إستراحــــــــــه عشــــــــاق الســـــــانديرو

**tamer61** · 11-05-2011 12:14 PM

المشاركة الأصلية كتبت بواسطة limoman

متفق معاك يا تامر إن العربيتين ليهم طابع مختلف بشكل كبير

يعنى .. ممكن نقول إن اللوجان كلاسيكيه عائليه .. أما السانديرو فهى شبابيه وعائليه برضه بس على نطاق أصغر

بس أقولك إيه .. لما بسأل ملاك اللوجان عن الشنطه .. محدش مصدق إنها 510 لتر .. يعنى مش كبيره بشكل ملفت بالنسبه ليهم

لأننا طول عمرنا ما بنقدرش سعة الشنطه باللتر زي شغل اليومين دول فكنا بنقدرها "واسعه - متوسطه - ضيقه" بالنظر كده ولهذا مش كتير إللي يستوعب حكاية الحجم باللتر دي. وبالنسبه لملاك اللوجان أصبح وسع الشنطه حاجه عاديه بالنسبه له فالحكايه تعود مش أكتر لكن إن جيت للحق لأ واسعه جدا جدا وعلشان كده مساحة شنطة السانديرو تعتبر حلوه جدا بالنسبه لباقي العربيات و لهذا هي عربيه عائليه بشكل شبابي زي ما قلت بالظبط.

ولو إنى بحب مساحه التخزين الكبيره بصفه عامه .. بس الحمد لله ان شنطه السانديرو مش صغيره .. وبتقضى حاجات الأسره على قدر الإمكان

ربنا يباركلك فيها ويرزقك خيرها بإذن الله.

**LimoMan** · 11-05-2011 12:26 PM

المشاركة الأصلية كتبت بواسطة tamer61

ربنا يباركلك فيها ويرزقك خيرها بإذن الله.

ربنا يسمع منك يا تامر

ويحفظلنا عربياتنا جميعا من أى شر

ويبعد عنهم ولاد الحلال إللى يبحبوا دايما يسيبوا علامه فى أى عربيه جديده

زى واحد لقيته من كام يوم قاطم المساحه الخلفيه .. مش عارف ليه

بس الحمد لله ركبتها تانى مؤقتا .. وإن شاء الله محتجش أغيرها

**m_badr** · 11-05-2011 04:46 PM

هي السانديرو اخبارها ايه معاكوا يا جماعه في السرعه و الثبات و كل حاجة؟

**د.محمود صلاح** · 11-05-2011 07:11 PM

ما فيش تقرير عنها مصور ؟؟

**akerima** · 12-05-2011 01:37 PM

مبروك لينا كلوجانوية ومبروك ليكوا كسانديرونية (اية الكلام دا) وبجد انا بموت في العربية دي وان كانت نزلت قبل اللوجان كنت اكيد جبتها لاني بحب الهاتش عن السيدان وربنا يباركلنا في العيلة كلها

**LimoMan** · 15-05-2011 09:37 AM

المشاركة الأصلية كتبت بواسطة د.محمود صلاح

ما فيش تقرير عنها مصور ؟؟

لا تقلق يا دكتور

سوف أحاول تحضير تقرير مصور عن السانديرو

يوضح اهم مواصفات ومميزات السياره

**LimoMan** · 19-05-2011 09:43 AM

المشاركة الأصلية كتبت بواسطة akerima

مبروك لينا كلوجانوية ومبروك ليكوا كسانديرونية (اية الكلام دا) وبجد انا بموت في العربية دي وان كانت نزلت قبل اللوجان كنت اكيد جبتها لاني بحب الهاتش عن السيدان وربنا يباركلنا في العيلة كلها

الله يبارك فيك ويباركلنا فى لوجى وساندى

وعلى فكره، السانديرو مش عربيه هاتش عاديه

ما شاء الله - توليفه مميزه من الإستايل الشبابى فى المظهر الخارجى

وأداء جميل على الطريق نظرا لحجم السياره ووزنها وماتورها القوى

بالإضافه إلى المساحه الداخليه الكبيره التى تمتاز بها اللوجان

ومساحه التخزين الخلفيه الكبيره نوعا ما

لذا،

أراها بالفعل مناسبه لمن يعشق الهاتش، ولمن يهتم بالسيارات العائليه على حد سواء

**drcobra** · 20-05-2011 03:38 AM

انا بفكر اشترى عربية وبعد طول بحث وتمحيص فى المنتدى ومواقع السارات وسؤال جميع مالكى السيارة رينو لوجان قررت اشترى رينو سانديرو (لوجان هاتشباك)
بالرغم من ان خبرتى فى السيارات قليلة جدا وانا اساسا مش بعرف اسوق لكن قررت شراء السانديرو ان شاء اللة ولقيت انها انسب عربية هاتشباك لى من حيث السعر المعقول الشكل الممتاز الاعتمادية الاوربية الجيدة الاستخدام المعقول جدا من حيث قوة الموتور والعفشة الجيدة ومساحات التخزين الجيدة.
لكن ليا استفسار عند الاعضاء الكرام انا عندى احساس ان اسعار العربيات ممكن تنزل الفترة اللى جاية ( سواء عن طريق عروض وتخفيضات الوكلاء والمعارض بسبب قلة الطلب بعد الثورة وزيادة المعروض والمخزون - او عن طريق انخفاض الجمارك على السيارات عامة وتكون مصر زى باقى الدول المحترمة )
اية رأى حضراتكم ووجهة نظركم؟
يعنى من الاخر اشترى السانديرو دلوقتى ولا استنى شهرين او تلاتة
واسف للاطالة

**sniperwolf** · 24-05-2011 06:32 PM

اهلا بكل لوجانوية و سانديرونية الرجالة ...... اخوكم بقا عندو سؤال بسيط . انا معايا اوبل استرا وعايز ابيعها واجيب سنديرو اية رائيكم بالعلم انا سواقتى بمشى على سرعات عالية وباخد منحنيات بسرعتى بكل سهولة اية رائيكم سنديرو تمشى معايا ولا اية علشان انا عجبانى اوى العربية دى وخايف اجيبها يطلع ثباتها ضايع زى عربيات كورى ويابانى انتو عارفين اية هية من غير مااقول مركات معينة ؟ و اسف على الاطالة ياشباب