الموضوع: رساله شكر وتقدير لمركز اتو تك من اسامه السيد

انا اسامه السيد صاحب بريليانس f r v كحلى
اولا اتوجه واشكرا كلا من المهندس اشرف والمهندس مصطفى فى مركز اتو تك فعلا نعما الاستقبال والرعايه.
انا توجهت يوم السبت بالعربيه بريليانس f r v لتركيب جهاز الانذار وعمل تشيك للعربيه بالمره زي التكييف ونظره عامه على العربيه وكمان صوت النحره الجامده اللى كانت عندي لما اضرب فرامل. معلش انا حاطول شويه بس ده حق ولازم اقوله استلمو العربيه وبعدين طلع فنى الصيانه معايا عشان يسمع صوت النحره دي سببها ايه بس ورجع دخلت العربيه
استنيت فى الرسيبشن خاص بنتظار العملاء وجيه البوفيه وطلبت واحد شاي .واهم ما فى الموضوع انك شايف الفنيين وهما شاغلين فى العربيه يعنى وهي مرفوعه وشغلين فى العفشه وكل حاجه امام عينيك مش زي التوكيل العربيه تنزل تحت متشفوفش ايه اللى بيحصل ودي من الحاجات اللى كانت عجباني.المهم انى استلمت العربيه وركبو جهاز الانذار الاصلى بتاع التوكيل وطلع المهندس معاياجرب العربيه لاقيت صوت النحره اختفى تماما الفرامل معرفش عملو فيها ايه بقيت اكثر قوه واستجابه بقيت احسن من الاول بكتيير شحنو التكييف فريون بقى العربيه ثلاجه السعر عندهم مناسب واقل من التوكيل بكتير والسر لما سالت المهندس قال احنا مركز معتمد من البفاريه وكل قطع الغيار من التوكيل بس احنا بنختلف فى المصنعيات اقل شويه ودي حاجه حلوه فيهم. معلش سرحت شويه فى الكلام بس فى النهايه احب اشكر كل من فى مركز اتو تك للعنايه والاستماع لكل مشاكل العربيه والاهتمام بها بجديه وياريت كل الناس تروح هناك فعلا ناس تحفه وشغلهم علي واي حد عايز يستفسر على حاجه يبعتلي وانا اجاوبه وشكرا.....

اه نسيت فى المركز ادونى وانا ماشي شماسه تحفه عشان العربيه ومعطر كمان ومديليه شوفتو التظبيط اللى ماعملها التوكيل

[QUOTE=bassem.kamal;3873802868]في الفلوس و كدة .. 1500 جنية
و حصل مشكلة و جاري حلها انشاء الله ![/QUOTE

مش ممكن تيل وطنابير 1500 جنيه أمال في التوكيل نفسه بكام وبعدين ليه الطنابير اتغيرت هيا لحقت؟؟؟؟؟