صوت حكه او خبطه فى العجل اللى ورا بعد مشى العربيه لمشوار طويل

**megahed124** · 10-05-2011 01:59 PM

حاجه غريبه قوىانا ركبت الهاند بريك بدل الكابل اللى اتقطع و طلعت على مطروح و انا على البوابه سمعت صوت حكه او خبطه لما بامشي على الهادى فى السالنسيه مع لفه العجل اللى ورا كده و بعدين لما لما العربيه تهدا مده يعنى تركن مثلا ساعتين تلاته و لا حاجه كده الصوت بيروح و بعدين تمشى مشوار كبير صوت التخبيط او الحكه يرجع تانى تهدا تبقى زى الفل مافيش حاجه انا مش عارف بجد العربيه دى فيها ايه و بعدين لما اروح التوكيل و احكيله هايقولى ورينى الصوت و العربيه مش هاتكون ماشيه مشوار طويل فامش يسمع حاجه (المشوار الكويل ده مثلا مشوار ساعه و نص ساعتين او اكتر ) العربيه صنى 2011 شاريها من 5 شهور مش عارف فى ايه ولا اعمل ايه بس الحمد لله لو حد من الاخوه يقدر يدلينا يبقى كتر خيره

**egypt0777** · 10-05-2011 09:29 PM

احجز عند ابو رواش

المشوار لحد هناك مش اقل من 3 ساعات

**Bishoy.Girgis** · 11-05-2011 02:53 AM

انا هقول لحضرتك حاجه ممكن يكون ده السبب :
حضرتك بعد ما ركبت كابل الهاند بريك ممكن يكون الفني في التوكيل قرط علي صامولة الهاندبريك فاصبح التيل بيحك مع الطانبورة و ده بيحصل في المشاويير الطويلة لأن من كثرة الاحتكاك بيحصل تمدد للحديد نتيجة الاحتكاك ده
طيب نعرف من اين ان الصنايعي قرط علي الصامولة :
حضرتك ارفع الهاندبريك بالراحة .. لو لاقيت انها بتعد معاك لغاية 5 او 6 تكات يبقي كده الفني مقرطش جامد علي الصامولة و هتبقي ديه مش المشكلة منها
اما لو كانت عدد التكات اقل من 5 تكات يبقي كده الصنايعي قرط جامد و لازم حضرتك تروح التوكيل او عند اي ميكانيكي يفك التقريط شوية
ياريت حضرتك تجرب و تطمنا و متقلقش ان شاء الله خير

**megahed124** · 11-05-2011 09:33 AM

المشاركة الأصلية كتبت بواسطة peaceman

انا هقول لحضرتك حاجه ممكن يكون ده السبب :
حضرتك بعد ما ركبت كابل الهاند بريك ممكن يكون الفني في التوكيل قرط علي صامولة الهاندبريك فاصبح التيل بيحك مع الطانبورة و ده بيحصل في المشاويير الطويلة لأن من كثرة الاحتكاك بيحصل تمدد للحديد نتيجة الاحتكاك ده
طيب نعرف من اين ان الصنايعي قرط علي الصامولة :
حضرتك ارفع الهاندبريك بالراحة .. لو لاقيت انها بتعد معاك لغاية 5 او 6 تكات يبقي كده الفني مقرطش جامد علي الصامولة و هتبقي ديه مش المشكلة منها
اما لو كانت عدد التكات اقل من 5 تكات يبقي كده الصنايعي قرط جامد و لازم حضرتك تروح التوكيل او عند اي ميكانيكي يفك التقريط شوية
ياريت حضرتك تجرب و تطمنا و متقلقش ان شاء الله خير

فعلا كلام منطقى انا هاجرب كده و اقولك ايه الحكايه بس لو طلع الكلام ده صح تبقى بجد جامد جدا لان الفكره دى ماجتش فى بالى خالص

**megahed124** · 11-05-2011 09:49 AM

المشاركة الأصلية كتبت بواسطة egypt0777

احجز عند ابو رواش

المشوار لحد هناك مش اقل من 3 ساعات

ده مشوار و انا كده مش عارف العربيه فيها ايه صعب اطلع مشوار 3 ساعات على سفر

**Bishoy.Girgis** · 19-05-2011 07:36 PM

حضرتك مطمنتاش عملت ايه

**Ahmed.TV** · 19-05-2011 11:51 PM

روح يا احمد واحجز وظبط الدنيا وطمنا لو عايز حاجة قولى وانا اكلمك الناس

وان شاء الله خير

**elbashamg** · 20-05-2011 12:08 AM

المشاركة الأصلية كتبت بواسطة elbashamg

شوف درجة حرارة الجنط بعد المشوار اللى بتقول عليه و خللى بالك و ممكن يكون ساخن جدا مقارنة بالعجلات الأخرى و في الحالة دى يكون اكيد رجلاج الفرامل

ده علشان صوت الحكة و لكن الخبط ممكن يكون فردة تيل فصلت و سايبة

الموضوع: صوت حكه او خبطه فى العجل اللى ورا بعد مشى العربيه لمشوار طويل

LinkBack

أدوات الموضوع

عرض

-

-

-

المواضيع المتشابهه

وانا برفع العربيه بالكرويك وشلت العجل لقيت العربيه وقعت على الارض

العربيه حاسس سحبها بطئ بعد تغيير بلى العجل

لون اسود على الطارات اللى فى العجل الأدمانى

حكة جامدة فى العجل اللى ورا

بعد مشوار طويل العربيه مش بتدور

الكلمات الدلالية لهذا الموضوع

المفضلات

المفضلات

ضوابط المشاركة