الموضوع: اخبار العصابة المفترية ... العصابة الهونداوية .

كانت صدفة سعيدة بمعرفتك يا وائل ... ونعتذر عن خطأ الاسم الكيبوردى .
وربنا يوفقك فى الامتحانات ... ونشوفك انشاء الله فى مقابلات العصابة القادمة .

ويا سيد هارون معتوق مبيجيش غير لما تقوله تيجى نروح نضرب أكل كذا فى المكان كذا تلاقيه ساب اللى فى ايده وجه على طول .
ده كان ماشى ورايا هوة وهوت رايد فى مقابلة كارفور وفجأة اختفى من ورايا وبعد ما وصلت لكارفور بتصل أطمن عليهم اتاريهم اتسحبوا ونزلوا المعادى ضربوا حاجة هناك مش عارف ايه وبعد كدة حصلونا فى كوستا وهو مش لازم معاه سحب عضوية هوة هييجى هييجى .

اما الاستيكر المفروض أن نايل موتورز دوت نت أو دوت كوم الاتنين واحد .

بما انك يا نبيل فتحت على نفسك الفتحة دى ... خدوا الثلاث نكت دول بس من غير ضرب .

- طبعا بعد اخلاء سبيل فتحي سرور وسوزان مبارك وزكريا عزمى ينتظر الشعب المصري بدء مهرجان... البراءة للجميع .

- واحدة بتقول لحبيبها هتفضل تحبني كده حتى بعد الزواج ... قال لها ده لو جوزك معندهوش مانع .

- أتصل حشاش مصري بأوباما وقاله أحنا أعلنا الحرب علي أمريكا .
أوباما أنخض ... وقالوا انتم مين..؟
الحشاش قالوا انا و بيسو و علاء و حناوي و ميخا و 3 صحبنا كمان من القهوة يعني 8 وحوش .
أوباما ضحك في سخرية و قالوا تعرف أني عندي 2 مليون جندي تحت أمري .
الحشاش قالوا … لا جديدة دي لازم أتشاور انا والشباب .
المهم الحشاش أتصل بيه تاني يوم وقالوا متقلقش يا أوباما مش حنعلن الحرب عليكم .
أوباما أبتسم وقالوا ليه ....!
الحشاش قالوا مفيش بس معندناش مكان يكفي 2 مليون أسير في القهوة .