الموضوع: إستراحــــــــــه عشــــــــاق الســـــــانديرو

المشاركة الأصلية كتبت بواسطة wassim_nasser

اولا مبروك عليكم الاستراحه وعقبال ماتفتحوا فيها أون ذا رن

الله يبارك فيك يا وسام

الإستراحه نورت

المشاركة الأصلية كتبت بواسطة wassim_nasser

ثانيا السانديرو عربية جميله وان كنت باعتبرها بشكل أو بآخر لوجان هاتشباك فاهاتلاقي 95% من المواضيع المتعلقه بالسانديرو هى هى مواضيع اللوجان لأن العربيتين فى المضمون واحد يعنى نفس الموتور نفس الصالون نفس الفرامل نفس كل حاجه .. واستفسارات الاعضاء بتكون غالبا في الداخليات وقليل اللي هايسأل علي فانوس أو اكصدام بس ممكن نعتبر الاستراحه مكان بيدي السانديرو شوية خصوصية عن قسم اللوجان .. وربنا يوفقكم الي مافيه مصلحة الجميع

أنا معاك إن السانديرو يمكن إعتبارها اللوجان هاتش باك

مع إنى كل ما أورى العربيه لحد يقولى "ماتقولش عليها لوجان" ... علشان يعنى الشكل مختلف كتير

بس إنت جبت المفيد ... خلينا فى الإستراحه نتعامل مع السانديرو بشكل مختلف شويه

مش كأنها لوجان والسلام

على الأقل نعرف الناس بالسانديرو شويه ... زى ما حفظوا اللوجان خلاص

المشاركة الأصلية كتبت بواسطة wassim_nasser

ملحوظة : هاتلاقونى ناططلكم هنا و حاشر مناخيري ف أي موضوع مش هاعتقكم

يا سيدى إنت تنورنا فى أى وقت

المشاركة الأصلية كتبت بواسطة zotye

السانديرو عربية محترمة و على فكرة انا ركبتها و سقتها و ما هى الا لوجان هاتش باك ( نفس الموتور , نفس العفشة , نفس الصالون من حيث الخامات لكن صالون اللوجان اوسع , كمان شنطة اللوجان اوسع 510 لتر ما شاء الله انما السانديرو 310 لتر يعنى مساحة راااااااائعة بالنسبة لعربية هاتش باك مساحة شنطة السانديرو زى الانوس تماما , نفس الفرامل , نفس الأبشنز )
الأختلاف فقط فى الشكل الخارجى اللوجان كلاسيكية و عااااائلية و شيك و شبابية .
و لكن السانديرو عربية شبابية اكثر تليق اكثر بالبنات خصوصا اللون الأحمر فيها و شيك ...

بناءا على تجربتى، الشنطه مساحتها معقوله بشكل كبير فعلا .. كفايه إنها بتأخد عربيه البيبى .. ودى نقطه مهمه بالنسبه ليا وكنت خايف أضطر أحط العربيه على الكنبه وأبهدلها.

بس بصراحه الفرق فى الشكل كبير مش صغير .. الناس بدأت تتعامل مع اللوجان على إنها عربيه عائليه عمليه فى المقام الأول .. زى ما إنت قولت بالضبط .. ماتور قوى ومساحه داخليه وتخزين أكثر من ممتازه.

وأنا شايف إن إللى ساعد على إنتشار اللوجان، وحيساعد برضه على إنتشار السانديرو إن شاء الله، إن تمنها فيها .. علشان معفيه من الجمارك حسب إتفاقيه أغادير .. وإلا كان تمنها فى السوق وصل للتمنينات.

بس على فكره، اللون النبيتى فى السانديرو بالنسبه لى هو الأفضل .. للولاد مش بس للبنات .. إسألنى أنا علشان عربيتى نبيتى وعارفها كويس :)

يارب بس إنتشار السانديرو يقابله أسعار معقوله لقطع الغيار .. وربنا ما يحوجنا ليها أصلا

المشاركة الأصلية كتبت بواسطة tamer61

بالتوفيق إن شاء الله .... والسانديرو عربيه تصميمها لذيذ وبالرغم من أن العربيتين واحد في كل الاساسيات إلا إن كل واحده منهم لها طابعها الخاص وبالنسبه لشنطة السانديرو .. هي تعتبر شنطه واسعه وجميله وتكفي إحتياج أسره بدون مشاكل كبيره ... المشكله في شنطة اللوجان هي إللي واسعه بطريقه مش طبيعيه فبلاش التركيز على النقطه دي. وتقبلوا تحياتي جميعا.

متفق معاك يا تامر إن العربيتين ليهم طابع مختلف بشكل كبير

يعنى .. ممكن نقول إن اللوجان كلاسيكيه عائليه .. أما السانديرو فهى شبابيه وعاشليه برضه بس على نطاق أصغر

بس أقولك إيه .. لما بسأل ملاك اللوجان عن الشنطه .. محدش مصدق إنها 510 لتر .. يعنى مش كبيره بشكل ملفت بالنسبه ليهم

ولو إنى بحب مساحه التخزين الكبيره بصفه عامه .. بس الحمد لله ان شنطه السانديرو مش صغيره .. وبتقضى حاجات الأسره على قدر الإمكان