الموضوع: سبيكة و لا كرنك و لا عمرة

سلامو عليكووو
أحب أسأل خبراء المواتير سؤال:
عندي لادا 2105 موديل95 1200 سيسي و الموتور ماتفاتحش سمعت تكتكة في المكنة مع دوسة البنزين فرحت لميكانيكي قالي سبيكة و بيغيرهالي...هل ده يأثر في الكرنك؟ هل أغير الكرنك؟ هل أعمل عمرة كاملة؟ ولا أسقط ماكنة أكبر؟ متهيألي التسقيط مش مضمون ولا إيه؟
ياريت اللي يرد يقولي رأيه و يكلفني كام :)

السلام عليكم اولا : لو الموضوع من عمود الكرنك ممكن يكون فية ترس مكسور لما بيدور بيدور ترس الزيت الى واصل بالاسبرانير من فوق وطرمبة الزيت من تحت فبيحصل خلل فى اداء التروس ممكن يسبب الصوت ده
تغيير عمود الكرنك لو فيه مشكله يتطلب حل الموتور وفتحه وشراء عمو كرنك جديد وسبيكه وتركيبهم عند الخراط وتافيل الموتور وتركيبه وده ملوش دعوه بالعمره وموضوعه بسيط.
اما لو العيب من ترس الزيت الى فده بيحل الكرتيره ويفك طرمبة الزين ويركب ترس جديد ويركب تانى الطرمبه ويقفل الكارتيره على كده.
اذن كلا الموضوعين ملوش دعوه بالعمره نهائى ومش هيكلفو جامد يبقى ليه تجيب موتور جديد.
خد بالك لو الترس لقيته مفوت اعرف ان العيب اما من الكرنك او من الأسبراتير او من طرمبة الزيت بس انت كده اكيد هتحل الموتور علشان تعرف العيب منين بسش لو الترس مفوت ركب واحد جديد وجرب لو الصوت راح ومشيت يبقى خلاص لو فوت نانى يبقى هتحل هتحل علشان تعرف السبب ايه.