الموضوع: ترخيص الساجا اتوماتيك

التكلفة مبدئيا ها تفرق حضرتك جايباها قسط ولا كاش !! لو بتقسطي يبقى اقصى مدة لكي سنة !! لو كاش من حقك ترخصي سنة او ثلاثة ..
[QUOTE]

خطوات التراخيص

جبت ملف عربيه جديده من المبني الي فيه الخزنه 40 جنيه
بعدين جيت طلب فحص و استمارة طفايه 16 جنيه
اشتريت طفايه 121
(طبعا انسي لو في باقي لازم تقفله)
تروح نختم الطفايه
جبت الراجل بتاع البصمه هتلافيه لابس عفريته و ماسك قلم رصاص طويل جدا
هيعمل البصمه و شوفه في 5 جنيه
هتخش علي الفحص المهندس
اركن العربيه في حته مش ملطش علشان انت عارف مهارات الشعب المصري
وبعدين تدخل علي مكتب الترخيص الجديد هتلاقي موظفه قاعده مش طايقه نفسها و هتكتب شوية حجات علشان تجبها ركز في الحاجات علشان مش هتسمع حاجه و خطها بيبقي منيل الي انا فاكره و البنت الي عملتلي التامين قالتلي علي الباقي
2 صورة بطاقه
2 صوره طلب نمر
و تدفع التامين الاجباري 225 جنبه للثلاث سنوات
(ضرب علي القفا طبعا بس لابد منه)
و ترجع للموظفه تاني
هتاخد منك الملف و تهتقولك استنا لما تسمع اسمك طبعا انت و حظك
(طبعا متستناش لما حظك اليوم في الجرنان يكتبلك هتخلص في ساعه)
هتسمع اسمك هتديد و رقتين هتروح تدفع الضربيه علي الثلاث سنوات 773 جنيه
( طبعا متستناش الباقي برضوه )
هيديك صورتين من الايصال واحد ليك و التاني للموظفه
و بعدين تروح مكتب اللوحات هتديها الورقه الثانيه هتختمهالك
(طبعا متستعجلهاش)
هترجع تاني عند الشباك للموظفه هتديها الايصال و الورقه الي اتختمه عند مكتب اللوحات
شويه من عشر دقائق لنص ساعه برضوا انت و حظك هتديك و رقه تروح توديها في اخر المكان الي انت فيه الي بيطلعوا منه الرخصه
( طبعا متحاولش انك توصل للشباك اوصل لاقرب مكان و ادي الورقه للي قدامه هتوصل )
هتستنا تاني هتكون تعبت طبعا من كتر اللف شوف حته اقعد فيها قربيبه علشان هتسمع اسمك علشان تستلم الرخصه
هتستلم الرخصه و تروح جري علي المكان الي جبت منه الملف في الاول و دفعت في الضريبه تجيب ايصال تركيب لوحات 8 جنيه
(ضرب قفا برضوا)
و تروح لمكان اسمه الخطاط هيكونوا بعتوا اللوح عليه هتديله الرخصه و الايصال و هيطلع النمره و يديك الرخصه تستنا شويه هينادي علي الرقم بتاع العربيه تكون انت في الشويه دي خرمت العربيه علشان تعلق النمر
هتسمع النمره هتقول تمام يا فندم هيجي الباشا يركبلك النمره هتراضيه برضوا 5 جنيه و كده الف مبروك خلصت المرور
( طبعا لازم تكون راضي ابوك و امك علشان يدعولك تخلص في يوم واحد )
هتاخد العربيه و تروح تناااااااااااام لانك هتكون اتهديت

[/QUOTE
]
وده تكلفة الترخيص بالتفصيل الممل .. في الموضوع ده ..
http://www.nilemotors.net/Nile/132583-a.html
ولأ حضرتك مش محتاجة نمر تجارية عشان حضرتك سألتي عليها مش محتاجاها نهائيا ..

رد شامل يا باشا

أنا مش لاقي حاجه أقولها للراجل زيادة

غير إني معايا أوتوماتيك
ومفيش فرق في الترخيص بينها وبين المانيوال

والعربيات الزيرو أصلا المهندس مش بيبص عليها خالص

بيطلب بس التأمين الإجباري

وألف مبروووووووك يا ساجاوي

بصي انا مش حابب انه حضرتك تمشي بيها اليومن دول والمفضل انه حضرتك تجبيبيها وتغطيها على ما تستلمي جواب المرور وتخليها في مكان عند حضرتك ولكن شكل العربية باين انها لسة زيرو فمفيش خوف من اي زابط مرور ولا حاجة ان شاء الله ولكن السرقة ان شاء الله خير وتفاءلوا بالخير تجدوه ..

والعربيات الزيرو أصلا المهندس مش بيبص عليها خالص

والله صدقني انا قام وبص عليها يمكن عشان كان عايز يكتب اسود وانا قلتله بس هيا اسود ميتاليك !!!! بصلي بقرف وراح قايم باصص بنفسه ..