لو شغلت التكييف فى الشتاء دافئ هل يحافظ على الفريون

**MMamdouh** · 11-05-2011 03:06 PM

المشاركة الأصلية كتبت بواسطة tarek_2005

اللانوس فيها اثنين بلاور واحد للسخن وواحد للبارد ؟

لا واحد بس

اللانوس فيها سربتينة واحدة ولا اثنين واحدة للسخن ووحدة للبارد ؟

اتنين (عشان كدة قلت ان التكييف دايرتين منفصلتين)

والوضع ده هيخلي الهواء بتاع البلاور يمر علي سربنتينة الثلاجة وبها ضغط فريون اذا الهواء سيبرد

كدة دى دايرة مستقلة قائمة بذاتها

ثم يمر علي سربنتينة السخن وبها ماء ساخن درجة حرارته 96 درجة مؤية ثم يخرج من الهويات الي المقصورة

و ادى الدايرة التانية و برضة دى دايرة مستقلة قائمة بذاتها... يبقى التكييف دايرتين منفصلتين ولا دايرة واحدة؟؟؟؟

انا بقى حسالك سؤال واحد فقط لاغير... اللانوس اللى بتنزل من غير تكييف.. بيبقا فيها تكييف سخن ولا لا؟؟؟

لو الاجابة نعم يبقى التكييف عندنا دايرتين منفصلتين زى ما بقول

مش حقول لو الاجابة لا يبقى ايه لان الجابة نعم

MMamdouh

**tarek_2005** · 11-05-2011 03:23 PM

يا استاذ محمد ممدوح وانت بالفعل استاذي

التكيف بينقل من السخن للبارد عن طريق بوابة في الفبر الخاص بمجاري الهواء

ولكن هناك مروحة واحدة هي الي بتدفع الهواء وحسب مروره علي اي من السربنتينتان
اما سخن واما بارد

ومعلش انا في المكتب ومعنديش الكاتلوج هنا لما اروح هبين النقطة دي علي كتالوجات السيارة

**MMamdouh** · 11-05-2011 04:27 PM

انا عارف موضوع البوابة... انا قصدى ان دايرة السخن حاجة و البارد حاجة تانية مش زى تكييف البيت... بالتالى تشغيل التكييف السخن فى الشتاء لن يغنى عن تشغيل التكييف البارد بشكل دورى لضمان عدم تلف الاويل سيلات

MMamdouh

**swimmer25** · 12-05-2011 10:09 AM

يا جماعة انا علي حسب فهمي ممكن اشرح استاذ طارق قصده ايه
اللي فهمته ان استاذ ممدوح وطارق صح
تقدروا تقولوا زي فكرة الحنفية فيها ماء بارد وماء ساخن
الماء البارد دائرة منفصلة عن الماء الساخن ولكن الاتنين بيبقوا دائرة واحدة عند نقطة تلاقي الحنفية
واللي بيخلطهم الخلاط
فلو انا مشغل السخان هيكون فيه ماء ساخن بس مش هينزل من الحنفية غير لما احولها ناحية الساخن
حد فاهم حاجة
نفس الفكرة
لو انا مشغل الكومبريسور هيكون فيه تبريد للهواء وفي نفس الوقت لو حولت البوابة ناحية السخن تجيب هواء ساخن وتخلط البارد بالساخن

الفكرة بقي في النهاية في حاجة..لو فيه حساس حرارة في الصالون الكمبريسور في الشتاء هيعمل ايه
هنظبطه علي ساخن فهيحس ان الحرارة المطلوبة اعلي من حرارة الصالون فبالتالي هيقف
ولا هيفضل شغال ويشتغل مع السخن عادي لانه مالوش دعوة ببكرة تحويل السخن والبارد لان كل وظيفتها هي الخلط وليس ظبط حرارة المقصورة فبالتالي الكمبريسور هيفضل شغال

حد لسه فاهم حاجة ولا انا بفتي.....انا مش بفتي انا بس بتخيل

**tarek_2005** · 12-05-2011 11:06 AM

المشاركة الأصلية كتبت بواسطة mmamdouh

انا عارف موضوع البوابة... انا قصدى ان دايرة السخن حاجة و البارد حاجة تانية مش زى تكييف البيت... بالتالى تشغيل التكييف السخن فى الشتاء لن يغنى عن تشغيل التكييف البارد بشكل دورى لضمان عدم تلف الاويل سيلات

mmamdouh

الاستاذ الفاضل اساتذي محمد ممدوح

انا لا اختلف معك احنا عندينا دائرتين للحصول علي
اما حرارة عالية ( سربنتينه بها ماء ساخن من مياه التبريد ) او حرارة منخفضة ( سربنتينة الفريون الي هيا الثلاجة )

هناك مصدر واحد لدفع الهواء ( مروحة البلاور )

لو شغلت مفتاح المروحة الي هوا اربع درجات دون الضغط علي مفتاح a/c سيندفع الهواء داخل مجاري الهواء داخل التابلوه ثم الي المقصورة

هذا الهواء بالفعل مارر علي سربنتينة الثلاجة ولكن دون تبريد لان الثلاجة ليس بها تبريد لعدم عمل كباس الفريون
لو حولت هذا الهواء الي سربنتينة الساخن الي بدورها بها ماء ساخن ( مياه تبريد المحرك ) سيخرج الهواء ساخن اما لو تخطيت سربنتينة الساخن دون المرور عليها ودا عن طريق المفتاح الي نصف تدريجه احمر والنصف الثاني ازرق
سيخرج الهواء بنفس درجة حرارة مصدره ( المقصورة او خارج السيارة ) حسب مفتاح اعادة التدوير علي اي وضع

لو شغلت مروحة البلاور علي اي درجة وشغلت مفتاح a/c الكباس سيعمل ويبرد سربنتينة الثلاجة ويمر عليها الهواء ليبرد ثم يندفع منها الي اما مباشرتاً الي المقصورة لو المفتاح بتاع درجة الحرارة الي نصف تدرجه ازرق والنصف التثني احمر مضبوط علي اللون الازرق او سيمر اولاً علي سربنتينة التدفئة لو هذا المفتاح علي النصف الاحمر

اذا لو جعلت مفتاح الa/c علي وضع تشغيل ووضعت مفتاح درجة الحرارة علي اقصي الاحمر وشغلت مروحة البلاور من مفتاح السرعات

سيمر الهواء الخارج من البلاور علي الثلاجة ثم علي سربنتينة التدفئة ثم الي المقصورة

وهذا الوضع لو استخدم في الشتاء يجعل الكباس يعمل ويحافظ علي اويل سيلاته

وممكن استخدام هذا الوضع لتقليل حرارة المحرك لو زادة عن الطبيعي لاي عطل ما ولكن مؤقتا

وحتي لا نثير جدلاً وضعت تحت مؤقتاً خط ولابد من وضع عشرة خطوط اسفلها

وهذا الحوار الذي يدور بيننا انا اول المستفيدين منه لكي اتعلم من سيادتك شياءً مما قد اكون اجهله

الله ما اعلمنا ما ينفعنا وادراء عن امتنا الفتن

**Gelgel2004** · 12-05-2011 03:53 PM

المشاركة الأصلية كتبت بواسطة mahdyez

لو شغلت التكييف فى الشتاء دافئ هل يحافظ على الفريون ولا لازم اشغل البارد

السلام عليكم

بدايه اوضح لكم الاتى :-
1 - الفريون عنصر غازى مضغوط فى حاله غازيه وقت الشحن او التركيب.
2 - يمر الفريون بنوعيه المعروفين 12 او 134 داخل دوره داخل حوض السياره من مواسير و خراطيم و كباس و منظم و فلتر و داخل المقصوره من سربنتينه الومينيوم فى اغلب الاحوال.
3- و طبعا جزء كبير من هذه المواسير و الخراطيم متصل ببعض عن طريق حاكمات تسريب ( اورينجات او اويل سيلات ) و هنا الجزء الاول .
4 - الجزء الثانى فى الكباس .
و اوضح :-
عند عدم استخدام دوره التبريد لمده اكثر من 3 الى 4 اسابيع بيحصل ان المادة الزيتيه اللى بتتحط مع الفريون مع الشحن ( لازم ناخد بالنا كتير اوى عند الشحن و دى بتتحط بالجرام - كميه مدروسه يعنى ) بتعمل تشحيم و تزييت لهذه الاويلسيلات و بتحافظ على موانع التسريب و ثانيا بتحافظ على بلوف الكباس الكاوتش و تحميها من التشقق.
علشان كده مافيش ابدا من وجهه نظرى حاجة اسمها تزويد بوء او اؤين قبل الصيف .
الصح ان مستوى الفريون و كميته ثابته لو الدايره سليمه و الاويلسيلات تمام و المطبات قلبله ( انت فى مصر ) انما لو التبريد ضعف يبقى فيه تسريب و لازم نكشف عليه و نعرف نعالجه.
و ممكن نعمل اختبار التبريد بوضع ترمومتر تبريد ديجيتال فى فتحات التهويه و نشغل التبريد على السلانسيه لحد الكباس ما يفصل كذا مره و نقيس الاصول القراءه من من 4 الى 6 تبقى الدنيا تمام .
الخلاصه
نشغل دوره التبريد ( الكباس على البارد ) كل 4 اسابيع علشان نعمل عمليه تزييت لموانع التسريب اللى تم الاشاره اليها علشان الدوره تبقى مضبوطه ان شاء الله .

اما بخصوص المناقشه المفيده و المتحضره عن دوره التبريد بين الاعضاء المحترمين او ضح لكم مايلى :-
ايه الفرق بين العربيه اللى فيها مكيف هواء او اللى مافيهاش ؟؟؟
الفرق كما اشاروا الزملاء اللى قبلى فى الكباس و سربنتينه البارد و الفلتر ( باختصار مجموعه التبريد .
لكن الكل مشترك فى السخن اللى هو سربنتينه التابلوه و البلاور ( المروحه ) و فتحه دخول الهواء الخارجى و مفاتيح التحكم ( بدون زرار ac )
يعنى لو شغلت المكيف ac و لفيت مفتاح بكره ضبط درجه الهواء ( اللى نصها احمر و الجزء الثانى ازرق ) على الجزء الاحمر و الكباس هيشتغل صحيح بس الهواء يخرج سخن لانه فاتح صمام دخول المياه الساخنه اللسربنتينه اللى جوه التابلوه. و العكس لما نلف البكره ناحيه الازرق يتقفل صمام دخول الماء الساخن و نبتدى نشعر باهواء البارد

انا بس موش هاضيف حاجه لان الزملاء الافاضل عملوا اللازم بس اسمحولى اشكر كم على رقى الحوار .
دمتم بود

**MMamdouh** · 12-05-2011 04:12 PM

المشاركة الأصلية كتبت بواسطة swimmer25

يا جماعة انا علي حسب فهمي ممكن اشرح استاذ طارق قصده ايه
اللي فهمته ان استاذ ممدوح وطارق صح
تقدروا تقولوا زي فكرة الحنفية فيها ماء بارد وماء ساخن
الماء البارد دائرة منفصلة عن الماء الساخن ولكن الاتنين بيبقوا دائرة واحدة عند نقطة تلاقي الحنفية
واللي بيخلطهم الخلاط
فلو انا مشغل السخان هيكون فيه ماء ساخن بس مش هينزل من الحنفية غير لما احولها ناحية الساخن
حد فاهم حاجة
نفس الفكرة
لو انا مشغل الكومبريسور هيكون فيه تبريد للهواء وفي نفس الوقت لو حولت البوابة ناحية السخن تجيب هواء ساخن وتخلط البارد بالساخن

الفكرة بقي في النهاية في حاجة..لو فيه حساس حرارة في الصالون الكمبريسور في الشتاء هيعمل ايه
هنظبطه علي ساخن فهيحس ان الحرارة المطلوبة اعلي من حرارة الصالون فبالتالي هيقف
ولا هيفضل شغال ويشتغل مع السخن عادي لانه مالوش دعوة ببكرة تحويل السخن والبارد لان كل وظيفتها هي الخلط وليس ظبط حرارة المقصورة فبالتالي الكمبريسور هيفضل شغال

حد لسه فاهم حاجة ولا انا بفتي.....انا مش بفتي انا بس بتخيل

انت جبت المفيد... و عشان كدة قلت ان تشغيل التكييف سخن لا يعتبر صيانة وقائية للتكييف لان دورة التكييف البارد مش حتشتغل فى الحالة دى

MMamdouh

-

-

-

الموضوع: لو شغلت التكييف فى الشتاء دافئ هل يحافظ على الفريون

LinkBack

أدوات الموضوع

عرض

-

-

-

-

-

توضيح لتشغيل التكييف فى فصل الشتاء -

-

المواضيع المتشابهه

العربيه بتسخن لة شغلت التكييف

صوت زنه فى التابلوه لو شغلت التكييف على 4

شغلت التكييف بس مجبش هواء ساقع

شغلت التكييف لقيت صوت تنفيس ومافيش تكييف اروح لمين

شغلت التكييف لقيت صوت تنفيس ومافيش تكييف اروح لمين

الكلمات الدلالية لهذا الموضوع

المفضلات

المفضلات

ضوابط المشاركة