الموضوع: ---, هو ليه كل واحد مركب صب وفر فى عربيته دايما بيشغل اغانى راب

سلام عليكم اولا ... هو انا بلاحظ حاجه و قولت اتكلم معاكم فيها يمكن انا الوحيد اللى شايفها .... بلاحظ ان معظم ان ماكنش كل الناس اللى مركبه عدد صوت فى عربياتهم كل اللى بيعملوه انهم بيدوروا على اغانى فيها بيز و الزقها فى العربيه و السماعات تفضل تهبد و ترزع و تخبط و ... هو يضحك و فرحان .. هل ده كان الغرض من انك تعمل Upgrade للنظام الصوتي بتاع العربيه ... طيب انا واحد مابسمعش راب ولا هيب هوب ولا اغانى فيها تهبيد و ترزيع .. و هنا المشكله لما ركبت نظام صوت كويس فى العربيه ... ابتديت الاحظ الآتي
- اغانى التهبيد و الترزيع صوتها جميل و اشطه تحس انك فله يعنى تمام
- لو فكرت تسمع ميتال او روك .. يعنى بيبقي الصوت مقبول
- لو فكرت انك تسمع هاوس او ترانس او اى اليكتريك ميوزك .. اخبط دماغك فى الحيط دايما بيحصل Delay
تسمع البيز و كانه بيجي متاخر .... لحد دلوقتى مش عارف اسمع حاجه .. بالنسبه لعدة الصوت اللى انا مركبها
Headunit Kenwood *subwoofer level control , mp3 , aux bla bla bla
Speakers Kenwood 75 RMS 6X9 original for sure
Subwoofer Boss Rt12 , 12" 1 voice coil 300 rms in Sealed Box as the manual says
Amplifier Kenwood (low Profile) bridged 150rms for the sub
انا عارف ان فى ناس هتقولي غير المضخم عشان يمشي مع الصب وفر .. هغيره بس لما تحضر كاشات .. بس المشكله دلوقتى فين بقي !!!! البيز مش مضايقنى اطلاقا .. انا لما بعلي الشنطه بتزن اصلا و الصوت تمام ... نفسي افهم لحد النهارده ليه مش عارف استمتع بترانس بمزاج و مع العلم انى بسمع مزيكا قديمه يعنى لا فيها حوارات ولا افتكاسات
Armin Van Buuren - Birth Of An Angel
Paul Van Dyk - For An Angel
Rom Di Prisco - Paradigm Shifter
ولا عشان دى مزيكا Electronic و اللى سمعته ان كل صوتيات العربيه Analogue يبقي انسي حلم انى اسمع اغنيه اليكترونيك لاود بصوت واضح؟

المشاركة الأصلية كتبت بواسطة beetlemosh

هو موضوع التاخير ده انا بحس بيه احيانا فى بعض التراكات الترانس
و تحس ان البييز مش ماشى مع الاغنيه فعلا
بس فى الحاله دى انا بوطى البيييز شويه و الموضوع بيبقى الى حد ما مش محسوس بيه اوى زى ما بيكون البييز عالى

بصس فعلا فى اختتلاف ملحووظ بين الصوت فى البيت و الصوت فى العربيه
ممكن اسمع تراك فى البيت يبقى جامد اوى
و انزل اسمعه فى العربيه احس انه هبد و ترزيع و مش زى مانا سمعته خالص فى البيت

بس اعتقد الموضوع ليه علاقه بالمقاومات و الفولت و مكثفات و الحاجات دى
يمكن تكون هى اللى بتاثر على الصوت او كده
مش عارف انا مجرد بفكر بصوت عالى و ممكن اكون بفتى d:

بس انا فعلا الموضوع ده كان بيشغل بالى

بيتل باشا
البيت حاجه تانيه
الاول الكومبيوتر صوته نقى جدا
الصب(بتاع الكمبيوتر)سيستم مدروس بعنايه توزيع سمعات وصوت(العربيه ركب ركب اسمع انت وحظك)
البيت مفيهوش صوت مكنه ولا دوشه ولا حتى صوت الهوى اللى جاى من الشباك(عشان كده بواط صغير فى البيت تسمع وتتكيف)
التركيز بيفرق جامد اوى وانت سايق مش حتبقى مركز التركيز الدماغ
+الاضائه بتقلل التركيز جرب تسمع ميوزيك بالليل واطفى النور وركز وقوللى(حتلاقى الاغنيه اختلفت)