متشكر يا ابو اياد للمعلومه
بس هل هيبقي في مشكله تحديدا علي حاجه معينه في العفشه ولا لاء.
بالنسبه للثبات انا حاسس ان مفيش تغير لان مشاويري بسيطه اصلا وسرعتي المتوسطه 100
عرض للطباعة
عايز اشتري لانسر بومة ( اتوماتيك ) المبلغ 70-75 الف :
موديل سنة كام و المواصفات . ارجو المساعدة من اهل الخبرة للانضمام للجروب المحترم دة
جزاكم الله كل خير
اخيراً اشتريت لالالالالالالالالالالالال الانسر بوما سوبببببر اكشن مو 2006
:Copy of new::Copy of new::Copy of new::Copy of new::Copy of new::Copy of new::Copy of new:
الف مبروك ربنا يباركلك فيها و يكفيك شرها . وعقبالي http://www.nilemotors.net/Nile/image...20of%20new.gif
عربية جميلة جداً
انا كان معايا BMW 318i مو 2000 وانا قلت مش ها عرف اركب عربيات تاااااني غير الالماني
وبعد بحث شهرين الحمدلله ربنا وفقني في اللانسر 2006 سوبر اكشن
العربية الصراحة مميازتها كتير :
1- الصالون واسع ومريح وبالاخص الكنبة اللي وراء
2- قطع غيرها رخيصة
3- سعر اعادة البيع ممتاز ممتاز ممتاز بعد ما اشتريتها بيوم جالي فيها مكسب 5000 علي الاقل بس انا مرديتش طبعاً علشان انا اتبهدلت علشان اجيبها مشاوير وسفر وبحث وفحص :8954[1]:
4-التكييف بتاعها جبار جميل جداً مقارنة بـ بي ام
5- عالية متحكش في المطبات وده جميل جداً في شوارعنا الجميلة
العيوب اللي لاحظتها من خلال سفري بيها علي الشرقي 260 كم وكانت الاسرة معايا يعن كلنا 5 افراد
وطبعاً انا كان اخري 150 السرعة علشان انا لسة مأخدتش عليها وكمان في الليل وكان في عجل كتييير علي الطريق بس الثبات جميل في السرعة دي
احساس زيادة بمطبات الهواء
مش عارف بحث الفرامل مش قوية اوي ممكن يكون مشكلة عندي
بس كدة عن تجربتي للمدة 4 ايام وتقريباً 700 كم
العربية حالتها كويسة
وحبيت اظبطها كدة شوية قولت اروح التوفيقية
جبت الاتي :
الفانوس اللي وراء الشمال مكسور جبتله وش مش فانوس بـ 21ج
جبت قفل دريكسيون حديد 3 مفاتيح كمبيوتر بـ 30ج
جبت طقم وشوش نيكل
المرايات 45 ج محفور عليه لانسر من الظهر
الفوانيس الامامي 45 ج
الفوانيس الخلفية 45 ج
جبت كسوة طارة جميلة جداً جنز 35ج
جبت فرش فرو كامل كريسيين والكنبة 180ج
شاحن متعدد نضيف للايفون وجميع الموبيلات 45 ج
وكارتين فيوزات 3ج 18فيوز
وجبت طقم كاوتش ماكسيس 1850ج بالترصيص والنيتروجين 4 فرد 15/60/195 تايلندي وجبت بلفات حديد ضد الصدا الواحد 15ج الفردة جميلة وطرية وملهاش صوت
صوت السيارة كان عالي شوية من الشكمان روحت كشفت عليه طلع عاوز اغير جوان وش الشكمان بـ40ج ومصناعية 20 ج
كهربة العربية النور اللي كان فيها زينون بس انا مبحبش الزنون بيعمي الناس ومش بيشكف الطريق كويس زي الاصفر الاصلي فخلعته وركبت لمض 100/260 تايواني وضفيرة ووحدة كتاوت بتاعتها علشان تديني قوة 260 وتصليح لمض الفوجات وتغيير المض الصغيرة اوي اللي في الفانوس وغسيل الفانوسين .كله بالمصنعية 250 ج
واخيراً الترخيص
رخصت مرور الاميرية افضل من عندنا 1000 مرة في المنيا
مخالفات 21.5 ج وده مرور فيصل لان العربية كانت مرور فيصل و 5ج طباعة
في الاميرية بقي فحص 5 ج حلاوة الفحص
مطابقة فحص في مرور فيصل 5 ج تظبيط العسكري اللي مجري الناس وراه علشان يطلع الملفات بتاعت العربيات .
ورحت مرور الاميرية في نفس اليوم عقبال موصلت كانت الساعة جت 2:00 دخلت للشباك كانوا بيمشوا والخزينة قفلت ناس كويسة اوي بتخلص دفعت 910 ج ضريبة 3 سنيين
و 20 ج العسكري اللي وقف معايا لغاية معطاني الرخصة بأسمي
ودي كانت رحلتي مع السوبر اكشن 2006