر تعليق بجد الناس بتحاول تبذل كل جهدها في حل مشاكل الآخرين و الجروب من احد اسباب اني بدور علي بومه اخوكم مزنوق في استشاره فنيه ومتاكد من ردكم السريع الشافي معروض عليا عربية لانسر موديل سنة 2008 خليجي هاف سبورت 1600 سي العربية والعربيه عدادها عامل 125000كم العربيه راشه حزام حسب كلام صاحبها طبعا اليوم الاحد كل الورش قافله معرفناش نكشف عليها عند اي حد بس الفحص المبدئي بعد سواقه نص ساعه مشاء الله المتور والعفشه ممتازين العربيه من الداخل فابريكه وحالتها كويسه بس في مش عارف بقي صدأ او بارومه في شنطة العربيه وفوق العجل نسيت اقولكم العربيه من اسكندريه والمفروض ان السقف والكبوت والشنطه مش راشين بس حالتهم نضيفه قوي لدرجه اني شاكك انه راششهم بس من زمان مش عارف بكره باذن الله حكشف عليها عند سمكري معرفه بس الراجل طالب 75000 ومش راضي ينزل شلن وهو سافر بالفعل وعمل توكيل لولدة علشان يبعهالي والعجل محتاج يتغير سؤالي هل السعر مناسب لحالتها وسعر العجل كام وهل لو فيها بارومه بتتعالج بحيث متبانش بعد كدة وهل علاجها بيقلل من سعرها بعد كدة و اكشف علي العربيه فين لو عاوز اوصلها بالكومبيوتر واشوف حالتها بس ياريت يكون في التجمع او مدينه نصر واه الاجراءات لنقل الرخصه او العقد او التوكيل انا بعتذر اني طولت بس دة اول عربيه ليا وبحط فيها كل فلوسي ومش عاوز اكره المستمعل وشكرا لسعه صدركم ارجو سرعه الرد
السلام عليكم ورحمة الله وبركاته
قدامي لانسر 2007 1300 اتوماتيك كنت عايز اعرف من حضراتكم ليه الكل بيشكي من 1300 اتوماتيك يعني هي وحشى للدرجة دي من ناحية السحب و بعدين هل فعلا بيكون استهلاكها اعلى من 1300،1600 مانيوال
السلام عليكم ورحمة الله وبركاته
اه يا جماعه عاوز رايكم محدش عبرني انا كشفت عنها اليوم لقتها راشه كلها معادا السقف نظافه وفابريكه من جوه المتور والعافشه كويسين بس محتاجه تغير مساعدين قدام اه راسكم يا جماعه
hasanh_red
وعليكم السلام ورحمة الله وبركاته اهلا بيك فى الجروب
السعر بالنسبه للموديل مناسب
لكن حته الصدا دى حاجه مقلقه ومش طبيعيه فى العربيه وانا رائيى بلاش منها والمبلغ ده ممكن تجيب بيه سوبر اكشن 2007
وبالتوفيق
وعليكم السلام ورحمة الله وبركاته
السياره فى العموم جيده وناجحه ومشاكلها محلوله اما عن انها كويسه او وحشه ك 1300 اوتوماتيك فدى بترجع لطبيعه مشاويرك وحياتك الشخصيه لانها بتكون مناسبه جدا لشخص لا يحتاج الى السفر الدائم و داخل البلد السياره ممتازه جدا جدا بعكس لو دائم السفر اكيد هاتضايقك خصوصا لو معاك اشخاص ومشغل التكييف
واستهلاك البنزين اعلى من 1300 المانيوال
اما الـ 1600 سواء مانيوال او اوتو استهلاكها اعلى لكن عن تجربه الفرق فى الاستهلاك فى جميع الفئات غير ملحوظ بالمره
لو سمحتم ، مركز خدمة السعودي في طريق مصر اسماعيلية توكيل معتمد ؟؟ هو اقرب واحد ليا
هل حد مجربه قبل كده ؟
انا معايا بوما 2008 منزلها من بره و مش عملتلها صيانة في التوكيل من ساعة ما نزلت من سنتين كده ، هل هيبقى في مشاكل في المركز ولا عادي ؟
بشتكي من شوية حاجات فيها في العفشة و الموتور و التكييف بالاضافة للصيانة العادية بقى زيت و فلاتر
هل المركز ده هو المكان المناسب اني اروحله ؟ و اسعاره معقولة ولا مبالغ فيها ؟
الف شكر مقدماً و منتظر ردودكم يا شباب
السلام عليكم
أنا عضو جديد معاكوا وياريت تفيدوني
انا محتار جدا بين لانسر بوما 2014 كلاسيك ونيسان صني 2014
ايه رأيكم بدون تحيز :)
وشكرا